اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

**Mamoud salah H** · 31-07-2012 05:40 PM

المشاركة الأصلية كتبت بواسطة mamoud salah h

يا جدعان بتتكلموا في ايه بس كوري ايه والانترا ايه بس دة انا مععايا اوبل فيكترا موديل 1996 فيها الاتي
-2ايرباج
-abs
-شاشة ديجيتال وفيها درجة الحرارة الخارجية
-تابلوه جلد طبيعي
-مرايات كهرباء+ضم
-تعديل كرسي السائق في 6 اتجاهات
-التحكم في ارتفاع كرسي السائق وانخفاضه
-طارة مالتي فانكشن
-3 مستويات للتحكم في اضاءة التابلوه
-التحكم في ارتفاع الفوانيس وشدة اضاءتها
-فوانيس شبورة امامي وخلفي

نيجي بقي للموتور
ايكوتك 1600cc --110حصان صافي
2كامة-16صباب
والاهم من دة كولو بقي تقفيل الماني بالكامل
لا وخدوا بالكوا دي موديل 1996 مش 2012
ومش هتكلم بقي عن الثبات
في حد لسة بيقول كوري ولانترا معرفش ايه مع الاحترام لاصحاب العربية مش العربية نفسها خالص

اه وفي حاجة كمان نسيتها انا عندي امبولايزر في العربية ومفتاح طبعا مشفر بيتهايئلي موجودة في الانترا بس ام 156الف اصلها تعتبر من الكماليات

**د. علاء ابراهيم** · 31-07-2012 07:02 PM

المشاركة الأصلية كتبت بواسطة mody3on

ولا متضايق ولا حاجة انا بقول ان دي حاجة ودي حاجة ، قول رايك يا فندم على عيني وراسي وانا بقول رايي برضه ، حضرتك قلت حاجة وانا رايي مخالف ليها وعلقت عليها فين المشكلة ؟

مافيش مشكلة
و كل سنة و انتا طيب
انا بس عايز انبهك انك بتننقد الصنى الجديدة كتيييييير اوى
و مع ذلك ماحدش قال لك هو انتا بتننقدها ليه
الان الناس انتقدت الكورى على وجه العموم و الهيونداى على الاخص
فحضرتك ما تقبلتش ده بينما احنا فى قسم نيسان بنتقبل نقدك بصدر رحب
انا كل اللى عايز اقوله ان الناس اللى داخلة تنتقد دى
بتفهم مش ما بتفهمش
و ده رأيهم و من حقهم يقولوه
و اى محاولة للتقليل منه لاسكات الناس فهذا نوع من انواع القمع الفكرى
و افتكر لم يقلل اى احد من اراءك السلبية جدا فى حق الصنى ولا حد قال لك "بتقول كده ليه" او "ليه دائما انت ضد العربية دى"

هدى نفسك ما تضايقش فى النهاية انا مقتنع ان الهيونداى اصلا عربيات حلوة و مواتيرها فعلا جميلة مافيش كلام نعومة و تسارع و عربية كده لما تدوس بنزين تاخدك
بس ده مش كل حاجة
دمت بود

**ahmad--ezzat** · 31-07-2012 07:18 PM

ههههههه مش قلت الناس هتنزعل محدش صادقنى

انا معرفش الناس بتضايق ليه

عليا النعمه دة حديد ف حديد

لا اكثر ولا اقل

انا اهم حاجه عندى التكيف وال 1600 والانجكشن :))))))))))

**AhMeD MeTwAlY** · 31-07-2012 08:57 PM

المشاركة الأصلية كتبت بواسطة Mamoud salah H

موجودة بس بايظة بس مغرقش ان الفلشيا فيها ولا شكلك بتتريأ مش عارف اصدق وضحلي عشان مفهمش غلط ورمضان كريم

يا باشا احنا الفليشيا اتحاد اوربي فيها اير باج وabs وسخنات في الكراسي وابشن كتير يا باشا والله مش بتريق انا من عشاق الاوبل والفيكترا 2000 سي سي
كل سنه وحضرتك طيب

**SYD** · 31-07-2012 09:57 PM

الموضوع المحبب بالنسبالي
المقارنة بين الألماني والياباني والكوري

بس الأجمل لما بتقارنوا الأوروبي والأسيوي

اعتقد ان كل مضنع سيارة بيصنع من وجهة نظره البحتة والسوق المستهدفة

يعني هوندا وليكن 92 في منها فاضي وفي منها si وفي منها لهواة السرعة sir

الألماني نفس الشئ
وليكن جولف 91 في منها فاضي تماما التماما (ولا حتي سنتر ولف ب45 جنيه)
وفي منها الكامل

اعتقد ابتداء من 95 بدأت الشركات المصنعة تغير اتجاهها بناء علي توصيات من الهيئات الرقابية علي الصناعة والأمان والمعايير والكلام الكبير دة كله

فمثلا نجد ان اصغر عربية ألماني وارخص عربية حتي ولو فاضية ومافيهاش حتي مروحة سقف تجد فيها ايموبلايزر مانع السرقة
تجد فيها احزمة امان خلفية
تجد فيها مخادع رأس خلفية (علي فكرة بتصنف ضمن معايير الأمان)

علي النقيض

تجد في الأسيوي معايير الأمان مختلفة ونظرتهم مختلفة
الأسيوي بيبص علي السوق المستهلك
مين في اي دولة مستهلكة وليكن مصر بيهتم بعوامل الأمان سالفة الذكر (ايموبلايزر وحزام امان خلفي ومخادع رأس)
للأسف بيزودهالك علي انها اوبشن - رغم اعتبارها تجهيزات اساسية لدي المصنع الأوروبي

نيجي للدلع
تلاقي العربيات الأوربي بتدلع المستهلك (بيهتموا طبعا بالمستهلك الأوربي) تكييف تاتش ديجيتال منذ 94 في اللانشيا ديدرا (ايطالي) وعلي فكرة في جميع موديلاتها وليس الهاي لاين ولا خلافه
تلاقي مثلا ريموت في المفتاح وانذار وسنتر منذ 96 في الأوبل والفولكس (في معظم الموديلات وليس كلها) وديلاي في نور الصالون وانوار في الشماسات وحركات

بالنسبة للشكل
انا بردو اعتقد ان اجمل الموديلات في الأوربي والفخامة والفرش والتنجيد والأهتمام بالتفاصيل وتوزيع المفاتيح

كله دة مش معناه ان الشركات الأسيوية مش قادرة تعمل
ولكن هو فقط نقطة الأهتمام بالسوق المحلية والسوق المستهدفة

يعني هنجد هوندا 88 وفيها فتحة سقف كهرباء ومرايات كهرباء - بس اعتقد انها عملت دوول لأنها كانت بتستهدف السوق الأمريكية اكتر في الفترة دي فعملت الكماليات الواو عشان السوق المستهدفة - طبعا مش مصر

في النهاية عايز اقول لكل المتحيزين والمتعصبين

احنا بنقارن العربيات الي بتنزلنا - وللأسف المقارنة مش في صالح الأسيوي خالص لأنهم بيصدروا بناء علي طلبات السوق والتوكيلات
لكن الأوروبي بيصدر بناء علي توصيات الهيئات الرقابية سالفة الذكر ومعندوش اي استعداد للتنازل عن معايير الأمان الأساسية رغم اخفاق بعض التوكيلات وتنزيل سيارات فاخرة بدون Abs في فترة التسعينيات

وتحياتي لجميع المشاركين

**alzelafy** · 01-08-2012 05:24 AM

يا جماعه لولا اختلاف الاذواق لبارت السلع كل العربيات حلوة و المساله فى الاخر اذواق و كل واحد راكب عربيه فاكر انها احلى عربيه فى الكون بس انا استخلصت خبرة 15 سنه فى العربيات و عملت قانون كدة ماشى عليه ان اللى مش راكب مرسيدس مش راكب عربيه اصلا؟؟؟؟؟؟؟؟؟ و سامحونى كلكو و هيوصلكو احساسى دة لما تركبو حته عيون 98 و تطلع بيها على طريق و تعرف يعنى ايه عربيه و انا اجبها مستعمله و ب 150 سعرها الوقتى احسن من النتراموديل 2020 و هى وجهات نظر فى الاخر

**i_Am_Legend** · 01-08-2012 06:25 AM

المشاركة الأصلية كتبت بواسطة alzelafy

يا جماعه لولا اختلاف الاذواق لبارت السلع كل العربيات حلوة و المساله فى الاخر اذواق و كل واحد راكب عربيه فاكر انها احلى عربيه فى الكون بس انا استخلصت خبرة 15 سنه فى العربيات و عملت قانون كدة ماشى عليه ان اللى مش راكب مرسيدس مش راكب عربيه اصلا؟؟؟؟؟؟؟؟؟ و سامحونى كلكو و هيوصلكو احساسى دة لما تركبو حته عيون 98 و تطلع بيها على طريق و تعرف يعنى ايه عربيه و انا اجبها مستعمله و ب 150 سعرها الوقتى احسن من النتراموديل 2020 و هى وجهات نظر فى الاخر

تماااااااااام ياباشا..وضيف علي المرسيدس ..الفولفو كمان..ركوبتها زى المرسيدس بالظبط بل اامن كمان..
:b4_048:

**Al-Farooq** · 02-08-2012 09:54 AM

اشمعني مرسيدس ، طيب اللي مركبش جين2 مركبش عربية بردو

**tamerosman** · 02-08-2012 06:51 PM

المشاركة الأصلية كتبت بواسطة mount

اشمعني مرسيدس ، طيب اللي مركبش جين2 مركبش عربية بردو

لمدة 5سنين
انا كانت راكب النترا 2005 قبل الجين 2
و بمنتهى الحيادية و بصفتى امتلك العربيتين باقول ان ركوبة الجين 2 افضل من الالنترا بمراحل ( معروف عن موديل 2005 انه من اقوى موديلات الالنترا

ميزة الكورى الوحيدة توافر و رخص قطع الغيار بس عمر الكورى ماكان عربية ركوبة

لما تبقى الالنترا ب 150 الف تبقى مالهاش اى لازمة ما انا اركب لانسر شارك او مازدا 3 او اوكتافيا مانيوال اول فئة برقبتها

الموضوع: اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

LinkBack

أدوات الموضوع

عرض

-

-

-

-

-

المواضيع المتشابهه

مقارنه بين ثبات السيارات الكورى واليابانى والالمانى على مطبات الهواء فى الطرق المصريه

الكورى اللى دايما مظلوم وعمرة مأشتكى .. اية رأيك بقى

لماذا الصيني والماليزي (ليه تدفع اكتر لما ممكن تدفع اقل)

VW receives Top Safety Pick Awards from the Insurance Institute for Highway Safety

افرق ازاى بين السيفيا الكورى والمصرى 2000 ارجوا الرد من فضلكم

الكلمات الدلالية لهذا الموضوع

المفضلات

المفضلات

ضوابط المشاركة