العربيه فئه اس اكس بفتحه سقف و جنط 17 و ماشيه 30 الف كيلو تقريبا

انا عارف ان العربيه دي اتهرت مواضيع و تجارب قياده

بس احب اقول رأيي الشخصي

مهياش بي ام ... مهياش مرسيدس ... مهياش عربيه سباق

دي عربيه مدنيه من الدرجه الاولي ... ليها مميزاتها و عيوبها

اهم و ابرز عيب فيها نشوفيه العفشه

و كمان مبتخدش ثبات زياده علي سبيل المثال بسبب النشوفيه دي

الميزه في النشوفيه هي المطبات

لما بتيجي تاكل مطب زي الزبون ... العفشه بتسعفك

غير كده العفشه دي عيب جوهري في العربيه

العيب التاني اللي هو الحدفه الشمال

و الله اعلم انا بحس ان شاسيه العربيه دي معووج كعيب صناعه

مش عارف ليه حاسس بكده

صرفت الكثير علي ظبط الزويا و ظبط ضغط الاطارات

و برضه العربيه مصممه تحدف شمال مش عارف ليه

هي الحدفه مقبوله و لكن مع غير المحترفين ممكن تبقي مشكله عويصه

العربيه سحبها مش عاجبني اوي عشان متعود علي الفيرنا المانيوال

و كلنا عارفين السحب العجيب بتاع الفيرنا

غير كده العربيه جيده من كل النواحي الباقيه

حاجه اخيره

العزل الصوتي ممتاز

بتحس انك من بنها لما بتقفل الازاز ههههههههههههه

في النهايه انا بنصح باي عربيه ياباني او الماني يوزد بتمنها