الموضوع: اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

الجدل الذى لا ينتهى ........

كل واحد حر فى اختياراته و كل واحد بيبص للعربية الى محتاجها من الناحية المناسبة ليه
فى ناس بتنبهر بالشكل و ناس بتحب الكماليات و ناس تانية مش مهم عندها الكلام ده و الاهم الاعتمادية و الامان

المشاركة الأصلية كتبت بواسطة mody3on

مش عارف برضه ايه دخل الالنترا بالصني ؟ دي فئة ودي فئة ! للاسف نيسان معندهاش عربية في فئة الالنترا عشان تتقارن بيها ، بس المقارنة غريبة اوي بصراحة

انا قلت مقارنة؟
و نفسى افهم حضرتك متضايق لي انى بحكى موقف حصل بالفعله؟؟؟
انا بحكى موقف حصل
و من حقى ان احكى ما اريد
و ما حدش يقدر يغلطنى فى انى باحكى موقف حصل
زى ما حضرتك كده بتدخل منتدى نيسان كتير و بتقول راءيك فى العربية الصنى الجديدة فى مواضيع كتير (و فى الاغلب بيكون راى سلبى) بالرغم انك مش من ملاك نيسان
لكن ما حدش اعترض لان ده رايك و من حقك انك تقوله بصرف النظر عن اى سيارة تمتلك
و انا كمان من حقى اقول رايى

المشاركة الأصلية كتبت بواسطة eng.m mahran

كل واحد حر فى اختياراته و كل واحد بيبص للعربية الى محتاجها من الناحية المناسبة ليه
فى ناس بتنبهر بالشكل و ناس بتحب الكماليات و ناس تانية مش مهم عندها الكلام ده و الاهم الاعتمادية و الامان

و هو ده بالضبط اللى عايز اقوله

هو الموضوع ده مش هانخلص منه و لا أيه ؟

نفس الحوار في قسم هيونداي أتكرر كذا مرة .

ما تسيبوا يا جماعة اللي يشتري يشتري و خلاص .
و اللي مش عاجبه ما يشتريش ....... مش لازم نكدر الناس اللي أشترت و نطلعهم مش فاهمين حاجة أو أنضحك عليهم .

كل واحد شايف عربية حلوة من وجهه نظره الشخصية و شايف أن الهيونداي تساوي كل مليم أندفع فيها .
زي اللي بيروح يشتري أوكتافيا و يدفع فيها 200 ألف جندي و مقتنع أنها تساوي كل المبلغ ده .


أنا بقى مقتنع أن مينفعش الواحد يركب عربية ثمنها فوق 100 ألف جنيه ........
هل كدا أنا صح و الناس اللي بتشتري غلط ؟

ياريت نكبر دماغنا .

العربية الكوري بتدخل السوق الأمريكي الصهيوني الشيطاني علشان حاصلة على 5 نجوم في أختبارات التصادم يعني أمان في الحوادث .

المشاركة الأصلية كتبت بواسطة semsem kane

شوف ياجماعة بعيدا عن جو كل المناقشات اللى احنا فتحنا بيها يجى 100 موضوع قبل كدة عشان مين افضل اليابانى ولا الكورى , ثم فى الاونة الاخيرة جاءت المقارنة بين مين افضل الكورى ولا البنتلى وال bmw طبعا انا كل ما افتكر الموضوع ببقى مزهول مش مصدق نفسى ان فية حد ممكن يعمل المقارنة دية , ماعلينا

لو المقارنات مع سيارات من نفس الفئة فأيه المشكلة ..... هي هيونداي جربانة مثلا ؟

دلوقتى احنا كلنا متفقين على حاجة ان الكورى المفروض يكون سعر اقل من كدة 25000 الف جنية على الاقل

مش الهيونداي بس ....... أغلب العربيات اللي معدية ال 100 أﻷف المفروض ثمنها ينزل شوية .
لان العربية مش ( شكل - اوبشن - ماتور بيجرى وخلاص ) فيه حاجات كتير احنا عارفينها كويس الكورى مابيحاولش يجى جنبها اصلا يعنى مثلا مالقيتش مرة حاول يعدل عفشة , او يهتم بنقطة الثبات او الفرامل والكلام دة كلة , ومع تجربة الناس للعربية اجمعت على الكلام دة ( ماعداا ملاكها )

أنا متفق معاك أن الكوري في الثبات معقول و لكن العربية مش هاتقلب يا يعني ... فاهم قصدي .

وهو دة الفرق مابين اليابانى والالمانى والكورى والصينى

الالمانى صانع السيارات الاول فى العالم بيهتم ( الامان - الصاج - محركات ذات سعة كبيرة عشان عمرها يبقى اطول - راحة - عزل - ثبات - خامات - اعتمادية - عمر اطول للسيارة نفسها- ايروديناميك محسوبة ممتازة ) عدم الاهتمام ( بالتكييف - تسارع السيارة لحد 100 كم - الشكل مابيهمش يعملوا سيارات شكلها هلامى ومبالغ اوى فى شكلها )

مختلف معاك جذريا في النقطة دي و النقطة التي تليها .
أكثر سيارات أعتمادية في العالم هي السيارات الياباني بأعتراف الأوروبيين و الأمريكان الصهاينة .
الألماني هي الأكثر فخامة و ليس الأكثر أعتمادية و ممكن كمان نتكلم عن الثبات و الأمان في الألماني بيكون عالي .

و على فكرة أنا لا معايا كوري و لا ياباني و لا ألماني ... الحتة الجين 2 الماليزي مكيفاني على الآخر :b4_048:

- اليابانى : ثانى اكبر صانعى السيارات فى العالم : اهتمامة ( محرك قوى بسعة قليلة وبالرغم من كدة بيعيش بس مش زى الالمانى - شكل - امان - ثبات - سيارت اعتمادية جدا وتعيش سنين طويلة - تكييف قوى - اوبشن - استهلاك بنزين قليل - نعومة - راحة - عزل- ايروديناميك محسوبة صح )
طبعا هنلاقى الفرق قليل مابين الالمانى واليابانى بس فى الاخر المقارنة محسومة للالمانى

أنا قلت حقيقة الأعتمادية فوق .

الكورى : خامس اكبر شركة مبيعات فى العالم : تهتم ( الشكل ثم الشكل شىء اساسى عندهم لان بيبقى علية عامل اختيار كبييييييير جدا بالنسبة للعميل - المساحة - التكييف - النعومة - المحرك - الاوبشن - الشكل الداخلى للعدادت والتابلوة بيهتموا بية من الاخر بيعمل للعميل انجذاب بصرى يخلية يختصر 75% من فكرة لان يمتلك سيارة شكل خارجى وداخلى واوبشن -استهلاك البنزين) اللى بقى مش مهتمين بية او عندهم ثانوى ( الامان - الثبات - الاعتمادية مش مشكلة العربية تقعد قد اية اهم حاجة تكمل ثلاث اربع سنين بدون مشاكل - خامات - تقفيل- قوة فرامل بيكتفوا بفرامل مناسبة عند سرعات 100 كم لكن بعد كدة اداء الفرامل بيقل

دة اهتمامت الكورى واة فعلا الكورى اتطور ( شكلا واوبشن وليس موضوعا )

لا يا فندم
الكوري بيتطور شكلا و موضوعا .
أنا شايف أن العربيات الكوري عموما سيارات ممتازة و حسب أنت بتقارنها بأيه .
أنا مش بحب الشكل الغريب في الألنترا و الأكسنت الجداد .
المهم الكوري بيبيع مي علشان الشكل بس ..... آيه الشكل له عامل جامد في عملية البيع و ده نتيجة أن الكوري ظاهر آخر واحد في اللاعيبة (صانعي السيارات ) فلازم يقدم حاجة مختلفة علشان يقدر ينافس .
معاك أن ثبات الكوري مش زي ثبات الألماني
إنما العربيات معمرة و بتعيش .......... و الصاج بصراحة في الكوري زفت .


- الصينى : ظهور ليس بقريب على الساحة ولكن سيارات مناسبة لسعرها يعنى اى عربية فية سيدان compact تمنها مابيعديش ال75 الف جنية وفيها ( abs- 2 airbag- ebd ) واوبشن كتير بردة , وخامات متبطنة فى بعض السيارات منها , لكن نفس الكلام يفتقر اللى الاعتمادية - الثبات - قوة المحرك - بيعتمد على تقليد اشكال واسامى السيارات وطبعا دة غير محبب نهائيا

أنا مش هاتكلم عن الصيني علشان دول بيعملوا عملية نسخ و لصق مكشوفة قوي

دول ملخص فكر صانعى السيارات من وجهة نظرى ياريت اللى عندة اعتراض يقول بتحليل بردة بس يكون محايد

الناس بقى اللى بتقول ان هيونداى تفوقت على اليابانى وعدتهم , اقولهم معلش يمكن حلم


هيونداي بتعمل حاجات ممتازة و فعلا عندهم عربيات أحسن من عربيات ياباني .
وهديك مثال

عربيتين ماشيين على الطريق , واحدة متحركة قبل التانية وماتورها سريع , والتانية اتحركت بعديها بفترة وبتحاول تجيبها , الاخيرة مش هتقدر تجيب الاولى غير فى حالة واحدة تعطل الاولى وطبعا دة مستحيل
لان شركة كبيرة زى مثلا هوندا وسوبارو اكيد ليهم عملاء ولازم يحافظوا عليها , واكيد لن يرضوا للصدارة بديل

بُص يا باشا
الهوندا و السوباورا ...... قمة صناعة السيارات اليابانية من ناحية الثبات و الأمان و القوة الرياضية .
و لكن تويوتا هي أكبر صانع سيارات في العالم و من أكثر الماركات أعتمادية بحسب آراء خبراء السيارات في أمريكا الصهيونية و أوروبا .

المهم
تويوتا بدأت بتقليد السيارات الأوروبية من ناحية الشكل و المضمون .
و لكن تويوتا متفوقة عليهم مع أنها بدأت بعدهم

هاتلي عربية فرنسية أو أيطالي في أعتمادية تويوتا أو نيسان ؟؟؟؟

مع أن تويوتا و نيسان أبتدوا بعد بيجو و سيتروين و فيات بسنين .
الموضوع مش بيتحسب مين بدء أمتى

الموضوع يتحسب مين وصل لايه

لوتس ................... أكيد عارف لوتس .
بدءت في الخمسينيات
و لكن من أكبر شركات العالم تخصصا في أنتاج العفشات الرياضية و تصميماتها المختلفة .

مقصد كلامي أن الموضوع مش بيتحسب بالتاريخ مين بدء أمتى

الموضوع بيتسحب مين وصل لأيه .

أول ناس عملت تجارب على التفاعلات النووية كانت ألمانيا و النمسا .

أول من صنع القنبلة هم الأمريكان ........ و أكبر ترسانة نووية في العالم عندهم و عندهم أفضل تكنولوجيا.

رأيي شخصي صغير .
مش كل العربيات الكوري تستاهل ثمنها و لا كل العربيات عموما اللي في السوق المصري تستاهل ثمنها .

أنا شخصيا مش بيعجبني الألنترا و الأكسنت الجداد .
و لكن ده مش معناه أنهم عربيات وحشة .

المشاركة الأصلية كتبت بواسطة i_Am_Legend

ازاى اروح اشترى النترا الاقيها بنوصل ل155الف جنيه..!! يالهوى...لاااااااا دة في منها 13 فئة..شيل ايرباج وحط جنط..شيل جنط وحط abs شيل abs وايرباج وحط فتحة سقف...شيل الدركسيون وحط جادون...بالزمة دة ينفع؟؟؟

والله عندك حق