الموضوع: هل يجب تليين السيارات الجديدة قبل إستخدامها ??

المشاركة الأصلية كتبت بواسطة MMamdouh

لا مش عارف ايه الاسباب الفنية لكدة لكن انا حسيت ان العربية اللى موتورها بيلف لفات عالية بيبقى سحبها و استجابتها احسن

الككلام دة حس بيه والدى لما ركب البيتلز بعد ما بدات اروح بيها الكلية... قاللى انت عملت حاجة فى العربية؟ قلتله لا بس بتسال ليه؟ قاللى اصل العربية بتسحب احسن من الاول

strange but true

MMamdouh

انا كمان مش عارف بالضبط ايه الأسباب, مع انى اعتقد انو الموضوع ده وهم لأن جزء كبير من سحب السيارة نوع من الاحساس.
لكن على حسب تفسير الميكانيكى اللى تحت البيت عندى:), انو الموتور الجديد بيبقى "قافش" و مكلبش فى بعضه, و ده معروف, لما بتبدى تقرص عليه بتسرع عملية الاحتكاك و بيخف المحرك, و المحرك الخفيف سحبه أفضل من المحرك الجديد, لأن المكبس بيتحرك بسهولة, عشان كده بتلاقى السحب أفضل, لكن العزم بيقل. و هو تفسير منطقى جدا فى رأيى. لهذا لا ينصح ب"تفتيح" المحرك لأنك بهذا تقصف عمر المحرك بمعدل سريع جدا.

المشاركة الأصلية كتبت بواسطة MMamdouh

لا مش عارف ايه الاسباب الفنية لكدة لكن انا حسيت ان العربية اللى موتورها بيلف لفات عالية بيبقى سحبها و استجابتها احسن

الككلام دة حس بيه والدى لما ركب البيتلز بعد ما بدات اروح بيها الكلية... قاللى انت عملت حاجة فى العربية؟ قلتله لا بس بتسال ليه؟ قاللى اصل العربية بتسحب احسن من الاول

strange but true

MMamdouh

يا استاذ محمد كلامك معقول بس عايز اقول لحضرتك علي حاجه
انا والدي مهندس ميكانيكا ديزل
وعندن عربيات ديزل وبنزين
وتقريبا كل فتره كانت في عربيه لازم تعمل عمره
المهم اني كنت ببقي مع والدي واحنا بنعمل العمره
والحمد لله اتعلمت كل حاجه فيها من الالف للياء
بس التليين شيء ضروري في العربيات سواء جديد او قديم
والدليل علي ذلك انك حتي لو جبت العربيه زيرو وروحت بيها التوكيل بيبتدي يقرط علي وش السلندر لأنه بيكون مهوي شويه علشان بيكون البساتم والشنابر والشمايز لسه ما طبعتش علي البلوك و وش السلندر لأنه ده حديد بيحك في بعضه فلازم يقوم بالتليين حتي يمكن تتطبيعه
وبالنسبه للسيارات الحديثه فبتكون فتره التليين اقل وده علشان الدقه العاليه اللي بقيت في التصنيع بس باردو لازم تليين
والدليل علي كده انك لو جبت عربيه زيرو والتوكيل قالك متلينه وجريت وكبست بيها هتلاقي الموتور قفش وانت طبعا عارف اضرار الموتور لو قفش وعلي فكره الموضوع ده حصل مع صديق لي في التيوتا كرولا اول ما جبها كان بيشد مع لانسر وطبعا الموتور قفش بس الحمد لله جت سليمه
انا بس في النهايه احب اقول ان التليين شيء هاااااااااااااام جدااااااااااااااااااا

المشاركة الأصلية كتبت بواسطة MMamdouh

iهو الموضوع احساس فعلا بس احساس حقيقى... لو انا اللى كنت حسيت بسحب العربية كان ممكن اقول انى انا اللى بتخيل ان العربية سحبها اتحسن لكن اللى حس بكدة هو والدى اللى م فى دماغة اساسا تفتيح و تقفيل و كدة... دا راجل مركبش العربية من شهر و لما ركبها حس انها بتتجاوب معاه بشكل احسن... اذا الموضوع مش احساس وهمى بل هو حقيقة

اما عن التليين فهو فعلا عبارة عن تاكل اجزاء معدنية بتحتك ببعضها عشان توصللدرجة الاحكام المثلى... و اى موتور فى الدنيا لازم يتلين الفكرة فى طريقة التليين

التليين مش تحسيس لان ببساطة التطبيع الصح بين الشمبر و الشميز مش حيحصل الا لما يبقى فيه تلامس تام بين الاتنين و التلامس دة مش حيحصل الا لما يبقى فيه حمل على الشنابر و الحمل دة مبيجيش الا لو فيه ضغط عالى فى غرفة الحريق... غير كدة الطبقة اللى المفروض تتاكل ف التليين حتتاكل و الشمبر مش مطبع صح على الشميز و حيهرب كبس لما يبقى فيه حمل عل الموتور والعربية عمرها ما حتجرى... و الكلام دة كلة مكتوب ى الموضوع اللى انا حطيت اللينك بتاعة بس واضح ان الناس بتحب تصدق عم سيد الميكانيكى عن واحد شغلتة المواتير و السباقات

MMamdouh

لا يا أستاذ ممدوح التليين تحسيس, و ينبغى عدم التحميل على المحرك أثناء فترة التليين و عدم زيادة سرعته, الكلام ده مش كلامى و لا كلام عم سيد الميكانيكى الذى بالمناسبة أثق فى كلامه أكثر من شوماخر نفسه, ده مكتوب فى كتالوج أى عربية, و أنا شخصيا جايبه من كتالوج الشاهين فيه صفحة كاملة عن فترة التليين.