الموضوع: بخصوص قوة موتور السيفيك فى الشد و الجرى .. لاصحاب التجربة فقط !!

المشاركة الأصلية كتبت بواسطة abdulkhaleq

ياجماعه عايزين نقول حاجه بس
وصول العربيه لسرعه عاليه عمره ماكان دليل جوده (بالنسبه لموضوع الهيونداي اللي بتجيب 400 كم دي)
انتوا عارفين ان المازدا 3 هنا اخرها 180 (مقفوله الكترونيا) ولما سألنا في التوكيل قالوا ان الشركه قالتلهم هو كده ومش هتتفتح واللي عاجبه على كده يشتري !!!
ليه ؟ عشان هما ضامنين التحكم والفرامل والسيفتي عموما لحد السرعه دي
ياجماعه الهيونداي دي على سرعات عاليه تحكم زيروووووو فياريت ماحدش يقعد يقوللي بتجيب 200 والكلام ده عشان ده كده كلام ناس صغيره مع احترامي للجميع

+1111111 كلامك هااااااايل مع انك معاك هيونداى بردو
احييك على روحك الرياضيه
^_^

المشاركة الأصلية كتبت بواسطة abdulkhaleq

هههههه العربيات الكوري سيارات الشعب اللي لا غنى عنها حتى لو عندك نوع تاني
احنا اتعلمنا في دايو وهيونداي :) :)
بس مش معنى كده انها بقدرة قادر تبقى اختراع لمجرد كلام ملحق الاهرام اللي بيتكتب عنها وهو كده وخلاص :)
استابيليتي, سرعه, سيفتي, وأرقام أداء خزعبليه ازاي معرفش هو كده وخلاص هههه

ههههههههههههههههههههههههه ه

المشاركة الأصلية كتبت بواسطة semsem kane

طيب هاقولك حاجة تعالى كدة ونشوف ودية من تجارب واقعية

كام واحد معاة سيفيك 2006-2010 هنا فى المنتدى كتير محدش اتعرض لتقشير الطارة غير واحد بس واتغيرت فى التوكيل
بالمقارنة كام واحد معاه النترا كتير جدا جدا شوف كام واحد حصل معاه مشاكل تقفيل او عفشة وهتلاقيهم نسبة صغيرة جدا
السيفيك بتعمل فى الصفيحة 200 كم ( تجارب واقعية ) داخل المدينة قيادة لم تتعدى ال120 كم
جبتلك موضوع استاذ سمير وده تجربة واقعية برضه
السيفيك واطية ماشى مش بس مش اوى يعنى فردين مابتحكش ثلاث افراد مابتحكش , اربعة تحك فى المطبات الغلط وخمسة تحك فى المطبات الصناعية المرتفعة قليلا
لا معلش في دي 70% عالاقل من اللي معاهم سيفيك بيشتكوا من انها واطية وبتحك في اي مطب وده اصلا باين جدا من بره ومش محتاجة كلام يعني
السيفيك ضيقة ( لما بيكون السائق طويل او اللى قاعد جنبة طويل فبيضطر يرجع الكرسى وظهرة شوية لكن لو اللى سايق طولة ماعداش ال183 سم هتلاقى الدنيا واسعة واى طول يقعد وراة مستريح
بالمثل ماهي الالنترا واسعة للسائق العادي والراكب العادي ازاي تقول انها ضيقة ؟
بطيئة فى التسارع ( فى فرق انها تكون بطيئة فى التسارع لعيب او لوجود تكنولوجيا فى العربية للحفاظ عليها وانت مش كل يوم هتجرى من الثبات وهية بردة مش بطة بلدى لأ فايقة بس طلعتها مابتديش الباور للعجل مرة واحدة ( ودة ميزة مش عيب )
معلش سيبك من حكاية الحفاظ عالعربية دي , لو كان كده كانت ال muscle cars بقوا تعبانين في الطلعة عشان يحافظوا عالعربية ( ولا فورد وجنرال موتورز ودودج اقل من هوندا ؟ )
الفرامل : والله انا مش شايف عيب فى الفرامل بالعكس من اقوى الفرامل اللى موجودة والحمد لله بتوقفك وبتلحقك ( شوف انا شوفت فرملتين عمرى ماهنساهم واحدة بااوبل فيكترا والتانية بسيفيك والاتنين كانوا طايرين فى النفق وبياخدوا غرزة ولقوا العربيات واقفة والله العظيم لو اى حد غير دول كان زمانة لبس لبسة السنين وقفوا وقبل كمان العربية اللى قدامهم بحبة حلوين
( تجربة واقعية والله على مااقولة شهيد ) فين بقى ضعيفة دية

انت جيبت واحد وانا جيبت واحد والاتنين معاهم الالنترا 2012 والاتنين متناقضين تماما فى الاراء
هل يعنى ذلك ان الهيونداى زى السيراتو انت وبختك ولا دة عيب بيظهر بعد كدة لما تهمل صيانة فترة بسيطة لان لو كدة تبقى مصيبة
لما واحد يقول السيفيك طارتها بتقشر , هل ده يعني ان اي سيفيك الطارة بتاعتها بتتقشر بسهولة ولا انها بطيخة مثلا ؟
وعموما عشان دة يتحل يبقى لازم الناس تبقى اجماع على ان استهلاك العربية بيعمل كذا فى الصفيحة واسلوب القيادة وساعتها هنشوف مين اللى صح الفيديوهات ولا الوقائع

ال reviews ياباشا بتبقى على حاجات كتير اولا:

1- بنزين تحفة

2- طريق نظيف لسة بة متعرجات او مطبات هواء

3- بيتم اختبار السيارة والهواء معاها

4- كاوتش زيرو لسة مامشيش

5- زيوت عالية الجودة وكفاءة عالية جدا

كل دة ومش عايز العربية تبقى تقييمها كويس
لو كان كده كان كل العربيات تاخد اعلى التقييمات , مش عارف انت ليه مش قادر تعرف ان الظروف دي لكل العربيات مش للالنترا بس , طب ليه بيقولوا عالسيفيك مش كويسة ما دام كل الظروف مهيئة ؟
واللي بيجرب عربية بيجربها في ظروف كويسة , مش تجيبلي عربية مدينة في حفر وبلاعات ومطبات وتقولي العربية وحشة
انا نفسى واحد يمسك عربيتين ويجى يختبرهم كدة على الدائرى ولا فى طريق مدغدغ واتفرج هيقول اية بجد لان دية الطرق بتاعتنا احنا
وبعدين معروف عن السيفيك عفشتها الناشفة الرياضية فالعربية مش ناعمة اوي يعني
- لما طريق بتاع القوات المسلحة اللى فتح جديد دة كل اللى كان بيسمع اصوات من عربيتة وهية ماشية على الطرق العادية ومش على الطريق حس انة غير العربية من ( ثبات - صوت - نعومة - هدوء - فرامل - تحكم ) حتى لو كانت اية , كل دة بيأثر على الريفيوهات

المهم ياريت بس الحاجات اللى فوق دية اللى انا جاوبتلك عليها فى السيفيك عشان تعرف عيبوها ترد انت كمان عليها فى الالنترا مع الوقائع المجربة فى البنزين والثبات والفرامل

المشاركة الأصلية كتبت بواسطة abdulkhaleq

ياجماعه عايزين نقول حاجه بس
وصول العربيه لسرعه عاليه عمره ماكان دليل جوده (بالنسبه لموضوع الهيونداي اللي بتجيب 400 كم دي)
انتوا عارفين ان المازدا 3 هنا اخرها 180 (مقفوله الكترونيا) ولما سألنا في التوكيل قالوا ان الشركه قالتلهم هو كده ومش هتتفتح واللي عاجبه على كده يشتري !!!
ليه ؟ عشان هما ضامنين التحكم والفرامل والسيفتي عموما لحد السرعه دي
ياجماعه الهيونداي دي على سرعات عاليه تحكم زيروووووو فياريت ماحدش يقعد يقوللي بتجيب 200 والكلام ده عشان ده كده كلام ناس صغيره مع احترامي للجميع

هو مين اللي كل شوية بيجيب سيرة التوب سبيد غير سمسم اصلا ؟ واديك قلتها بنفسك المازدا الرياضية الجامدة فحت ضامنينها لحد 180 , يعني قول الالنترا اخرها 160 (مفروض متمشيش اعلى من 140 اصلا ) , يقوم واحد ييجي يقولي اصلها مش ثابتة على 180 !!!