الموضوع: نتيجة تغيير الردياتير كما نصحني البعض

ممكن تكون مشكلة جوان وش السلندر (جاايبة جوان بس على خفيف)

الحمد لله عندي مفيش اي حاجه ولا خفيف ولا تقيل الزيت زيت والميه ميه

انا شاكك في ضعف طلمبة الميه ولكن الميكانيكي اللى بتعامل معاه قالي مفيش حاجه اسمها الطلمبة تتضعف ولكن قريب جدا هغيرها ان شاء الله واقولكوا على النتيجة

اسمع بس الاول
الميه ميه والزيت زيت مش معناة ان السيارة مش جايبة جوان على خفيف
ممكن يكون كبس البساتم بيهرب من عند الجوان للمياة فتسخن بصورة كبيرة وحساس الحرارة يحس بيها وعلى ماالمياه تلف وتدخل للريداتيير تكون نزلت حرارتها كام درجة ثم تدخل داخل الريداتيير فتنزل كمان كام درجة على ما توصل للثرموستات اللى هوا فى اخر المشوار للريداتيير عند نقطة خروج المياه من الريداتيير فتلاقى انه لسا ما اشتغلش عشان المياه باردة شوية فيحصل فرق فى درجه الحرارة بين قرائة مؤشر الحرارة وبين الحرارة عند الثرموستات ودا اللى بيعمل المشكلة دى انك تلاقى الثرموستات بيشتغل لما تكون الحرارة عندك فى المؤشر 100 فتحس ان الريداتيير هوا المشكلة بالعكس الرديداتيير كا سليم
مثال :
لو درجة الحرارة للمياه الداخلة للموتور 80 وتعدى داخلة وتخرج من وش السلندر على 97 مثلا وبعدين تمشى فى الخرطوم الى ان تصل للريداتيير فتنزل مثلا 2 درجة لتصبح 95 وبعدين تمشى فى مواسير الريداتيير فتنزل 10 درجات الى ان تصل الى الثرموستات فتكون 85 فلا يعمل لانة يعمل على 90 درجة وتدخل المياه للموتور على 85 ثم تبدا فى الارتفاع لتصل مثلا ل 102 وتعدى فى خرطوم الريداتيير لتصبح 100 ثم تمشى فى الريداتيير لتصبح 90 عند الثرموستات الذى يبدا يعمل عند 90 فتدور المروحة ويبدا مستوى التبرييد يزيد بكثيير بلا من تخفيض 10 درجات فى الريداتيير الى 20 مثلا
وعند تلك النقطة يصبح الثرموستات النياه عندة 90 بينما فى المؤشر عندك تقرء 100


فى الحالات العادية مستوى ارتفاع درجات الحرارة للموتور تكون اقل منها عن الموتور المهرب لكبسة على الجوان (17 درجة كمثال تصبح 5 مثلا ) فيكون الفرق بين درجة حرارة المؤشر وال ثرموستات صغيير مثلا فى حدود 3 او 4 درجات

فى السيارات الفيات كمثال معظمها يكون الثرموستات على الموتور لتلافى ذلك الخطأ فى القراءات بينما فى معظم السيارات الثرموستات يكون فى الريديايير فى اخر مشوار المياه فلو استطعنا نقل الثرموستات للمروحة ليكون عند مخرج المياه من الموتور او عند مدخل المياه للريداتيير لما حدث ذلك الخطا الذى يظهر عند تسريب الكبس على الجوانات
اما الحل اماك الان هوا الكشف على جوان وش السلندر

كلام منطقي جدا بس هل جيوان وش السلندر ممكن يبوظ بسبب المشى لمدة طويله ساعتين مثلا بالتكييف وسرعة لفات الموتور عند ال5000 ار بي ام؟؟؟ لان مشكلة السخونة ظهرت بعد الرحلة دي

لو كان ممكن يبوظ يبقى عندي الجيوان حصل فيه حاجه لكن لو مش ممكن يبقى الجيوان عندي سليم لان كذا ميكانيكي شاف الموتور وقالي جيوان وش السلندر سليم 100% وجيوان وش التاكيهات بايظ ومغرق الموتور فعلا بالزيت وبخار الزيت وكذا ميكانيكي شافها مش واحد وكمان في التوكيل مش هنا والله أعلم عموما انا هغير الثرموستات اللى في الردياتير جايز يكون بايظ لان احيانا المروحة بتشتغل في معادها واحيانا نص ونص واحيانا تخرف خالص فهغيره بواحد زيه ولو مضبطتش هغيره بواحد أقل وأحمل على المروحة وخلاص


عموما ميرسى لرد حضرتك بس لو في تجارب مشابه مع اي عضو ياريت مايبخلش بالتجربة او الخبرة حتى يرتاح بالي

اولا دا يعتمد على نوع السيارة فمثلا انا شايف انك معاك بى ام فمشاء الله الموضوع دا مش ممكن يعمل فيها كدا الا اذا كانت موديل قديم اوى وعمر الموتور الافتراضى انتهى (انا مبعرفش فى انواع ال بى ام 320 ؟) وممكن ال 5000 اربى ام يكونون عادى ليها لكن بعض السيارات الطبيعى بنتاعها هو 3500 ار بى ام
والمشكلة الاخرى هل المسافة دى كانت المياه والزيت كويسين وهل العربية لم تسخن منك اثناء السير
اكيد لو سخنت وانت ماشى ساعتين على 5000 ممكن يكون الجوان هرب الكبس