الموضوع: بخصوص قوة موتور السيفيك فى الشد و الجرى .. لاصحاب التجربة فقط !!

المشاركة الأصلية كتبت بواسطة AHMED1718

عادى وارد بس لو السيراتو مانيوال مظنش

ياباشا حتى لو السيراتو مانيوال (ودى قليلة أوى على فكرة، معظمها أوتو 4 و6-سرعات)..؟!!
برضه ماتطلعش من الإلنترا الشيب القديم.. عشان فرق الوزن، الإلنترا أسرع بفرق.

لو مواتير ومفيش ملفات جامدة

لا لأ، مش معاك فـ دى..
ماهو لو شد مواتير وطريق Straight.. طبعا السيفيك هتطلع (فـ السرعات العالية) بفرق كبير، وعن تجارب..!!


مش بتقع ف ده الا ف حالة واحدة بس انك نزلت من 180 ل 140 مثلا و فضلت ماشى على الرابع ومسقطتش للتالت

لا، أنا مش بتكلم على Downshift يحل مشكلة التسارع فـ الرينج ده؟؟!!!
أنا كلامى ان فيه Torque-Dip عند الـ130-140 دى.. سواء بأبدأ منها 3rd أو 4th (الثالث أسرع سيكا)، أو نازلها من سرعة عالية 170-180 مثلا..؟!!
أنا بتكلم على مشكلة فـ منحنى العزم والباور بتاع الموتور فـ رينج الـrpm ده، قد يكون برضه نتيجة ان الـCalibration بتاع Tune الموتور مش متضبط مع نسب الجيربوكس؟؟؟!!

طب ماهو حتى فـ الفتيس الـ6-سرعات.. تبقى ماشى 160-170، و سرعتك تنزل لـ120-130.. وعايز تجمع سرعة تانى،
الى بيحصل انها بكيككاية جامدة تسقط لـ4th (من السادس)، أو سايق Step وتنزل نقلة للـ5th..
السيراتو بتطلع من الـ110-120 كويس لحد الـ130-140، وبعدين بتبدأ تقع فـ السحب؟؟!!!

دى مشكلة منحنى-عزم/باور ونسب جيربوكس يا صديقى، واضحة أوى.


بس احنا بنتكلم على نقاط
وانتا بالزات متحامل على الكورى بشكل عام
وانا عارف ان الاوربي وبعض اليبانى احسن ف اداء الفرامل من الكورى
بس الفرامل زيها زي اى حاجة مستهلكة ف العربية لو مرعتهاش بتبقا عربيتك نعش وبس
انا ركبت سيراتو متركبلها تيل امامى ماركة غريبة كده ب 120 ج وكنت مستغرب انه بيقولى اداء الفرامل عادى زى مهوا
لما ركبت العربية وفرملت كبس وانا ماشى 100 حسيت انى مدوستش فرامل اساسا ومحسيتش حتى انى هديت
لما ركبته عربيتى بتيل اوريجنال
نزل تانى يوم رمى تيله ف الزبالة وركب الاصلى

هههههههههههههههههههه
ياباشا مش متحامل، أنا بقول تجربتى وتجارب أصحابى..؟!! ومش جديد عـ الكورى ان فرامله ضعيفة يعنى؟؟؟!!
- يعنى أنا بتكلم على عربيات جديدة كوبيه وسيدان.. مالحقش أصلا يغير تيل الفابريقة، والفرامل متوسطة إلى ضعيفة الأداء خصوصا عـ السرعات العالية والإستخدام المتكرر؟؟!!!


بخصوص اداء السيفيك ال 2011 حتى ديسكات شايففها مش الواو وضعيفه جدا
وبخصوص اداء المحرك هوا الفارق انه ناعم بس بتحسش بصوته ومعاناه الماتور وانتا بتشد
لكن كتسارع انا جربت كزا مرة اشد معاها فوق وتحت وكان ببقا فارق عنه ، كان معظم الشد على سرعات من فوق ال 100 على طرق مع ناس معرفهاش ساقتهم مجاراة الطريق
ومن الثبات مع صديق

+1
معاك ان فرامل السيفيك أقل من الفئة بتاعتها، كان المفروض تبقى أجمد من كده سيكا..
الجيتا والأوكتافيا والفلوينس.. رغم انهم أبطأ منها فـ الجرى، لكن فراملهم أقوى بشكل ملحوظ.
بس برضه أفضل قليلا من الهيونداى-كيا، عـ الأقل فـ السرعات العالية..!!

اللى مقتنع بفرامله فعلا
الاوربي عامة وخاصة الرينو بجميع فئاته حتى اللى مفيهوش ABS

ياباشا هو الـMando ده اللى بيعمل فرامل الكورى هو المشكلة؟؟!!! هههههههههههههههه
بعيد عن المقاسات والـMaterials بتاع الديسكات والتيل.. هو عنده مشكلة:
يعنى أيه فرامل ABS تزحف؟؟؟!!!!!!

بالنسبة للأوروبى، غالبا بينزل بسيستم فرامل Bosch ألمانى (الألمانى والأيطالى كله بوش)، والفرنساوى الرينو بينزل بـ Delphi أو Lucas.. والبيجو-ستروين بوش.
وكلهم ماركات (صناع المكونات) لا غبار عليها، ومعروفة مفيهاش كلام..؟!!

Edit: اللى مخلى فرامل الأوروبى أجمد من الكورى وبعض اليابانى:
ان الشركات الأوروبية بتركب فرامل الـRating بتاعها (الـCapacity مقابل الباور).. أعلى من قوة العربية ووزنها بفرق كويس..؟؟!!!
- مثال: سيستم البوش فـ البرافو (الـ120 حصان، 1300 كجم) يكفى Up-to قوة موتور 160 حصان.. ووزن Vehicle حوالى 1800 كجم..؟؟!!!

- مثال تانى: فرامل البوش برضه بتاع الـ308 SW (موتور 120 حصان ووزنها 1400 كجم أو أكثر).. شغال لحد 150-156 حصان، ووزن 2 طن تقريبا..؟؟!!!

أقولك حاجة بقى: فرامل الإلنترا (قديمة وجديدة) آخرها توقف عربية 100 حصان، ووزنها 1 طن..؟؟؟!!
فـ حين ان العربيتين 120-130 حصان، ووزنهم 1200-1300 كجم..؟؟؟!!!!!!
ده مالوش غير تفسير واحد: ان هيونداى-كيا شركة تعبانة..ماتعرفش بقى (جهل وعدم خبرة) أو استرخاص مكونات (لتوفير التكلفة)؟؟
ماليش فيه، المهم ان الفرامل أقل من العربية وضعيفة.
Regards،