الموضوع: نتيجة تغيير الردياتير كما نصحني البعض

المشاركة الأصلية كتبت بواسطة eldeplomasy

لا خضراء

بس كنت عايز اعرف هتفرق في ايه؟؟؟

مش هتفرق فى التبريد, لكن المياه العادية بتخلى الرادياتير و ثرموستات الكوع يصدوا, و غالبا انت حطيت مياه عادية عشان كده الرادياتير صدى منك.
على العموم حاول تجيب الرادياتير بتاعها عشان العربية تتضبط, و لو انى متشكك فى كون الرادياتير القديم مصدى أو فيه مشكلة, لأنه صعب يصدى بالسرعة دى حتى لو حاطط مياه عادية.

صدقنى ، جرب حكايا الثرموستات الواطى، 90% هتحل معاك مشكلة السخون نهائيا، لو محلتهاش معاك وهو احتتمال مستبعد جدا ابقى اكشف على ثرموستات الكوعة

ثرموستات الكوعة ثرموستات ميكانيكى بالكامل بيشتغل على درجة الحرارة المرتفعة فى وش السلندر ومالوش دعوه نهائيا بثرموستات المروحة وبالتالى لو هو سليم لازم يكون فاتح على الآخر فى حالتك دى، يعنى درجة الحرارة عند ثرموستات الكوعة هى نفسها درجة حرارة حساس مؤشر التابلوه، وبالتالى عند 90 وطالع لازم يكون فتح على الآخر ، غير كدة يبقى بايظ وعايز يتغير ، لكن ثرموستات المروحة راكب فى قاع الردياتير من تحت عند ابرد حته فى الدورة، يعنى علشان يشغل المروحة عند 75 هتكون درجة الحرارة فوق عند ثرموستات الكوعة وحساس التابلوه مش اقل من 85-90، وبالتالى هكيون فاتح على الآخر لانه بيفتح على الآخر عند 70، اما فى الشتاء فلو العربية باردة فهو هيكون مقفول سواء ثرموستات المروحة عالى او واطى

لو ثرموستات الكوعة بيفضل قافل لحد ما حرارة المؤشر توصل 90 يبقى ببساطة بايظ وعايز يتغير

معلش سؤال علي الماشي لل م خالد سبعاوي
معلش لو احنا غيرنا الثرموستات لأوطي او لاغنها خالص دي مش هتأثر علي الموتور لانه المفروض هياخر سخونه الموتور لو اتشالت فهتبقي بتسخنها ساعه والموتور مش بيسخن
في حاله تعدلها برضو مش هتاخر السخونه بتاعه الموتور بردو وهتقلل من سخونته بدرجه كبيره السؤال معلش رخم استحملني
ليه المصنع عملها كده ؟
اسف انا بسال بس لاتفتكر حاحه
والسؤال ده لان ناس بيقولوا شيل ده وحط ده وانا بحس ان المصنع هو ادري واحد في معرفه صنعته و كمان الابحاث بتاعته لو الشركه محترمه ولا اللي عاوز يلغي
انا عاوز افهم بس