تقييم فتيس ستريبترونيك - بومه 1600

**houbaz** · 22-08-2012 09:33 PM

المشاركة الأصلية كتبت بواسطة mkhayiat

سيدى الفاضل السلام عليكم ورحمه الله ....الفتيس ده بدأ من موديل 2011 2012 اخر الcvt كان 2010 وهو مختلف تماما عن الستبترونيك.....ال cvt ببساطه شديده عباره عن ترسين على شكل قمعين وبينهم جنزير حديد على كاوتش بيتحرك ما بينهم فمفيش تروس سرعات فمتحسش بنقله الغيارات (نعومه اكتر يعنى) بس عيبه انه لو باظ ميتصلحش ....يتغير.....اما الستبترونيك فهو فتيس اوتوماتيك عادى بتروس بس فيه خاصيه انك وانت ماشى تحرك عصايه الفتيس ناحيتك فيتحول لمانيوال مطور لما تقل سرعه العربيه ينزل اوتوماتيك للنقله الاقل ولما تدوس بنزين مينقلش للنقله الاعلى الا لو انت حركت عصايه الفتيس لفوق ...ناحيه علامه +.....ولو حبيت برضه تنزل للنقله الاقل حرك عصايه الفتيس لتحت ....ناحيه علامه -.....فبكده تاخد عزم المانيوال فى عربيه اوتوماتيك....بصراحه وعن تجربه فتيس الستبترونيك رائع جدا وبيسعفك فى اى موقف محتاج شد بالعربيه....وكمان مفيهوش احساس جامد بالنقلات...يعنى ناعم برضه لحد كبير
سحب العربيه على الاوتوماتيك العادى يعنى ...ماشى معقول بس مش قوى...بس ما دام معاك الاوبشن دا يبقى خلاص ميفرقش معاك
استهلاك البنزين يعنى كتير حبتين بس برضه بيعتمد على طريقه سواقتك ودوستك على البنزين...بس هة اكتر شويه من مثيلاتها بس مش الفرق اللى يخلينى اغير راى فى شرا عربيه
اتمنى انى اكون افدت حضرتك وتحت امرك فى اى سؤال

شكرا على الشرح الوافى، انا جربت كل الفتايس و عارفهم كويس، و سوقت لانسر اوتوماتيك 2007، وسوقت ستيبترونيك عربيات كتير، انا بس كنت عايز اطمن ان الفتيس الستيبترونيك بتاع اللانسر مش cvt لأن فى عربيات فتيسها cvt و فى نفس الوقت ستيبترونيك، وانا عايز ابعد عنه خالص :)

**mkhayiat** · 23-08-2012 01:47 AM

المشاركة الأصلية كتبت بواسطة eldell

انا مع حضرتك فى كل كلامك معادا حاجه واحده ان الفتيس ده من اول 2010

الف شكر على تصحيح المعلومه....جزاكم الله خيرا

**Dragon78** · 29-08-2012 01:01 PM

سلام عليكم

ياجماعه بما إن الموضوع ده معمول لتقييم الستيبترونيك

ياريت نبص كده على المشكله اللي في الرابط ده
http://www.nilemotors.net/Nile/33149...post3874462228

وياريت اللي عنده معلومه يقدر يفيدنا بيها .. أكون شاكر جدا وكمان الأعضاء كلها تستفيد

**hamed007** · 19-09-2012 08:58 AM

بص يباشا انا ركبت لانسر 2007 كامله بصراحه انا اعجبت بيها من يوم مركبتها ورحت اشتريت 2012 هاف اسبور بصراحه ال cvvt ده فتيس اختراع بيزل في التويوتا والهوندا ونزل مره وحده في هيونداي نيو اكسنت لاكن الي شوفته في الفتيس الجديد الي هو استيبترونك انه سيء للغايه اولا انا بتحس بنقله الغربيه تانيا انك مش هتعرف توصل للسرعه القصوي زي ال cvvt بس هو في الشد جميل بس انا عن نفسي اعرف اعمل ده من دواسه البنزين مش محتاجه ويريت اكون افدتك

**YoussefMostafa** · 20-09-2012 09:42 AM

المشاركة الأصلية كتبت بواسطة hamed007

بص يباشا انا ركبت لانسر 2007 كامله بصراحه انا اعجبت بيها من يوم مركبتها ورحت اشتريت 2012 هاف اسبور بصراحه ال cvvt ده فتيس اختراع بيزل في التويوتا والهوندا ونزل مره وحده في هيونداي نيو اكسنت لاكن الي شوفته في الفتيس الجديد الي هو استيبترونك انه سيء للغايه اولا انا بتحس بنقله الغربيه تانيا انك مش هتعرف توصل للسرعه القصوي زي ال cvvt بس هو في الشد جميل بس انا عن نفسي اعرف اعمل ده من دواسه البنزين مش محتاجه ويريت اكون افدتك

باشا الcvt حاجة وال cvvt حاجه تانية خالص

cvt= continuously variable transmission

cvvt=Continuous variable valve timing

**Dragon78** · 22-09-2012 07:52 PM

المشاركة الأصلية كتبت بواسطة youssefmostafa

باشا الcvt حاجة وال cvvt حاجه تانية خالص

cvt= continuously variable transmission

cvvt=continuous variable valve timing

وايه الفرق بين الاتنين بقى طالما حضرتك فاهم كده

ياريت توضيح الفرق عشان الأعضاء تستفيد

**YoussefMostafa** · 23-09-2012 10:14 AM

المشاركة الأصلية كتبت بواسطة Dragon78

وايه الفرق بين الاتنين بقى طالما حضرتك فاهم كده

ياريت توضيح الفرق عشان الأعضاء تستفيد

اتفضل يا باشا

موضوع عن ال cvvt

http://www.nilemotors.net/Nile/246637-cvvt-system.html

وده فيديو لشرح الفتيس ال cvt

Dodge CVT Animation - YouTube

**toty_305** · 26-09-2012 07:43 PM

-لانسر ٢٠٠٦فيها CVT عمله ٢٠٠الف كيلو الاستجابه اصبحت ضعيفه قوي
-ا AUTO العادي لما تعمل kick down تلاقي ال rpm بيرتفع ل red zone ثم ينخفض ل ترس تاني لكن في ال CVT الrpm مش بينخفض تاني يفضل ال rpm عالي حتي الوصول للسرعه المطلوبه
- حسيته مش ميزه لو فتيس كويس بنقلات كتير مش هتحس بالنقلات برده