اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

**mody3on** · 02-08-2012 09:41 PM

المشاركة الأصلية كتبت بواسطة tamerosman

لمدة 5سنين
انا كانت راكب النترا 2005 قبل الجين 2
و بمنتهى الحيادية و بصفتى امتلك العربيتين باقول ان ركوبة الجين 2 افضل من الالنترا بمراحل ( معروف عن موديل 2005 انه من اقوى موديلات الالنترا

ميزة الكورى الوحيدة توافر و رخص قطع الغيار بس عمر الكورى ماكان عربية ركوبة

لما تبقى الالنترا ب 150 الف تبقى مالهاش اى لازمة ما انا اركب لانسر شارك او مازدا 3 او اوكتافيا مانيوال اول فئة برقبتها

ايه الشئ الخارق في العربيات دي اللي مخليها برقبة الالنترا ؟ ثبات وبس

**i_Am_Legend** · 02-08-2012 11:19 PM

ثبات وبس!!!...
انت مستقل بالثبات ليه يامودي..انت محسسني ان الثبات دة حاجة كدة زي المالتي فنكشن..حاجة تافهة يعني!!!...الثبات اللي انت مستقل بيه دة ..ممكن في ثواتني يضيع منك 150 الف جنيه..وهو تمن النترا..لما تاخد غرزة قطم...او لو جيت تاخد ملف علي 120 ولا حاجة..وساعتها نقول فردة كاوتش الاوروبي والياباني..بالكوري كلة..

**i_Boy** · 03-08-2012 12:04 AM

بعد تجربه سيراتو الشكل القديم لمده شهر تقريبا احب اقول ...
ابو كوريا يا جدع هههههه

**mody3on** · 03-08-2012 12:06 AM

المشاركة الأصلية كتبت بواسطة i_am_legend

ثبات وبس!!!...
انت مستقل بالثبات ليه يامودي..انت محسسني ان الثبات دة حاجة كدة زي المالتي فنكشن..حاجة تافهة يعني!!!...الثبات اللي انت مستقل بيه دة ..ممكن في ثواتني يضيع منك 150 الف جنيه..وهو تمن النترا..لما تاخد غرزة قطم...او لو جيت تاخد ملف علي 120 ولا حاجة..وساعتها نقول فردة كاوتش الاوروبي والياباني..بالكوري كلة..

معلش الثبات اللي بقول عليه من بعد 150 ، العربية مبتقلبش على 120 والا كان الشعب كله انتهى
واصلا مش حاجة حلوة ولا امان انك تاخد غرزة قطم على سرعات عالية باي عربية على الاقل في الفئة دي

**i_Boy** · 03-08-2012 12:09 AM

ياباشا الثبات بتاع الالماني زي ما هو من الغيار الاول لغايه ماتقفل العداد

في عربيات كوري كتير ممكن تاخد ملف بسيط وتدوس بالعجل على زلطه ولا عين القط تلاقيه العربيه خيشت

**i_Am_Legend** · 03-08-2012 01:26 AM

هو ايه الحكاية ...كل شوية واحد يتريق علي اللادا بتاعتي.هههههههه...يقولي مالها اللادا...يارجالة انا مش شرط علشان انا راكب سمارا ابقي حد مش فاهم...عايز اقول للرجالة ان دة مجال شغلي اصلااا..انا بشتغل في المبيعات في شركة ..موزع معتمد لكيا ورينو وهوندا وبريليانس..وكل العربيات اللي عندنا جربتها وسوقتها ...وعندي الحمد لله خبرة سنييين في العربيات..يعني مش بتكلم في الهوا...والسمارا انابعتها وباذن الله هاركب فولفو 240..مع ان الناس كلها بتقولي هات اكسيل او برايد ..بس لاااااااا...ابسلوتلي يارجالة..ليجند مالوش في العربيات الكتاكيتي دي...

**adelmof40** · 03-08-2012 01:29 AM

اليوم بالمصادفة كنت في سيتي سنتر ووجدت الاتي
تويوتا كرولة 94 الشهيرة
هيونداي النترا 94 بلونها المميز الشهير الفروزي
وبجوارهم جولف 94 gt 1600
كان نفسي اصور لكم صوره لهم لاعرضها عليكم هنا ولسان حالي يقول
تري لو اراد اي منهم البيع كم يكون السعر لكل منهما علي حدي
واذا كان في المستطاع شراء اي منهما .. اي منهما ترشحان
في الثبات والاعتماديه ومن منطلق استثماري ايهم افضل في حالة البيع بعد سنتين مثلا

انتظر الاجابة منكم وبالتأكيد في الاجابة رد علي كل التساؤلات
ايهم افضل ومن منهم تستحق الاموال

**Mohamed Fawzy** · 03-08-2012 01:54 AM

رغم اني شايف الموضوع محتدم على الاخر وانا من النوع اللي ما بيحبش المشاكل انما هاقول رايي ورزقي على الله
انا كان معايا النترا 2007 عملت بيها 140000 كم وبعتها وجيبت فورد فوكاس 2012 يعني انتقلت من الكوري للالماني من غير ما اعدي على الياباني للأسف فخبرتي فيه مش قوي مجرد اني سوقت بعض عربيات ياباني كده في بعض المناسبات المهم اللي عايز اقوله ان انا طبعا حسيت بفرق ما اقدرش انكر انما مش لدرجة المبالغة الرهيبة اللي انا شايفها من الاخوة هنا في التقليل من شان الكوري او الالنترا تحديدا الانترا ممكن يكون ثباتها مش واو بس مش ضايع انما انا الشهادة لله عمرها ما خسعت معايا على مدار 5 سنين بهدلة وسفر واشغال شاقة اعتمادية ممتازة ونعومة وراحة وتكييف هايل وتسارع جميل مش كنبه يعني وعمري ما ندمت لحظة اني جبتها بالعكس كل ما كنت بركب حاجة من فئتها كان بيزيد احترامي ليها ده مجرد رأي يا جماعة عن تجربة مش بقول طبعا انها تتقارن بالفوكاس انما بردو تستحق كل جنيه ادفع فيها

**i_Boy** · 03-08-2012 02:00 AM

الفورد امريكي يا حج مش الماني

**tamerosman** · 03-08-2012 03:18 AM

المشاركة الأصلية كتبت بواسطة mody3on

ايه الشئ الخارق في العربيات دي اللي مخليها برقبة الالنترا ؟ ثبات وبس

اولا ان مش ضد الكورى خالص ، بالعكس انا ركبت عربيتين كورى على الزيرو و اخدت خيرهم و بعتهم و كانو مريحنى جدا و بعتهم بسعر كويس ( لانوس 2001 - ركبتها 3 سنين و النترا 2005 ركبتها 5 سنين ) ...... الفكرة ان ايام ما كنت باشترى كورى كان سعرها منافس جدا ... اللانوس اشترتها زيرو ب 43 الف جنيه فى 2001 و الالنترا اشترتها فى السعودية فى 2005 ب 33 الف ريال .... يعنى كانت بنصف تمن التويوتا كورولا فى الوقت ده ..... انما لو كانت بتمن اى عربية يابانى فى نفس الفئة استحالة كنت فكرت اشتريها

العربية الكورى ميزتها انها عربية اقتصادية سواء فى سعر الشراء او تكلفة التشغيل ...و لو فقدت الميزة دة تبقى خارج المنافسة ...... و ذلك للاسباب الاتية:

مواصفات الصناعة بتاعة الكورى اقل بكتير من الالمانى و اليابانى و ده حاجة مش بتتشاف بالعين المجردة يعنى سمك الصاج المستخدم فى الشاسيه و البودى و نوعيته بتكون بمواصفات اقل

عفشة اقل تقدما ،،، مواصفات امان اقل .... اليابانين و الالمان بيصرفوا مبالغ طائلة على تصميم و تطوير العربية و موصفات الثبات و الاتزان و الامان .... و ده سبب ان الشكل فى اليابانى و الالمانى مش بيتغير كل 3 سنين زى الكورى

نرجع بقى لموضوع الثبات

انا عندى الاحساس ان العربية ثابتة و متزنة شى مهم جدا .... بمعنى انك لو راكب عربية ثباتها مش قوى هتبقى قلقان و انت بتجرى و لو حصل اى موقف طارى يخليك تاخد غرزة علشان تتفادى حادثة او فردة كاوتش ضربت و انت على سرعة عالية العربية هتعوم منك .....انما لو عربية ثابت و و متزنة زى الالمانى او المازدا 3 او السيفيك هتقدر تتحكم فى العربية بسلاسة وتبقى مطمن و انت سايق

من الاخر لما ادفع 150 الف فى النترا و ابقى خايف و انا ماشى فوق 120 يبقى حرام فيها الفلوس .

انا قبل الالنترا كنت راكب مازدا 3 و كانت فى منتهى الثبات و الاتزان و قمة المتعة فى السواقة اضطريت ابعها لظروف السفر و اركب النترا 2005بعدها حسيت بفرق رهيب فى الاداء لصالح المازدا 3 ( علما ان موديل الالنترا 2005 الى كانت معايا تعبر من اثبت موديلات الالنترا لانها واطية و عفشتها الخلفية تعليق مستقل )

من الاخر لما يكون معايا 150 الف ليه ادفعهم فى عربية عشان شكل و شوية تنفيخات و عدادات ديجتال و اضحى بحاجات اهم زى الثبات و الاتزان و انى اركب عربية معمرة تحافظ على رونقها على الاقل 10 سنين زى الاوكتافيا مثلا .... و شوف الاوكتفايا الى بقالها ماشية 15 سنة عاملة ازاى ... هتلاقيها واقفة زى الاسد و الهيونداى موديل نفس سنتها عاملة ازاى ...هتلاقيها ماشية تشخلل

دى وجهة نظرى بعد ركوب الكورى 7 سنين من الزيرو ....مع كامل احترامى للكورى كعربية من ناحية الاقتصاد فقط و ليس كاداء و اسف على الاطالة.

الموضوع: اللى بيقارن الكورى بالاوروبي واليابانى ازاى تدفع 150الف ومافيش Safety ولا Stability..

LinkBack

أدوات الموضوع

عرض

-

-

-

-

-

-

المواضيع المتشابهه

مقارنه بين ثبات السيارات الكورى واليابانى والالمانى على مطبات الهواء فى الطرق المصريه

الكورى اللى دايما مظلوم وعمرة مأشتكى .. اية رأيك بقى

لماذا الصيني والماليزي (ليه تدفع اكتر لما ممكن تدفع اقل)

VW receives Top Safety Pick Awards from the Insurance Institute for Highway Safety

افرق ازاى بين السيفيا الكورى والمصرى 2000 ارجوا الرد من فضلكم

الكلمات الدلالية لهذا الموضوع

المفضلات

المفضلات

ضوابط المشاركة