الموضوع: اول تجربة شد.... شكرا بيجو

المشاركة الأصلية كتبت بواسطة hany63

على فكره كان معاي tsi باسات 122 حصان و كانت طلقه وبعتها و قلت اجيب 320 و لقيت واحده كويسه و فتحت موضوع في قسم البي ام اسأل على قوتها مقارنه بالباسات و الكلام على مسئولية ملاك العربيه و منسق القسم و اعتقد ان دي ناس خبره و بتفهم قالوا بالنص كتسارع وشد ال tsi تتفوق (1400 سي سي)و المفروض اركب الفئه الخامسه عشان احس اني طلعت
فما بالك ب 156 حصان تربو ياريت الناس تسأل اللي ركبت الاتنين عشان انا في الاول قلت برضه 122 حصان كلام فارغ لكن لما يخرجوا من موتور متربن كأنك راكب 6 سلندر

كل سنة وانت طيب ورمضان كريم قبل ما ارد علي سيادتك
هنا المقارنة بين فئتين في السيارات مختلفتين وبمواتير مختلفة تماما من حيث السعة ونظام التلقيم والاندفاع وبالتالي علشان اقارن يبقي لازم اختار انا باقارن اية باية
المواتير التوربو الجديدة صغيرة السعة بس التوربين بيبداء الشحن نظرا لصغر حجمة علشان تدور مروحتة من اندفاع العادم بكمية قليلة نسبيا نتيجة صغر الازاحة للمحرك من دورات قليلة وبالتالي بيدي عزم الدوران من دورات صغيرة (1400-1700)وبيستمر العزم دة ونتيجة الاستخدام للتوقيت المتبدل في حركة صبابات الحر بخط مسطح تقريبا علي طول دورات المحرك حتي الدورات الحرجة (7000-9000)لفة وعلشان كدة سعاتدك بتحس بالاندفاع القوي للسيارة وكمان الدرفتات السريعة بكبس دواسة البنزين والشحن الزائد المؤقت لغاية ما يتدخل صمام التصريف الزائد لحماية المحرك من التلف
اما موتور السحب العادي والمجهز بة البي ام ففية كلام كتير في الحتة دي وللاخوة كاتبين كلام كتير بس انا لما اتكلمت اتكلمت علي محرك 2000 عموما والمجهز بتقنية التوقيت المتبدل لصمامات الحر والعادم وكمان الحقن المباشر بداخل غرفة الاحتراق وايضا الحقن التتابعي للرشاش قبل اتمام شوط الانضغاط وبالتالي شوية التجهيزات دي بتخلي الe90بتحصل علي عزم دوران ثابت ايضا واستهلاك متدني يماثل المحرك الصغير المشحون تقريبا وبالتالي بتدي الارقام السابق ذكرها والتي تختلف عن الموجودة في موقع البافارية المصري وبالتالي شوف الفرق لصالح مين
وبعدين الاخ الكريم لما قال انة سبق بي ام -وبالمناسبة انا اساسا باكره البي ام جدا وباعتبرها سيارة غير عملية - تسائلت هل سيادتة شاف يافطة مكتوبة علي العربية بتقول انها تقفيل مصري ولا الماني علشان كدة قرر الدخول في سباق معها وبعدين هو انا لما باشوف اي عربية واجري معاها واسبقها يبقي دة دليل عن انة راكب سيارة خارقة لا ياسيدي واكررها الف لا لان ماحدش يعرف حالة العربية التانية من حيث خبرة السائق ولا حالة العربية عموما والعفشة والعجل ...الخ وبالتالي باذكرك لو كان الصديق العزيز اللي شايف العديد من الاخوة بيتولوا الدفاع كاننا في قضية قومية وبتجبرني علي الرد لوصع الامور في نصابها وقع في بي اماية برضة e90 ومركب فيها موتور ام 3 مثلا ومبسوط بانة سايبها بدن اليفط الاعلانية بتاعة الام 3 ودة بالمناسبة ناس كتير معدلة عربيتها دون اي تغيير في الشكل الخارجي كان سيادتة قال اية
وبالتالي موضوع المقارنة والحكم مش مني ولا من اي حد بيكتب عن صدفة طريق لكن في شروط موحدة تصل الي استخدام سائق واحد للسيارتين وحاجات كتير وبعدين الكلام دة واللي كتبتة كوبي بيست من مواقع عالمية كلام محترم لية ثقل مش صدفة طريق وخلاص
تحياتي الي شخصك الكريم