الموضوع: حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

المشاركة الأصلية كتبت بواسطة SYD

امم
صحيح انا مش فاهم كويس حضرتك تقصد ايه بالكمبيوتر والأويلسيل والسكس بالف
بس اللي اعرفه عن مرسيدس 190 اللي نزلت في منتصف الثمانينيات وكانت شبه اوي الزلموكة او w124
وكانت من اكتر العربيات المرسيدس تطورا في هذا الوقت ونظرا لجهل الصنايعي المصري اللي مقدرش يفهم الغازها وتطورها - اطلق عليها اسوأ عربية مرسيدس نزلت مصر ولزقت عليها هذه المقولة او الأشاعة او الأفتراء ولحد يومنا هذا كل ما تقول لواحد هجيب 190 يقولك لا ابعد عنها دي عرببية وحشة وطلعوا فيها القطط الفاطسة
كل ما تبقي عربية متطورة ومايفهموش فيها يقولك عليها هي اللي وحشة - ودي طالعة علي الأبيزا عندنا ورغم انها بنفس محركات الفولكس بولو الا ان هذه الأشاعة طالعة علي الأبيزا ومش طالعة علي البولو !!!!
تقريباً لأن ركيب الفولكس كان بيروح التوكيل وركيب الأبيزا كان مش بيروح وكانوا بيروحوا للميكانيكية في الشارع وبناء عليه طبعا الميكانيكي شاف الأبيزا وماشفش البولو وعشان كدة قالك الأبيزا معقدة وماجبش سيرة البولو رغم انهم اخوات مش هقولك ولاد عم.

وللعلم - مواتير الفولكس من اسهل المواتير اللي قابلتها - يمكن عشان عربيتي وبقيت فاهم معظم اجزائها ؟؟ - بس حتي لو! اهو انا اهو مش متخصص ولا حاجة ومع ذلك بفك وبركب فيها من غير مشاكل إلي الأن وحاسسها سهلة والحمد لله

الموضوع ان المرسيدس ال١٩٠ الصنايعيه وتجار العربيات طلعو عليها اشاعه انها سحب امامى وكبالن فى الفتره اللى كانت العربيه الوحيده فى مصر الكبتلن هى ال١٢٨ والمازدا ٣٢٣ وكانو عربيات اي كلام بالنسبه لمرسيدس وبيجو واموتك من الضحك لمى اقولك ايه السبب اللى خلى السمعه دى تطلع ان العربيه دى كانت اول مرسيدس تنزل بحجم اصغر من المعتاد وفرامل اليد فيها كانت بين الكرسيين عادى زى كل العربيات عدا مرسيدس كامت الفرامل تحت على الشمال وبكده تبقى بقدرة قادر سحب امامى والى الان اتحداك ٩٠٪ من الجيل القديم عارف انها سحب خلفى يعنى مفيش اى اًاجوز فكر يفتح الكبوت ويشوف ان المتور بالطول وعمود الكردان اللى باين للأعمى ....... والمسطلحات دى طريقة نطقهم للكلام بيقولو على الكمبيوتر كمبروتر