الموضوع: مشاركات خارج موضوع ( هل أنت راضي عن أداء عربيتك الألنترا 2012 )

المشاركة الأصلية كتبت بواسطة semsem kane

دة مين دة ياباشا اللى لما بيشوف اللالنترا بيبقى عايز يجرى معاها

معلش شكل الالنترا حلو اة مافيش مشاكل , لكن معلش شكل ال vti 2010 اشد من الداخل والخارج , خامات , اوبشن , تجهيزات , امان , كفاية ان الالنترا معدومة الامان والفرامل وعشان توصل لفرامل مستواها كويس عليك وعلى الفئة اللى فيها abs واعتقد ان دية عارف دية بكام

ومعلش يعنى تمن السيفيك vti 2010 مستعملة اغلى من تمن الالنترا 2012/2013 fully loaded

محرك السيفيك اشد بكتير , اثبت بكتير , سرعة قصوى اعلى بكتير , paddle shift خلف الطارة للنقل , معلش معلش وسعت منك دية ياباشا

هي مش السيفيك 117 حصان تقريبا ؟ والالنترا 130 حصان ؟ والاتنين na ؟
بالنسبة للشكل الالنترا في رايي شكل احسن بكتير من بره على الاقل , الاوبشن هتلاقيه في الفولي لودد , وبعدين انا ليه اجيب مستعمل ما دام قدامي الزيرو ؟ لو هتقارن يبقى قارن زيرو بزيرو , الهوندا اعلى فئة ب 200 الف والهيونداي اعلى فئة ب 155 الف , ايه الفروق اللي تستحق 55 الف جنيه بقى ؟

المشاركة الأصلية كتبت بواسطة se_coralsea

عذرا ...

الموضوع ده لملاك الألنترا لتقييم سياراتهم و أبداء الرأي فيها

السادة الملاك :
برجاء التقييم بدون مبالغات و ذكر الحقائق فقط التي تشمل العيوب و ما أكثرها قبل المميزات أن وجدت و لا داعي للمقارنة بسيارت أخري حتي و أن كانت صينية لأن الألنترا هي أسوأ ما أنتجت هيونداي

لا يا استاذ سمير انا اختلف معاك , عربيات هيونداي من اسوأ ما انتجت اي شركة في اي بلد في التاريخ مش الالنترا بس , ومفيش غير اللي مش فاهمين حاجة بس هما اللي بيشتروا عربياتها , يا ريت نقفل القسم هنا وكلنا نبيع عربياتنا ونشتري هوندا او فيات عشان نكون فاهمين في العربيات اللي بجد , قالك هيونداي

المشاركة الأصلية كتبت بواسطة AshTurbo

- لما تبقى ألنترا 2012 فولي لدوديد ب 160 ألف وفيها كل حاجة والسيفيك أعلى فئة ب 200 ألف ده يبقى في صالح مين في نظرك ؟

- فرامل الألنترا فوق مستوى الشبهات والحمد لله ألف حمد وشكر ليك يارب مفيش مرة كسفتني ومفيش مرة خييشت وبالنسبة ل abs بتاع الألنترا جدير بالثقة والأحترام بصراحة بقالي يومين بجرب فيه النهاردة تويوتا كورولا 2010 عربيته زحفت وعربيتي والحمد لله مفيش ذرة صوت طلعت ولا عجل كلبش فنقطة الفرامل دي متتكلموش فيها تاني الا بعد ماتجربوا عيب انتم مفروض فاهمين يعني .

- ألنترا مفيهاش عوامل أمان أزاي مش عارف ده على أي أساس عربيتي فيها 2آيرباج وabs و ebd زيها زي الvti مع فرق كبير وغير مبرر في السعر .

- محرك السيفيك أقوى من اللأنترا أزاي مفهمتش النقطة دي .

- السيفيك 2010 الشكل القبل الحالي عربية محتمرة جدأ وقيمة بس معلش مش هأدفع فرق السعر الكبير ده مقابل أنها ياباني وثباتها أفضل من ثبات الألنترا المرضي للغاية في نظري .

تصحيح : الالنترا مفيهاش ebd