انضممت لعائلة الميجان و اشتريت ميجان 1

**a_aboelseoud** · 27-08-2012 10:27 AM

المشاركة الأصلية كتبت بواسطة ahmed_oth

لو هى عربيه نظيفه ومفهاش مشاكل يبقى انت كده خدها ببلاش !!!
عربيتك تعمل من 39 الى 45 مانوال
والاوتو من 44 الى 48
ربنا يكفيك شرها

الحمدلله العربية مفيهاش مشاكل بس عايزة شوية تظبيط يعنى محتاج اغير ديسك و اسطوانة و طبعا الزجاج الامامى و بره فيش شوية خرابيش بس بصراحة هى عربية هايلة
و شاكر ليك مرورك الكريم و ربنا يوعدنا بالاوتوماتيك منها ان شاء الله

**ahmed_oth** · 27-08-2012 05:21 PM

انا هعرض عربيتى للبيع
موديل 2001 اتو ماتيك فيها بس شويه خرابيش وهى فابريكا بالكامل
لو عايزها انا تحت امرك

**ashrafabdrabo** · 29-08-2012 01:39 AM

لو عايز تبيع انا تحت امرك و عندى اتوماتيك كتيير

**shesho** · 04-09-2012 04:09 PM

انا من اعضاء نايل موتورز من 3 سنوات بس كنت عضو فى النوبيرا وحسبى الله ونعم الوكيل فى النوبيرا المهم بد مشوار كفاح 3 سنوات مع النوبيرا الحمد لله بيعتها

كنت بفاضل بين كريستالة 99 اتوماتيك لكن مالقيتش حاجات كويسة فيها المهم ناس رشحولى رينو ميجان 1 الاتوماتيك ياريت من فضلكم لو حد عندة فكرة عنها مميزاتها وعيوبها وقطع غيارها ولو حد عندة حاجة للبيع يقول وانا جاهز بس تكون حالتها كويسة وتكون اتوماتيك

**a_aboelseoud** · 11-09-2012 10:17 PM

المشاركة الأصلية كتبت بواسطة shesho

انا من اعضاء نايل موتورز من 3 سنوات بس كنت عضو فى النوبيرا وحسبى الله ونعم الوكيل فى النوبيرا المهم بد مشوار كفاح 3 سنوات مع النوبيرا الحمد لله بيعتها

كنت بفاضل بين كريستالة 99 اتوماتيك لكن مالقيتش حاجات كويسة فيها المهم ناس رشحولى رينو ميجان 1 الاتوماتيك ياريت من فضلكم لو حد عندة فكرة عنها مميزاتها وعيوبها وقطع غيارها ولو حد عندة حاجة للبيع يقول وانا جاهز بس تكون حالتها كويسة وتكون اتوماتيك

بصراحة قرارى انى اشترى ميجان وان يرجع لاعضاء المنتدى هنا
- العربية بصراحة معايا كويسة جدا و مميزاتها شأنها شأن الفرنساوى عربية صالون واسعة شيك و طبعا امان و حمالة اسيه و سعرها مناسب جدا بالنسبة لامكانياتها.
-عيوبها : مينفعش نقول عليها عيوب زى مثلا قطع غيارها غالية شوية بس طبعا بتحطها فى العربية تنساها
- الكاسيت الاصلى بتاعها لو غيرته و جبت كاسيت عادى مش هتعرف تشغل شاشة الداتا فى التابلوه و برده زراير الكاسيت فى الدركسيون
- التكييف ضعيف شوية عن الكورى بس برده كويس
- المرايات الجانبية بتاعتها مش بتكشف الطريق اوى بس يمكن عشان انا لسه مش متعود عليها
- اخر حاجة لازم تكشف عليها كويس و اوعى تشترى عربية متهانه منها عشان هتطلع عينك و لو حالتها نص نص ابعد عنها حتى لو رخيصة .
و طالما هتشترى ميجان وان اوتو لازم تخلى بالك من حاجتين : الفتيس و السنتر عشان الفتيس بتاعها بيشيع بسرعة (بيبدأ يتعب بعد ال100 الف كيلو )