حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

**SYD** · 05-09-2012 03:35 PM

المشاركة الأصلية كتبت بواسطة i_am_legend

ماشاء الله..موضوعك جميل ومفيد جدا...وطريقة سرد رااائعة.

ربنا يبارك فيك
شكرا علي مرورك الطيب

**SYD** · 05-09-2012 03:37 PM

المشاركة الأصلية كتبت بواسطة mido51eg

موضوع ممتاز وقيم جدا حضرتك اثرت فيه النقطة الأهم لمن يريد الحفاظ على سيارته. بالنسبة لعربياتي القدام (عربيتين 128 وعربيتين ريتمو) دول كان ليهم الفضل بعد الله سبحانه وتعالى في اني اتعلم الأدب واتعلم الميكانيكا.
الحمد لله عربيتي الأخيرة والموجودة على ذمتي دلوقتي (فورد اسكورت 1998) ربنا اكرمني بيها واشتريتها من مالكها الأول وكانت كل صياناته عند متخصص فورد وكل قطع الغيار اصلية من التوكيل ولقيته مديني دوسيه فيه فواتير قطع الغيار اللي كان بيشتريها من التوكيل ، علشان كده مشيت على نفس الخطوات دي بأستثناء موضوع شراء كل قطع الغيار من التوكيل لأنها غالية دبح ، لكن بقيت بشتري زي مامتخصص الفورد بيقول لي. يعني على سبيل المثال قالي اشتري صباعين الميزان اسباني وبلاش الألماني ، بالنسبة لجلب المقصات طلب مني مااجيبش من السوق ولازم اجيبهم اصلي من التوكيل وبرغم ان مصنعيته غالية نوعا ما بالمقارنة بالميكانيكية العاديين الا اني مش بستخسر فيه الفلوس لسببين:
1- مش بيفتي وفاهم العربية جدا وعلشان الحمد لله شايفني فاهم برضه فبيعرفني دايما هو بيعمل ايه وليه.
2- بيتعامل مع العربية بالشوكة والسكينة من حيث النضافة في الشغل والدقة في التقفيل والتربيط وخلافه.

عاوزين كل اللي عنده فكرة جديدة للحفاظ على سيارته بحالة ممتازة يقول لنا ويشارك في الموضوع المهم ده.

ربنا يباركله في ماله وصحته
ياريت كل الصنايعية زييه
وفعلا احسن حاجة في الدنيا وانت بتشتري عربية تعرف من صاحبها الميكانيكي بتاعها لأن بجد الميكانيكي اللي بيشتغل في العربية من الزيرو بيبقي عارف تفاصيلها وتاريخها وسجلها اكتر من صاحبها وبيبقي عارف هو امتي غير الحاجة الفلانية فيها وايه بتاع بلادها وايه متغير وجه ميعاد تغييره

شكرا لحضرتك علي مرورك وعلي الأضافة

**احمد فهمى** · 05-09-2012 03:49 PM

المشاركة الأصلية كتبت بواسطة syd

الله يا احمد أفندي علي مشاركتك
الف شكر لحضرتك علي الأضافة
الله لا يسامحهم الأميين معدومي الضمير

بمناسبة مسامير المقص
وانا بعمل شغل عند العفشجي أكتشف ان في مسمار من مسامير المقص مكسور - اتاري الواد بتاع الزوايا فأخر مرة كنت بظبط عنده كسره وماقليش
نفسي اعرف خبي عليا ليه ؟؟؟ كان متخيل اني هعمله ايه ؟؟؟؟ مش كان قالي وكنت خدت بالي وغيرته في ساعتها
انما تقول ايه في قلة الضمير

وفعلا لو علي الفتي هنقول كتير اوي

عشان مسمار بجنيه ممكن ينهى حياة شخص انا من كام يوم روحت اظبت زوايا وطلع مقص عايز يتغير وكانت فى محطة بنزين فطبعاً صعب عليه امشى من غير ما يدفعنى حاجه فقال اربطلك على العفشه قلتلو ربط وانا طبعاً كنت تحت بشوف اخبار العربيه والافندى المفتاح مش بيمشى على اي مسمار لاقيتو رايح يجيب مسوره عشان يزود العزم قلتلو هتعمل ايه يا شاطر قال هربط زياده قلتلو المسمار له عدد لفات سيادتك تقصد هتكسر مسامير طبعاً طلعتو من تحت وفهمتو ان الربط له مشوار واصول وعدد لفات يعنى مش عافيه وهو طبعاً بيضحك تعبيراً عن التخلف الغير قابل للفهم والحمد لله ان الواحد بيخلى بالو الله يكون فى عون اللى معندوش فكره

**SYD** · 05-09-2012 03:58 PM

طبعا بشكر كل اللي شاركوا في الموضوع بخبراتهم وارائهم وتجاربهم
وشكرا لكل من أثني علي الموضوع سواء بالأعجاب او الشكر

بس ايه رأيكم نحول مسار الحديث وكل واحد فينا يكتب كل الفتي اللي سمعه من صنايعية قبل كدة

انا هبدأ بفتية جديدة نوفي - مش جديدة عليكم بس اقصد ان لا انا ولا اي حد من اللي شاركوا كتبها او ذكرها

زيت الباور

للأسف الشائع عند معظم الميكانيكية ان لم يكن كلهم بس مارضتش اعمم
ومش بس الميكانيكية لا والكهربائية وبتوع محطات البنزين وكمان بتوع قطع الغيار
انهم بيبيعوا زيت الفتيس الأوتوماتيك علي انه زيت باور - تقوله ياباشا دة بتاع فتيس (دة طبعا لو انت اساسا فاهم) يقولك ويمشي باور
رغم انه مكتوب عليه بالخط العريض ATF ودي اختصار ل Automatic Transmission Fluid يعني سائل الحركة الأوتوماتيك
والمصيبة ان معظمهم متخيل ان دي ماركته - يقولك يا باشا دة زيت ATF الأصلي -
والله ؟؟ مكنتش اعرف

تيجي انت يا عيني تحط منه (طبعا بناء علي ارشاداته انك مجرد تزود) اولا تبقي خلطت نوعين مختلفين (دة بفرض ان الزيت الموجود في الخزنة الأصلي بتاع العربية)
ثانيا بتحط زيت فتيس في علبة الدريكسيون

وغير دة كله - بردو زيت الباور بينطبق عليه نفس اللي بينطبق علي زيت الفتيس وهو انه بيتغير كل سنتين او كل 60,000 (طبعا حسب ارشادات كل مصنع ولكن دة الشائع والأغلب)

تحيا جمهورية مصر العربية

**SYD** · 05-09-2012 04:03 PM

المشاركة الأصلية كتبت بواسطة ahmed_fahmy

عشان مسمار بجنيه ممكن ينهى حياة شخص انا من كام يوم روحت اظبت زوايا وطلع مقص عايز يتغير وكانت فى محطة بنزين فطبعاً صعب عليه امشى من غير ما يدفعنى حاجه فقال اربطلك على العفشه قلتلو ربط وانا طبعاً كنت تحت بشوف اخبار العربيه والافندى المفتاح مش بيمشى على اي مسمار لاقيتو رايح يجيب مسوره عشان يزود العزم قلتلو هتعمل ايه يا شاطر قال هربط زياده قلتلو المسمار له عدد لفات سيادتك تقصد هتكسر مسامير طبعاً طلعتو من تحت وفهمتو ان الربط له مشوار واصول وعدد لفات يعنى مش عافيه وهو طبعاً بيضحك تعبيراً عن التخلف الغير قابل للفهم والحمد لله ان الواحد بيخلى بالو الله يكون فى عون اللى معندوش فكره

للأسف انهم متخيلين ان كل الناس مش بتفهم وهما عباقرة
تلاقي الواد المساعد (بلية) مش باين من الأرض وبيقاوح معاك - رغم انك بتسوق قد عمره كله
والحاجة التانية لما يحب يوجب معاك ويعمل حاجة مش مطلوبة منه

انا بسبب شغلي في مجال الit دايما بنصح التكنيكال "ماتعملش اكتر من المطلوب منك - شوف شغلك وبس وماتوجبش وتعمل حاجة من دماغك - لأن التزويد من دماغك زي التقليل بالظبط"

**احمد فهمى** · 05-09-2012 05:10 PM

لو على الفتى من اول المرسيدس ال١٩٠ اللى سحب امامى للكمبروتر (computer) اولساه (oil seal) سيكس بالف (check volv) لترموستات المياه اللى ملهاش لا زمه فى مصر دى بتاعت الدول اللى فيها تلج (على اعتبار ان المتور ملوش درجة حرارة تشغيل ثابته صيف شتا) وكلمة ملهاش لازمه على كل حاجه فى العربيه هو خربها او معرفش يركبها تانى على اعتبار صناع العربيه بيبقششو على الناس ويحطو هدايا مع العربيه للأسف الجهل فى مصر متقدم جداً ولازم اي واحد بتتعامل معاه لو مبيعرفش يقرا ولا يكتب ابعد عنو وبين كل فتره تروح التوكيل بتاع عربيتك يعملك كشف على كل حاجه وتتحرك من النقطه دى وتشغل بيها الميكانيكى تحت نظرك

**SYD** · 05-09-2012 07:16 PM

المشاركة الأصلية كتبت بواسطة ahmed_fahmy

لو على الفتى من اول المرسيدس ال١٩٠ اللى سحب امامى للكمبروتر (computer) اولساه (oil seal) سيكس بالف (check volv) لترموستات المياه اللى ملهاش لا زمه فى مصر دى بتاعت الدول اللى فيها تلج (على اعتبار ان المتور ملوش درجة حرارة تشغيل ثابته صيف شتا) وكلمة ملهاش لازمه على كل حاجه فى العربيه هو خربها او معرفش يركبها تانى على اعتبار صناع العربيه بيبقششو على الناس ويحطو هدايا مع العربيه للأسف الجهل فى مصر متقدم جداً ولازم اي واحد بتتعامل معاه لو مبيعرفش يقرا ولا يكتب ابعد عنو وبين كل فتره تروح التوكيل بتاع عربيتك يعملك كشف على كل حاجه وتتحرك من النقطه دى وتشغل بيها الميكانيكى تحت نظرك

امم
صحيح انا مش فاهم كويس حضرتك تقصد ايه بالكمبيوتر والأويلسيل والسكس بالف
بس اللي اعرفه عن مرسيدس 190 اللي نزلت في منتصف الثمانينيات وكانت شبه اوي الزلموكة او w124
وكانت من اكتر العربيات المرسيدس تطورا في هذا الوقت ونظرا لجهل الصنايعي المصري اللي مقدرش يفهم الغازها وتطورها - اطلق عليها اسوأ عربية مرسيدس نزلت مصر ولزقت عليها هذه المقولة او الأشاعة او الأفتراء ولحد يومنا هذا كل ما تقول لواحد هجيب 190 يقولك لا ابعد عنها دي عرببية وحشة وطلعوا فيها القطط الفاطسة
كل ما تبقي عربية متطورة ومايفهموش فيها يقولك عليها هي اللي وحشة - ودي طالعة علي الأبيزا عندنا ورغم انها بنفس محركات الفولكس بولو الا ان هذه الأشاعة طالعة علي الأبيزا ومش طالعة علي البولو !!!!
تقريباً لأن ركيب الفولكس كان بيروح التوكيل وركيب الأبيزا كان مش بيروح وكانوا بيروحوا للميكانيكية في الشارع وبناء عليه طبعا الميكانيكي شاف الأبيزا وماشفش البولو وعشان كدة قالك الأبيزا معقدة وماجبش سيرة البولو رغم انهم اخوات مش هقولك ولاد عم.

وللعلم - مواتير الفولكس من اسهل المواتير اللي قابلتها - يمكن عشان عربيتي وبقيت فاهم معظم اجزائها ؟؟ - بس حتي لو! اهو انا اهو مش متخصص ولا حاجة ومع ذلك بفك وبركب فيها من غير مشاكل إلي الأن وحاسسها سهلة والحمد لله

**SYD** · 05-09-2012 07:29 PM

أه يا بشمهندس احمد فهمي علي موضوع مالوش لازمة دة
انا بعد ما اشتريت العربية بفترة صغيرة - اسعدني الحظ وقابلت المهندس ايهاب منصور
واثناء ما بيتفرج علي العربية عندي - بيبص لقي راكب عندي حاجة اسمها مبخر البنزين
ووضحلي انه بياخد بخر البنزين من المنافولد وبيرجعه مع خراطيم الراجع للتانك - كنوع من اقصي توفير البنزين
وقالي انه ملغي في عربيته ومش مأثر علي اي شئ لا في الأستهلاك ولا في السحب ولا اي حاجة
فقولت الحمد لله علي نعمه
ولما اعوذ بالله عملت حادثة والعربية اترمت عند السمكري والميكانيكي والكهربائي - اتلعب فيها البخت في رفع وتسقيط الموتور من تاني
وفي نهاية المطاف مالقتش المبخر دة راكب
عرفت طبعا ان الميكانيكي العبقري اللي سقط المكنة رماه بأعتبار انه مالوش لازمة - رغم زعمه انه ميكانيكي جولف وبي ام والماني بوجه عام !!!!!
دة غير ان عندي خرطوم فاكيوم خارج بردو من المنافولد ومتطبب عندي بمسمار وحتي الأن مش عارف دة خرطوم ايه ووظيفته ايه وياتري مأثر علي ايه عندي في العربية
ويا سلام علي أهمال الصنايعي اثناء الفك والتركيب (بعد الحادثة لقيت كمية مسامير في الطفاية ودرج الطابلوه) وأشياء كثيرة جدا متفككة ومرمية - الله يسامحهم ويجازيهم علي اللي عملوه في عربيتي
لقيت مكعب حديد وزنه يتعدي ال5 كيلو مرمي في شنطة العربية ولما بسأل قالولي دة حاجة في العفشة
وفي النهاية عرفت انه تقل بيركب عند الميزان - وبالفعل ركبته عند ميكانيكي تاني خالص
ولما بظبط زوايا لقيت بتاع الزوايا بيقولي ان التقل دة راكب بالشقلوب !!!!!!!!

عجبي

-

-

الموضوع: حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

اكتشف ترتيب اعتمادية سيارتك - بين سيارات العالم

من موقع سيارات فولكس الجديدة---فيديوهات و صور الجيتا 2011 (الجديدة كليا)

كيف تعرف انك من جيل السبعينات والثمانينات

الكلمات الدلالية لهذا الموضوع

المفضلات

المفضلات

ضوابط المشاركة