الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة lancerevolution

شكرا للمهندس نجاد على الخدمة الجميلة جدا دى
و كنت حابب أسأل سؤال دلوقتى أنا معايا فكترا 2001 الكاوتش الى راكب عليها بريجستون أنا معرفش مشى قد إيه لأنى من ساعت ما جيبت العربية و مغيرتوش بقالى حوالى سنة بس أنا ممكن أكون عملت بيه بتاع 6000 كيلو لأن العربية واقفه معظم الوقت المشكلة بقى فين فى تشققات مش كبيرة بس صغيرة تقدر تقول دقيقة فى النقشة بتاعت الكاوتش و على طرف الكاوتش و كمان جوا الخط بتاع النقشة شقوق على شكل خطوط بطول 3 ملم النقشة عمقها كويس فهل دا فيه مشاكل و الكاوتش لازم يتغير ولا ممكن أمشى بيه شوية لأنى مسافر بكره مصيف
و أسف جدا على الإطالة بس حبيت أشرحلك الموقف كويس

العضو العزيز.... يبدو من تاريخ الرسالة انك سافرت فنتمنى لك السلامة ان شاء الله فى الذهاب والعودة.... بخصوص حالة الاطارات فهى الفيصل دائما عند التفكير فى تغيير الاطارات وليس الكيلومتر المقطوع ووجود تشققات او بداية تشققات فهذة علامات البدأ فى التفكيير فى تغيير الاطارات باخرى جديدة وبالطبع لا يمكن الحكم بالوصف على حالة الاطارات بل يجب الفحص العينى فى احد فروعنا وابلاغك بما يلزم ... اتمنى للجميع اجازة سعيدة وعدم الانصياع لتعليمات الاسطى بلية بتخفيض ضغط الاطارات بحجة حرارة الاسفلت فما ينصح به بلية هو الذى يؤدى الى انفجار الاطارات وكذلك احذر جميع القرأ الاعزاء من فخ بلية فى تخريم الاطارات بعدد كبير من الخروم ثم اصلاحه الاطار بالخابور السريع وطلبه مبلغ كبير من المال مقابل الاصلاح للخروم التى خرمها بيده ويدعى ان هناك زجاج فى الطريق هو الذى خرم الاطار ........ اعزائى اذا كان هناك اكثر من خرم فى الاطار فسيتسرب الهواء من الاطار بسرعة ولن يبقى بها !!!! فاذا ابلغنا بلية بان الاطار به مثلا 7 الى 10 خروم فاطلب منه عدم الاصلاح بالخبور وشراء داخلى ووضعه بالاطار وتركيب الاستبن مكان الاطار الخرب ..... ولتجنب هذا كله لا تعطى بلية فرصة لتخريم الاطار كيف؟؟؟؟ اطلب منه عدم الكشف على الاطار من اصله وريح بالك وقل له زود الهواء وانت واقف فوق دماغه ولا تجعله يغيب عن نظرك لحظه

المشاركة الأصلية كتبت بواسطة mohamed777

ياباش مهندس نجاد انا فعلا عارف حكاية الاستيكر اللي موجود فى قايم باب السواق بس العربية قديمة والظاهر انه اتخلع منها
ثانياً انا عارف وحافظ كل مسمار فى العربية بتاعتى وعارف انه مقاسها 155-13-80 وعمرى ماغيرت المقاس ده
بس كنت بلاقى المقاس ده من نوع نسر
ولما حبيت اغير النوع ده مالقتش المقاس ده ونصحنى انى اخد مقاس 165-13-70 او مقاس 175-13-70
المشكلة فى مقاس ارتفاع الكاوتش وهو الاصلى 80 وعاوز اغير الى 70 فهل ممكن يأثر على عداد الكيلومترات او اى حاجه فى العفشة؟؟؟؟؟؟؟؟
وسعر المقاس الاصلى بكام؟؟؟؟؟؟

وجزاك الله خيرا

العضو العزيز محمد
آسف على التاخر فى الرد عليك ولكن لم اصل لما يفيد عن اى بديل عن المقاس 155/80 ار 13 مع الاخذ فى الاعتبار ان هذا المقاس متوفر عندى فى فيت اند فيكس داخل كالتكس عباس العقاد وسعره 265جنية للاطار الواحد.... ولا انصح باستعمال المقاس 165/70 ار 13 لانه ليس البديل الصحيح للمقاس الاصلى... تليفونى 19187
مع تحياتى للجميع باجازة سعيدة ان شاء الله

العضو العزيز آسف لتأخرى فى الرد على سؤالك بالنسبة للاطار الاكثر هدوء فى بريدجستون هو وكما ذكرت مرارا وتكرارا هو ال تورانزا gr80 وهو سوبر سيلانت ولكى تعرفه فى الماركات الاخرى يجب ان تعلن عنه الشركات الاخرى.... مع تحياتى للجميع

العضو العزيز ادخل فى الرد على طول :-
1- ترصيص الاطارات الاربع
2- ضبط زوايا
تحياتى للجميع وكل عام وانتم بخير