اسال ويجاوبك مهندس نجاد من بريدجستون

**Ahmed Selim** · 18-11-2008 09:28 PM

المشاركة الأصلية كتبت بواسطة drahmadfawzy

[SIZE=4]
1- بخبرتك يا م/نجاد، لماذا قام المالك السابق للسيارة بتغيير مقاس الإطاران الأماميان إلى165/80 بدل من 145/70 ؟

عذراً على تدخلى..........

تغيير الأطار الى الأعرض المفروض أنه بيزود ثبات العربية......بس المفروض يكونو ال 4 نفس المقاس.......و طالما أن المقاس الأمامى مش عاملك مشكلة يبقى غير اللى ورا الى نفس المقاس اللى قدام......بس أتأكد الأول أنك لما تغير مش هتلاقيه بيحك فى الرفرف مع المطبات مثلاً.......ممكن تتأكد عن طريق أنك تجيب اللى راكبين قدام ورا لمدة يومين تلاتة وتشوف أيه اللى هيحصل.

الفرق العام فى الثبات بعد التغيير للأعرض ممكن ميكونش ملحوظ لبعض الناس.....بس لو أنت من النوع اللى بتحس بأى تغيير فى العربية يبقى غالباً هتحس بفرق لما تغيير للأعرض

**y_ammar2000** · 22-11-2008 11:37 AM

السلام عليكم
سؤال الباش مهندس نجاد
انا عاوز اشترى فردتين كاوتش اركبهم مكان الى الفردتين الى فى الامام
انا عربيتى اكسل كورى موديل 95 1500 سىسى
يا ترى انسب مقاس يكون كام فى كام خصوصا ان مشكله العربيه انها منخفضه للارض
عاوز اعرف بعد اذنك يا باش مهندس النوع والمقاس المناسب وايضا السعر لو أمكن
وجزاك الله خيرا كثيراااااااااااا

**negad** · 22-11-2008 05:49 PM

المشاركة الأصلية كتبت بواسطة negad

اعضاء المنتدى الكرام ...
تحياتى لكم جميعا وأشكركم على الثقة التى تمنحونها لى وهذا من فضل الله على والحمد لله على ذلك ...
بالنسبة لتعريض الاطارات فكما سبق فى الرد على بعض التسأولات فأكرر ما يلى :-
* الشركة المصنعة للسيارة هى المصدر الأول لمقاسات الاطارت التى تستخدم مع السيارة والمقاسات البديلة لها فلذلك يجب أن نرجع لها بالبحث فى
1- كتالوج السيارة. أو ستيكر موجود على 2- قائم الباب الأمامى (أو الخلفى فى الماتريكس) الأيسر للسيارة . 3- غطاء تنك البنزين. 4- داخل باب تابلوه السيارة.
5- على جانب التابلوه ناحية الباب الأيسر.
** التجربة والخطأ هى المصدر الثانى.
*** الإستفادة من التجربة والخطأ التى قام بها الآخرون هى المصدر الثالث.

أكرر شكرى لكم ودمتم جميعا بخير

المشاركة الأصلية كتبت بواسطة y_ammar2000

السلام عليكم
سؤال الباش مهندس نجاد
انا عاوز اشترى فردتين كاوتش اركبهم مكان الى الفردتين الى فى الامام
انا عربيتى اكسل كورى موديل 95 1500 سىسى
يا ترى انسب مقاس يكون كام فى كام خصوصا ان مشكله العربيه انها منخفضه للارض
عاوز اعرف بعد اذنك يا باش مهندس النوع والمقاس المناسب وايضا السعر لو أمكن
وجزاك الله خيرا كثيراااااااااااا

العضو العزيز ، برجاء مراجعة المرفق اعلاه والتحقق من المقاس المناسب....والأخذ فى الاعتبار أن إذا غيرت اطارين فقط فلابد أن يكونا بنفس مقاس الاطارين الآخرين ويتم تركيب الاطارين الجديدين على المحور الخلفى للسيارة ...مع تمنياتى للجميع بقيادة آمنه وسلامة

**nike7777** · 24-11-2008 09:57 PM

السلام عليكم
يجماعه انا عايز احكيلكم حاجه وحد يقولي انا غلط فيها ولا ايه لحسن كانت هتودي حياتي كلها
انا معايا 128 ومش مركبلها جنوت اسبور ولا حاجه الكاوتش الي كان فيها كان 13 145/80 االمهم رحت في يوم اغير الاربع فرد علشان القديم كله باظ فا حبيت اعرض الكاوتش حبه صغيره فا جبت كاوتش ايه بقى 13 155/70 وزي ما يكون ارتكبت جريمه في حق العربيه غيرت الاربع فرد ووالله ما لحقت اروح البيت عملت حادثه ضاع فيها شنطه العربيه وباب الشمال الحمد لله قدر الله ما شاء فعل بس انا بسال بقى هوا انا غلطت لما جبت المقاس الي انا كاتبه دا لان تقريبا والله اعلم هوا كان اخويا الي سايق وانا كنت جمبه بس هوا الي حصل وسبب الحادثه ان الكاوتش لف بينا جامد وكمان حاجه انا من وقت ما غيرت الكاوتش الجديد دا انا حاسس ان الطاره بقت اخف بكتير قربت تبقى باور وانا مش واخد على الدلع فا بلييييييييييييييييييز حد يقولي المقاس دا فيه غلط وهوا السبب في الحادثه ولا السبب حاجه تاني ادور في عفشه العربيه والكلام الباقي ونوع الكاوتش الي جبته كان جي تي اندونيسي
اسف اني طولت اوي عليكم بس ارجوكم محتاج رد لحسن انا بقيت خايف اركب العربيه
وشكرا

**civic2009** · 26-11-2008 10:54 AM

السلام عليكم جميعاٌ

سؤالى للبشمهندس نجاد و السادة اعضاء المنتدى ذو الخبرة فى الموضوع التالى:
انا عندى كاوتش بريدجستون مقاس R16-55-205
فى الهوندا سيفيك 2009
و بصراحة من اول ما استلمت العربية و دة من حوالى اسبوعين , بسمع صوت ذى شفاط الهواء من تحت العربية و الكاوتش و طبعا دة مع حركة العربية و خصوصا ابتدا من سرعة 40 كم و يختفى تماما مع توقف السيارة عن الحركة علما انة مش مرتبط بلموتور لن صوت الموتور هادى جدا

و بصراحة سمعت كلام كتير و منها حجات تقلق و تعكنن عل و احد و منها :
1-ممكن خشونة فى بلية العجل( رغم ان الصوت مش خشونى خالص)
2- دة صوت الكاوتش الجديد علشان عريض و حيختفى مع الوقت!!!
3-دة صوت طبيعى نتيجة تفريغ الهواء من تحت العربية و بين العجل لتقليل الاحتكاك عل السرعات و دى ميزة

ارجو المساعدة و النصيحة و لو الموضوع غريب هل يفضل الرجوع للتوكيل فورا و لا انتظر صيانة 1000كم

و جزاكم الله كل خير

**negad** · 26-11-2008 08:20 PM

العضو العزيز nike7777
حمدا لله على سلامتك ومن كان معك.... ولندخل فى الموضوع :-
1- قطر الاطار البديل 155/70 أر 13 الكلى = 548 مم
قطر

**negad** · 26-11-2008 08:21 PM

العضو العزيز nike7777
حمدا لله على سلامتك ومن كان معك.... ولندخل فى الموضوع :-
1- قطر الاطار البديل 155/70 أر 13 الكلى = 548 مم
قطر الاطار الاصلى 145/80
قطر الاطار الا

**negad** · 26-11-2008 09:37 PM

العضو العزيز nike7777
حمدا لله على سلامتك ومن كان معك.... ولندخل فى الموضوع :-
1- قطر الاطار البديل 155/70 أر 13 الكلى = 548 مم
قطر الاطار الاصلى 145/80 أر 13 الكلى = 562 مم
الفرق = 14 مم يساوى 2.5-% من القطر الاصلى وهى نسبة مسموح بها
2- ستشعر حضرتك بانخفاض السيارة بمقدار 7مم عن ارتفاعها الاصلى من الارض.
3- عدد لفات الاطار الجديد فى الكيلومتر الواحد اكثر من القديم بمعنى آخر أن عداد السرعة سيعطيك 100كم/س وفعلا حتبقى سرعة السيارة أقل تقريبا 97.5كم/س.
4- غير ذلك لا توجد أى مشاكل من الناحية النظرية فى الاطارات الجديدة فمن الممكن المراجعة على الزوايا الأمامية والخلفية للتأكد من سلامتها وكذلك الكشف على العفشة وعلبة الدريكسيون وكل ما هو مؤثر فى الاطارات.(طبعا من الممكن القيام بهذه المراجعات بفرعنا بكالتكس عباس العقاد والتمتع بالخصم الممنوح لاعضاء المنتدى)

دمتم جميعا باحسن حال وسلامة وكل عام وانتم بخير

**negad** · 26-11-2008 09:45 PM

المشاركة الأصلية كتبت بواسطة civic2009

السلام عليكم جميعاٌ

سؤالى للبشمهندس نجاد و السادة اعضاء المنتدى ذو الخبرة فى الموضوع التالى:
انا عندى كاوتش بريدجستون مقاس R16-55-205
فى الهوندا سيفيك 2009
و بصراحة من اول ما استلمت العربية و دة من حوالى اسبوعين , بسمع صوت ذى شفاط الهواء من تحت العربية و الكاوتش و طبعا دة مع حركة العربية و خصوصا ابتدا من سرعة 40 كم و يختفى تماما مع توقف السيارة عن الحركة علما انة مش مرتبط بلموتور لن صوت الموتور هادى جدا

و بصراحة سمعت كلام كتير و منها حجات تقلق و تعكنن عل و احد و منها :
1-ممكن خشونة فى بلية العجل( رغم ان الصوت مش خشونى خالص)
2- دة صوت الكاوتش الجديد علشان عريض و حيختفى مع الوقت!!!
3-دة صوت طبيعى نتيجة تفريغ الهواء من تحت العربية و بين العجل لتقليل الاحتكاك عل السرعات و دى ميزة

ارجو المساعدة و النصيحة و لو الموضوع غريب هل يفضل الرجوع للتوكيل فورا و لا انتظر صيانة 1000كم

و جزاكم الله كل خير

العضو العزيز... طبعا حاجة تحير وتقلق بس النصيحة التى استطيع ان اقولها لك ان الرجوع للتوكيل فى مثل هذة الحالات هو الاسلم وقبل الصيانة المنتظرة ..... وطبعا الكلام اللى انت سمعته ليس له اى دليل من الصحة.
مع اطيب التمنيات وكل عام وانتم بخير

-

الموضوع: اسال ويجاوبك مهندس نجاد من بريدجستون

LinkBack

أدوات الموضوع

عرض

-

-

-

-

-

-

المواضيع المتشابهه

بريدجستون اندونيسى ام بريدجستون تايلاندى افضل؟؟؟

استشارة الى المهندس نجاد ضرورى

طلب من المهندس نجاد

رئيس أيران أحمدى نجاد!!!

الكلمات الدلالية لهذا الموضوع

المفضلات

المفضلات

ضوابط المشاركة