اول تجربة شد.... شكرا بيجو

**kaza** · 18-07-2012 07:51 PM

المشاركة الأصلية كتبت بواسطة formulator

السلام عليكم،

لما نقول موتور الـ320i e90.. يبقى لازم نشوف الكود بتاع الموتور،
- فى الـe46 القديمة bm كانت بتنزل موتور واحد 2000cc.. اللى هو n42b20
ده كان فيه vanos (على كامة واحدة) و valvetronic.

فى الـe90 الشيب ده bm نزلت 3 نسخ من الموتور الـ2000cc:

- n43b20 وده فيه valvtronic وكمان direct-injection
- n46b20 وده فيه valvetronic بس مفيهوش direct injection
- n45b20 وده مفيهوش valvetronic ولا حتى حقن-مباشر..؟؟!!!

الأخير، هو أحقر مواتير bm فـ فئة الـ2000cc ومفيهوش أى ابن تييييييييييييت من التكنولوجى بتاعتهم، ولا double-vanos ولا valvetronic ولا direct-injection

وهو ده اللى بينزل مصر عـ الـ320i.. وكلام من الآخر فـ البافارية: الموتور ده كمان de-tuned عشان يشتغل بنزين 92؟!!
(وهو port-injection مش حقن-مباشر

، وآخره 150 حصان مفيش حاجة اسمها 156 ولا حتى 200 نيوتن عزم)؟؟!!!

- مواتير الـ170 والـ174 حصان دى فيها double-vanos (عـ الكامتين) و valvetronic..
وفيه واحد كوده n45b20s ده هو اللى بيلف لحد 7000 rpm والـred-line عند 7300 rpm.. الموتور ده نزل فـ نسخة limited اسمها 320si.
ومحدش شافه تانى..؟؟؟!! وأنا أعرف واحد معاه العربية دى، ومش تقفيل البافارية أصلا؟؟!!!

كل سنة وانت طيب يافورماليتور والله ينور
واستاذنك هل البي ام المذكورة الاستاذ احمد حقق فيها وتاكد انها صناعة مصرية سليمة وانها تختلف عن الانتاج الالماني ولا اتكلم وعمم الكلام علي كل الفئة المذكورة وبالتالي الكلام مهضمتوش ووقف في حلقي وكان لازم ارد
مش معني كدة ان البي ام اوعي ياواد والحركات دي لكن برضة سيارات وتقنية واجب احترامها ومش ممكن تكون المقارنة بالشكل دة ولو هيا كده كانت كل اصحاب السيارات اشتروا البيجو ولا شيئ الا البيجو
وفي نفس الوقت البيجو سيارتها كويسة وبتحاول من خلالها العودة ومنافسة الكبار بعد سلسلة من الكبوات والتخلف في التصميم والمحركات ودة من خلال اللحاق بتقنية التيني ويني اللي طبقتها كل من فولكس فاجن وفيات واوبل وفورد
بس مش معني كدة ان المحركات دي جبارة وانها معجزة يجب ان نصلي لها ركعتين شكر في الاخر دي عربية وصنعها مهندس نتيجة جهد وعرق وان المحرك دة متفوق علي المواتير الكبر سعة طيب لو كدة لية بيجو نفسها بنجهز العربية دي برضة بمحركات اكبر ياسيدي ماتستغني وتسيب المحرك الجبار دة
وهنا بتيجي الاعتمادية والقدرة علي تحمل الاستخدام الشاق فياتري مين اللي هيستحمل الدوران العالي لفترات طويلة ومسافات اكبر واكيد الناس اللي عملت العربيات دي فاهمة وجربت وعارفة كويس الموتور صديق البيئة الصغير بيستخدم في اية والموتور الاكبر في اية
دة وجة المقارنة واللي باعتبرها ظالمة وماتنفعش اساسا
تحياتي لشخصك الكريم

**kaza** · 18-07-2012 07:54 PM

المشاركة الأصلية كتبت بواسطة hany63

على فكره غالبا الاخ kaza بيتكلم عن ال 320 اللي بتنزل بره مصر ال 176 حصان
اللي بتعملها البافاريه ياباشا 156 حصان و عزم 170 نبوتن ياريت تراجع النقطه دي كويس و تسارعها في عشر ثواني و خش اتأكد بنفسك من موقع bmw egypt
يعني البيجو تاكلها اكل لاموأخذه

مساء الفل يااستاذ هاني
ووالله انا ماعرفش افرق بين الاثنين لو شفتهم في الشارع ويمكن الاخ احمد صاحب المشاركة سال سائق البي ام مصري ولا الماني فلما عرف انها مصري قرر يسبقه ويعمم دة علي البي ام واكررها انا باكره اللبي ام كره العما

**Formulator** · 18-07-2012 08:04 PM

بالنسبة للشداية..

طبعا لاااااااااااااازم الـ508 تنفخ الـ320 فـ الطلعة من الثبات بفرق معقول،
وأساسى فـ الـMid-Range من 80-120-160 بفرووووووق فـ....*خة..
ولو الـ320 هتحصلها.. يبقى بعد الـ180-190 يادوب هيبدأ يقرب من البيجو، وممكن (ممكن) يعديه فـ الـHigh-End..؟؟!!!

لو قارننا العربيتين On-Paper:
جرى يعنى Torque.. سواء فـ الـLow-Down End أو Mid-Range

- الـ508 عزمها 240 نيوتن ماشية Linear من 1400 rpm لحد 5000 rpm
- الـ320i يا أستاذkazaعزم أفضل مواتيرها الـ2.0مش "مسطح" زى مانت قولت، لأ طبعا ده peak بيطلع فوق الـ4000 rpm
ومفيش موتور Normal-Aspirated (ذو تنفس طبيعى ) هيطلع عزمه 1700 rpm؟؟ حضرتك جبت الكلام ده منين.

هتتكل فـ فروق الفتيسات:
- فتيس الـ320 أوتو عقيم بمحول عزم Steptronic بتاع شركة ZF اسمه 6HP مش بتاع تسارع على الإطلاق،
و ZF نفسها فـ الفتيس الجديد الـZF 8-Speed (بينزل فـ الـ116/118i الجديدة) بيقولوا انهم عدلوا الـTorque-Converter عشان يدى تسارع أفضل من القديم؟!!
(ده غير الترسين الزيادة)..!!

- تعالى بقى لفتيس البيجو 508:
فتيس 6-سرعات Sequential بـ Single-Clutch يعنى أم المانيوال فـ التسارع (وهقولك مين اللى عامله طالما ليك فـ الإيطالى).

BMW نفسها كانت بتنزله (لو عايزة تعمل عربية Sport بتجرى) بإسم SMG-I/II فى موديلات الـM///3/5.. ومن انتاج نفس الشركة اللى عاملاه لبيجو.

**kaza** · 18-07-2012 08:08 PM

المشاركة الأصلية كتبت بواسطة lanos2004

فيه ناس عندها فكر طالما علامه بى ام على الكبوت والشنطه تبقه العربيه صاروخ وتسبق اى عربيه تيربو ولا غيرة
مع ان بى ام مليانه عربيات بمواتير البط والوز

لا ياسيدي ولا عمري فكرت كدة وماقلتش انها صاروخ وفية سيارات كتير اسرع واقوي ويكفي سيارات نيسان جايبة الكافية للمسئولين في الشركة الام في المانيا
بس الموضوع ببساطة ماينفعش اقارن بين حذاء رياضي اديدس وحذاء اكتيف مثلا مالاثنين هيجروك لكن دة اية ودة اية ولو انت بطل العالم في الجري ولابس الاكتيف وواحد تاني مالوش في الجري لابس الاديدس مين اللي هيكسب
نرجع لمرجعونا البيجو باكورة انتاج جيل جديد وفئة هجين بين 407 وال607 ومصممة لاستيعاب محرك كهربي وان تكون صديقة للبيئة وقوية وناعمة وكلها حنية ويعاد تصنيع 99.99999من مكونتها وبالتالي دة ما صممت لاجلة
البي ام عبارة عن اية وماليش دعوة مصري ولا الماني ولا هندي ومصممة لاي استخدام ومعروف ان اللي شاري بي ام حتي في الشركة نفسها بيهين العربية دى ازاي وبيكون عايز يحرق كل مليم دفعه فيها ويستمتع بيه لانة مش راجع ليه تاني
وبالتالي مش حاقولك غير انك لوسمح وقتك خش علي اي موقع سيارات عالمي وشوف ارقام الاختبارات ولناس مسئولة مش مقارنة قابلتك في الشارع ويلا نجري و اكيد هيبقي ليك راي اخر
تحياتي وياريت لو عندك بط ووز هات حبة لاننا داخلين علي رمضان والميزانية مخستعة وانت عارف العزومات وكدة ..كل سنة وانت طيب

**Mohamed.Ramah** · 18-07-2012 08:10 PM

اولا كل سنة وحضرتك طيب ا- kaza

ثانيا كل الاعضاء اخوة ولاكن فى بعض الاوقات الكلام بيحتد وذلك من معرفة البعض بالسيارتين الفى الموضوع مش مجرد معلومات عامة عنهم وبالتالى فى الاتكلم عن تجربة وفى الكتب من موقع رسمى ومشكور على دة انا مقدر شرحك للسيارة والمواتير وكرهك للبى ام

ولاكن عاوز اوضح لحضرتك ان اغلب البيتكلم بيتكلم عن معرفة بالسيارة ومتابعين لمواضيع بعضنا البعض بدون دفاع عن احد او الوقوف لبعض فى طبعا بعض الاشخاص بيعملو كدة ولاكن قلة

فى المجمل المنتدى بيتسم باعضاءة المحترمين والعندهم معلومات مش هينة وكلنا بنتعلم من بعض وكل واحد بيملك سيارة بيحكى تجربتة بعيدا عن ان بيهاجمك لشخصك او بيقول معلومات تدايقك

الموضوع ببساطة عن تجربة والتجربة خير دليل وصاحب الموضوع مشكور وضح تجربتة واحنا لتاكدنا من المعلومات زى ما الاخوة الكرام قالو لحضرتك كنا قلنا كلام عكس ذلك وطبعا بدون تاييد

فكرة ان فى سيارة معدلة او غير هو وضح بالنص هو جرى مع سيارة نوعها اية وحصل اية لو معدلة كنا بالتاكيد حنعرف برضو لو قال انها سبقتنى بفارق شاسع مش حنقول لا وحنصمم على راينا انة سيارة اسرع

فبهدوء الموضوع اتوضح فية المعلومات واظن واضحة للكل ومش محتاج اى شد او جذب ولا احنا فى قضية بندافع فيها لمعلومات خاطئة مجمل المشاركات فى الموضوع 80 مشاركة و 16 عضو شارك اذ كان اكثر بما لدية من معلومات او تجربة والموضوع بقى اوضح للكل فاظن دة كافى

ان وجهة النظر صحيحة وبدون شك ان المواتير التيربو بتطلع بسهولة من غير حتى معلومات بالتجربة الفعلية على الواقع من المواتير اكبر ونفس الكلام لمواتير غير معدلة ولاكن بتطلع hp عالى بتتساوى او تسبق سيارات اغلى واعلى من فئتها ياريت تكون وجة نظرى وضحت

HONDA CIVIC EG6 TURBO Vs. BMW M3 E92 G-POWER 600hp - YouTube

ورمضان كريم

**kaza** · 18-07-2012 08:16 PM

المشاركة الأصلية كتبت بواسطة formulator

بالنسبة للشداية..

طبعا لاااااااااااااازم الـ508 تنفخ الـ320 فـ الطلعة من الثبات بفرق معقول،
وأساسى فـ الـmid-range من 80-120-160 بفرووووووق فـ....*خة..
ولو الـ320 هتحصلها.. يبقى بعد الـ180-190 يادوب هيبدأ يقرب من البيجو، وممكن (ممكن) يعديه فـ الـhigh-end..؟؟!!!

لو قارننا العربيتين on-paper:
جرى يعنى torque.. سواء فـ الـlow-down end أو mid-range

- الـ508 عزمها 240 نيوتن ماشية linear من 1400 rpm لحد 5000 rpm
- الـ320i يا أستاذkazaعزم أفضل مواتيرها الـ2.0مش "مسطح" زى مانت قولت، لأ طبعا ده peak بيطلع فوق الـ4000 rpm
ومفيش موتور normal-aspirated (ذو تنفس طبيعى ) هيطلع عزمه 1700 rpm؟؟ حضرتك جبت الكلام ده منين. :b4_039:

هتتكل فـ فروق الفتيسات:
- فتيس الـ320 أوتو عقيم بمحول عزم steptronic بتاع شركة zf اسمه 6hp مش بتاع تسارع على الإطلاق،
و zf نفسها فـ الفتيس الجديد الـzf 8-speed (بينزل فـ الـ116/118i الجديدة) بيقولوا انهم عدلوا الـtorque-converter عشان يدى تسارع أفضل من القديم؟!!
(ده غير الترسين الزيادة)..!!

- تعالى بقى لفتيس البيجو 508:
فتيس 6-سرعات sequential بـ single-clutch يعنى أم المانيوال فـ التسارع (وهقولك مين اللى عامله طالما ليك فـ الإيطالى).

bmw نفسها كانت بتنزله (لو عايزة تعمل عربية sport بتجرى) بإسم smg-i/ii فى موديلات الـm///3/5.. ومن انتاج نفس الشركة اللى عاملاه لبيجو.

معاك في كل اللي بتقولة بس انا ماجبتش سيرة اوتو خالص انا باتكلم عن الااثنين مانوال وبعدين ثواني لاني المعلومة مش حاضرة عندي هاجيبهالك ثواني

**kaza** · 18-07-2012 08:19 PM

المشاركة الأصلية كتبت بواسطة Mohamed.Ramah

اولا كل سنة وحضرتك طيب ا- kaza

ثانيا كل الاعضاء اخوة ولاكن فى بعض الاوقات الكلام بيحتد وذلك من معرفة البعض بالسيارتين الفى الموضوع مش مجرد معلومات عامة عنهم وبالتالى فى الاتكلم عن تجربة وفى الكتب من موقع رسمى ومشكور على دة انا مقدر شرحك للسيارة والمواتير وكرهك للبى ام

ولاكن عاوز اوضح لحضرتك ان اغلب البيتكلم بيتكلم عن معرفة بالسيارة ومتابعين لمواضيع بعضنا البعض بدون دفاع عن احد او الوقوف لبعض فى طبعا بعض الاشخاص بيعملو كدة ولاكن قلة

فى المجمل المنتدى بيتسم باعضاءة المحترمين والعندهم معلومات مش هينة وكلنا بنتعلم من بعض وكل واحد بيملك سيارة بيحكى تجربتة بعيدا عن ان بيهاجمك لشخصك او بيقول معلومات تدايقك

الموضوع ببساطة عن تجربة والتجربة خير دليل وصاحب الموضوع مشكور وضح تجربتة واحنا لتاكدنا من المعلومات زى ما الاخوة الكرام قالو لحضرتك كنا قلنا كلام عكس ذلك وطبعا بدون تاييد

فكرة ان فى سيارة معدلة او غير هو وضح بالنص هو جرى مع سيارة نوعها اية وحصل اية لو معدلة كنا بالتاكيد حنعرف برضو لو قال انها سبقتنى بفارق شاسع مش حنقول لا وحنصمم على راينا انة سيارة اسرع

فبهدوء الموضوع اتوضح فية المعلومات واظن واضحة للكل ومش محتاج اى شد او جذب ولا احنا فى قضية بندافع فيها لمعلومات خاطئة مجمل المشاركات فى الموضوع 80 مشاركة و 16 عضو شارك اذ كان اكثر بما لدية من معلومات او تجربة والموضوع بقى اوضح للكل فاظن دة كافى

ان وجهة النظر صحيحة وبدون شك ان المواتير التيربو بتطلع بسهولة من غير حتى معلومات بالتجربة الفعلية على الواقع من المواتير اكبر ونفس الكلام لمواتير غير معدلة ولاكن بتطلع hp عالى بتتساوى او تسبق سيارات اغلى واعلى من فئتها ياريت تكون وجة نظرى وضحت

HONDA CIVIC EG6 TURBO Vs. BMW M3 E92 G-POWER 600hp - YouTube

ورمضان كريم

اشكرك علي مرورك الكريم والله انا حسيت اني وكيل بي ام من كتر الكلام ..كلامك صح ومقتنع بيه وكل سنة وانت طيب

**Formulator** · 18-07-2012 08:32 PM

هنتكلم نظريا (بالأرقام):

من 0-100 زى ما الشباب قالوا
- البيجو فـ 9.2 ثانية
- والـBM فـ 9.8 ثانية.. ده لو عرف هيجيبها فـ أفضل الظروف مش أقل من 10 ثوانى.

خد عندك بقى المفاءجة..

أرقام التسارع فـ الـMid-Range (وهى دى اللى بتفرق فـ الشد عـ الطريق على فكرة)...

الـin-Gear acceleration
(يعنى لو حرق على غيار عالى من غير تسقيط نقلات):

من 80-120 كم/س عـ الغيار 5th:
البيجو فـ 12.5 ثانية
والـBM فـ 14.9 ثانية

من 80-120 كم/س عـ الغيار 6th:
البيجو فـ 15.5 ثانية
والـBM فـ 23.1 ثانية

خد كمان الـOvertaking-Acceleration
(يعنى أفضل تسارع ممكن فـ الرينج ده، سقط غيارات وإحرق براحتك هات آخرها):

من 80-120 كم/س:
البيجو فـ 6.6 ثانية
والـBM فـ 7.4 ثانية

من 100-180 كم/س:
البيجو فـ 27.6 ثانية
والـBM فـ 28.8 ثانية

أنا بقول لأى حد شكك فـ كلام Ahmed.Fahmy: ركز كده فـ الأرقام اللى فوق بتاع الـMid-Range..

هار أسود..

ده الـ508 خيطتها.. ههههههههههههههه

هنتكلم عن الـReal-Life.. فـ الشارع بقى Street-Run
عـ الدائرى أو عـ الصحراوى:

- إذا كانت مواتير الفيات الـT-JET الـ120 حصان (برافو، جراند ولينيا).. بتنفخ الـ320i فـ الطلعة والسرعات 60-100-120 بفرق جاااااااااامد،
وفـ الـMid-Range بفرق عنه لحد الـ160-170، أبدأ أنا "النفخة-الـboost" بتاع التربو يقل.. يحصلنى عند الـ180،
ولو هيعدينى هيبقى بعد الـ180-190..؟؟!!!
وتقدروا تسألوا yoko و Ghamrawy..
(بلاش Titish عشان ليه فيديو عـ اليوتيوب بيخيط 330i- بس هو معدى mark الـ200 حصان)؟؟!!!

- طبعا البرافو الـ150 حصان مانيوال: الـ320i مش هيشوفه قبل الـ190-210.. ممكن (قد يحدث) فرق سعة الموتور بقى تبان هنا لما ضغط التربو يقل؟!!!

والله جت عليا فترة كنت بصطادهم (اللى بيجروا)، أقرب منه الأول، اتأكد انه 20i مش 16i.. وبعدين أبدأ ألعب معاه..

فـ طبيعى جدا ان مواتير الـTHP 1.6 بتاع البيجو 156 حصان تنفخ الـBM فـ الطلعة والـMid-Range..
عارف ان البرافو أخف وأصغر من الـ508.. بس ماهو برضه فيه فرق لصالح البيجو فـ الباور يعوض فرق الحجم والوزن؟؟!!!
وأكيد الإثنين دفع أمامى والبيمر خلفى، وده أساسى بيفرق جاااااااااامد فـ التسارع.