الموضوع: هل يجب تليين السيارات الجديدة قبل إستخدامها ??

المشاركة الأصلية كتبت بواسطة NoNaMe

عندك حق الموضوع حقيقة مش وهم والدليل على كدة هات عربية بيتحسس عليها وطلع بيها على طريق مفتوح وشوف هتوصل معاك كام واجرى بالغربية كام يوم واطلع تانى وجرب وشوف هتبجيب كام و فى زمن اد اية , انا عن نفسى مش عارف السبب ونفسى اعرفة ايام الكلية حاولت اتكلم مع دكاترة ومعيدين فى الموضوع دة كان فى منهم مش مقتنع اصلا ومعرفتش اقنعة واللى جرب مش لاقى تفسير !!!!
بس على فكرة الموضوع مش موضوع جرى وكبس وخلاص لأ بتفرق على حسب طريقة السواقة ومن عربية للتانية او بمعنى اصح ازاى تعرف تجرى عربيتك , والدليل ان فى عربيات بيتحرق بيها وبيتجرى بيها ومخنوقة وصوتها عالى وعربيات مش بيتقرص عليها وفايقة مش مخنوقة ويوم مابتحب تجرى بيتلاقيها
اعتقد ان التفسير الوحيد ان الموضوع دة بيفرق فى توزيع رواسب الكربون على الاجزاء الداخلية مع درجة الحرارة والضغط لأن حكاية التفتيح والتقفيل دة حاجة مؤقتة مش مستمرة بمعنى ان لما والدك جرب البيتلز ولقى اداءها اتحسن لو ركبها اسبوع بنفس طريقة سواقتة هترجع زى الاول تانى ولما تركبها انت هتحس ان الاداء ضعف يعنى الموضوع دة ملوش دعوة باجزاء الموتور واللا كانت هتثبت على وضع معين مش هترجع زى الاول تانى

------

اللينك دة انا شوفتة من زمان وبصراحة مش مرتاح للموضوع دة هو اة الكلام منطقى بس متنساش الناس دى بتدور على اداء وسباقات وسرعة متفرقش معاها عمر الموتور لأن ببساطة العربية على بعضها مش فارقة معاة عكس هنا احنا بنمشى فى الشارع بالعافية والناس بتدور على عمر الموتور اكتر
بس دة ميمنعش طبعا انك كل فترة تاخد العربية على طريق سفر تشم هوا نضيف شوية وتتمطع شويتين ;) بس بعد التليين طبعا :)

----------------------------------

موضوع التليين والعربية واقفة ملوش لازمة انت مش بتلين بعد عمرة التليين يعنى تحميل الموتور (بس بعقل) وكمان انت مش بتلين موتور بس دة موتور وفتيس و................................................ ........

مهو دة اللى مجننى...لو الموتور فتح زى ما بنقول... ايه اللى بيقفلة؟؟؟

مش لاقى تفسير علمى للقصة دى بس هو دة الواقع و بشهادة ناس كتير

اما بالنسبة لصاحبنا بتاع الموتسكلات فا الكلام اللى قالة عشان يوضح نظريتة منطقى جدا و مش لاقى فيه عيب... مان هو قال ان لو فيه عيب صناعة فى الموتور حيفضل العيب موجود و حيزيد مع المشى مهما حسست على الموتور فا تحرق او متحرقش العيب حيبان كدة كدة

كمان الموضوع التنى اللى كتب فيه احد الاشخاص انهم كابوا عربية او موتوسكل مش فكر... المهم ان العربي او الموتوسكل اتحط على الDyno و هو لسة جديد و حرقوا بيه على الاخر و محصلش اى حاجة

سيبك من كل دة... شهادة الناس بتوع الsupport بتوع شركة Hastings اكبر دليل... التليين سواقة عادية بين 50 الى 60 ميل (90 الى 100 كيلو) مع زيادات متكررة حتى 100 ميل ( 160 كيلو)... اكيد الامريكان مش عبط عشان يكتبوا كدة ولا الناس اللى جربت الكلام دة و حصلها مشاكل كانت حتسكت... انت فاهم النظام هناك ازاى و لو اترفع قضية عشان تعويض بسبب حاجة زى كدة الشركة دى حتدفع ملاين تعويض و بعدها حتقفل و مش حتقوملها قومة

طبعا لو قلت لواحد فى مصر انا جبت 160 عشان لسه بلين ممكن يضربك بالنار... للاسف احنا حابسين نفسنا فى ثقافة الاسطى سيد و صبية بليه اللى بيحرق صفيحتين بنزين على الواقف عشان يلين و بعدين يمشى 99 الفكيلو على التانى مع ورقة "السيارة فى التليين"... قال يعنى لو مش بيلين كان طار من على الارض... دا هى القصة كلها اول 100 الى 200 كيلو و شكرا

احنا بس عشان بنخاف اوى و عندنا مفهوم المحافظة عى المقتنيات غريب شويتين فا بنعمل كدة... وى اللى يبقى جايب عربية زيرو و بعد 6 شهور تلاقية سايب البلاستيك على الفرش... هى كدة يعى مش حتقدم؟؟ ولا اللى يسيب ستكرات الحماية على الكابوت و السقف و الشنطة... فاضل شوية و يحط العربية فى النفتلين

MMamdouh