الموضوع: حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

شكراً لكم جميعاً علي مروركم الكريم

المشاركة الأصلية كتبت بواسطة ahmed a rahman

تسلم ايدك مشاركة ممتازة

انا كان معايا 128 وعملت فيها اللي ما يعمل
كنت بصرف عليها بالالوفات
ولكن مشكلتي كانت مع قطع الغيار الاصلية اللي مش لاقيها ولا الصنايعية اللي بيفهموا او الاكتر الصنايعية اللي بيفهموا بس بيستسهلوا

الله يسلمك
انا كمان كان عندي 128 وكان لازم اروح بيها للميكانيكي كل اسبوع علي الأكثر
بس ساعتها مكنتش بفكر بمنطق أصلية ولا مضروبة

المشاركة الأصلية كتبت بواسطة s o p h o s

ربنا يبارك فيك

الله يخليك

المشاركة الأصلية كتبت بواسطة thunder155

عندك حق , بس قطع الغيار الأصلية مبقتش موجودة

المشكلة حتي الأن ليست في قطعة الغيار
المشكلة في الخبير اللي عامل نفسه خبير ومش بيقولك انها مش أصلية وبيركب وخلاص

المشاركة الأصلية كتبت بواسطة axel

تسلم ايديك يا بشمهندس محمد موضوع رائع و للأسف مش هنخلص من فتي الصنايعية و ده اللي بيخلي الواحد يغير اغلب قطع غيار الصيانات بنفسه و يقولك أصل القطعة ديه ملهاش لازمة أصله الخواجة بقي ههههههه ناس كتيير متعرفش ان الميكانيكي بيحاول يجمع حديد و قطع ع اد ما يقدر عشان يبيعها و ده اللي شوفته يعني تعدي عليه العربية او الكارو عندك اه تعالي حمل

للأسف فعلا دة واقع
عاملين مخزن في الورشة لقطع الغيار القديمة وبيستخدمها احياناً في تطبيق ما أطلقت عليه نظرية ال try and error ولو مالاقاش عنده في المخزن بيخليك تشتري لمجرد يجرب العربية هتشتغل ولا هيخليك تجيب قطعة تانية بزعم ان الأولانية كانت بردوة بايظة وهو بذكائه وانت بحسن حظك انه اكتشفها وخلاك تغيرها بالمرة - رغم انك عمرك ما أشتكيت بيها

بالاضافة انه بيحاول يقلب منك قطع الغيار القديمة فدايما بقول الناس قطع الغيار الفبريكة متتقلبش لأن عليها بتجيب القطع الجديدة و تقيسها
اما قطع الغيار اللي بتتغير بعد كده ارميها و و لا تدهاله او لو عايز تدهاله في داهية يشبع بيها

عندك حق

بخصوص زيت الفرامل فيه عربيات بعد 2000 و الموصي سواء الدليل او الغطا دوت 3
و فتي الجديدة لما تيجي تغير زيت الفرامل يقولك يا عم زيت الفبريكة يتزود بس ههههههههههه يا عم و ايه يعني راح ولا جيه زيت ليه خصائص و بيفقدها و طبيعي بيلم شوائب و رطوبة ساعتها يقف يتنح و يقولك ايوة صح المفروض يتغير بعد فترة هههههههههههههه امال كنت بتكلم هندي و لا ايه لما بقولك غيره

بخصوص زيت الفتيس و الفتية المعتادة زي بتاعت مبيتغيرش و يتزود فيه نقطة الناس لازم تاخد بالها منها في موضوع الزيت اللي بيتزود ده و الموضوع ده فيه شرح للغش اللي بيتعرض له الكثير

http://www.nilemotors.net/nile/225059-a.html

ربنا يلطف بينا

شكرا علي مشاركتك

المشاركة الأصلية كتبت بواسطة fepsceasar

المشكلة يا باشا فى التوكيلات التعبانة واللى بتغلبك واللى بتستهبل فى الاسعار او يسيبك لتجار الروبابكيا

هنعمل ايه
انا فضلت اتعامل مع التوكيل في عربيتي القديمة لحد لما اكتشفت ان الميكانيكية اللي برة ارحم منه وكدة كدة عربيتي مكنتش اعجاز في تصليحها