عادات غريبة اثناء القيادة....

**أبوسيف** · 21-06-2007 12:05 AM

يا نهار اسود على الجنان ، اهو دة لو قابلته حاجة اضطرته يضرب فرامل جامد يبقى الولد الصغير راح فيها ، لا وتقريبا والدته اللى قاعدة جنبه وبتصورهم يعنى مش خايفة على ابنها دى ، مش مصر بس اللى فيها سلوكيات غلط اى نعم احنا عندنا زيادة شوية بس كل مكان فى العالم فيه وفيه.

**OsKaR** · 22-06-2007 05:09 AM

لما تشوف حاجه زي كده يبقى انت اكيد اكيد في مصر

**محمد السكري** · 24-06-2007 01:56 AM

السلام عليكم
طيب انا باه عايش بره وكل ما بانزل مصر اجازه باعاني من موضوع التجاوزات اللي بتحصل من الاخرين اثناء القياده يعني هي ناقصه مش كفايه الطرق وحالتها المزريه بمطباتها اللي محتاجه طياره تعدي من عليها مش عربيه والله يا جماعه انا كتير جدا باركن العربيه واقضي الاجازه بتاكسيات عشان اتجنب رتفاع ضغط الدم اللي بيجيني وانا في الاجازه برغم اني شخص غير انفعالي بس بصراحه اللي باشوفه في الاجازه بيخليني ادعي لكم بطول البال وسلامه الحال بس عارفين المشكله اني لما بارجع من الاجازه بلاقي نفسي اصبت بنوع من اللاالتزام والفوضي اللي عشتها لمده شهر في شارعنا المصري يعني مفيش مشكله اني اعدي عربيه من علي اليمين او اقطع الاشاره وهي صفره وخلاص هتحمر بس بعد كام يوم بارجع لطبيعتي وطبيعه البلد اللي انا عايش فيه لان بصراحه الجو العام بيجبرك انك تلتزم مع الاخرين الملتزمين .اخر حاجه هاقولها من العادات السيئه هي استعمال الموبايل اثناء القياده . من كام يوم كنت لسه مخلص شغل ونازل من المكتب فقلت خليني اتصل بالبيت اسالهم ان كانو محتاجين حاجه اجيبها معاي وانا جاي ويا دوب لسه بابص علي الموبايل اللي كان علي الكرسي اللي جانبي والا سمعت صوت اصدام ومش عارف ايه اللي بيحصل اتاريني لبست في عربيه اوبل واقفه لا بيها ولا عليها وطبعا وش عربيتي الكورولا ال 2007 باظ بس بطلت اتكلم في الموبايل كام يوم كده وبعدين نسيت. حفظنا الله واياكم واعاد لنا شوراع بلادنا لما كانت عليه في الستينات تحياتي واحترامي

**P_R_I_N_C_E** · 24-06-2007 02:55 AM

المشكلة ان الغباء ممكن مش يبقى من السواقين وبس دا من الشعب كمان والله كنت ماشى فى شارع الهرم والشارع كان فاضى شوية وكان فى واحدة ست عديت الشارع من غير ما تبص ولما استخدمت الكلاكس ووقفت على الفرامل بقيت انا اللى غلطان وكان مش عاجبها

**amrrashed** · 24-06-2007 07:00 AM

من اسوأ اسوأ الحاجات اللى باشوفها فى حياتى كلها ان البيه السواق مشغل الـ DVD وعمال يتفرج وهو سايق وياسلام لما يكون مشغل التكييف طبعا وقافل الازاز.... بحاول ابعد عنه على طول لأن الراجل ده مش معانا خالص ياريت يجرموا استخدام الـ DVD دا الواحد عايز تلاتين عين على عينيه الاتنين علشان يشوف الميكروباصات ورذالتهم ولا بتوع الدليفرى الكباتن الطيارين اللى فاكرين نفسهم دبانة ولا بيظهروا فى مرايه ولاتعرف تشوفهم اصلا...بس خلاص

**Karim_Monir** · 24-06-2007 12:50 PM

بتوع الدليفري دول مصيبة
ويميل عليك بجن الفيسبا في ثانية وكمان الصندوق الحديد اللي مركبينة ده بيبقوا مش عارفين ابعده كويس وماسي يلوش ولا كانه في سباق رالي

**Casio2000** · 24-06-2007 03:10 PM

كسفتوني والله دانا مابسوقش غير حافي :roll:

**محمدايهاب** · 24-06-2007 07:00 PM

أنا عندي dvd في العربية بس للوراه بس بعيد عن السواق أما الناس إلي بتحط dvd أما مي دول يستهلوا ضرب النار فعلا

**mat7oon** · 14-09-2007 07:30 AM

انا من يومين كنت راكب ميكروباص كان الكرسى بتاع السواق قاعد عليه السواق و واحد تانى صاحبه و متسألنيش كان سايق ازاى.

الموضوع: عادات غريبة اثناء القيادة....

LinkBack

أدوات الموضوع

عرض

-

-

-

-

-

-

المواضيع المتشابهه

تقطيع فى النوبيرا اثناء القيادة

أخطاء اثناء القيادة للمبتدئين

تفادي الغضب اثناء القيادة

اسوأ المواقف اثناء القيادة

هل انت بتركز اثناء القيادة ؟

الكلمات الدلالية لهذا الموضوع

المفضلات

المفضلات

ضوابط المشاركة