الموضوع: اسال ويجاوبك مهندس نجاد من بريدجستون

تحياتى اولا للمهندس نجاد وشكرا لهذا المجهود واليك سؤالى وهو مشكلة واجهت الكثيرين ممن اشترو النيو سيراتو الsx ووجدو الجنوط سبور 17 والارتفاع ( من اول الحديد حتى اخر الكاوتش ) قليل جدا فاصبح ماص الصدمة (الهواء ) قليل وبالتالى الاحساس بنشوفة العفشة واى زلطة فى الطريق وكانت الاقتراحات بتغيير الجنوط الى جنوط 16ولكن ستكلف طبعاو بس ميزة الثبات فى 17 فما رايكم ادام الله فضلكم وشكرا مقدما

المشاركة الأصلية كتبت بواسطة myr999

تحياتى اولا للمهندس نجاد وشكرا لهذا المجهود واليك سؤالى وهو مشكلة واجهت الكثيرين ممن اشترو النيو سيراتو الsx ووجدو الجنوط سبور 17 والارتفاع ( من اول الحديد حتى اخر الكاوتش ) قليل جدا فاصبح ماص الصدمة (الهواء ) قليل وبالتالى الاحساس بنشوفة العفشة واى زلطة فى الطريق وكانت الاقتراحات بتغيير الجنوط الى جنوط 16ولكن ستكلف طبعاو بس ميزة الثبات فى 17 فما رايكم ادام الله فضلكم وشكرا مقدما

العضو الكريم...قبل التغيير لابد من عمل بعض الابحاث اليسيرة وهى :-
*مراجعة ضغوط الاطارت ومطابقتها لكتالوج السيارة. فاذا كانت سليمة ومطابقة نفكر نغير ونقوم بما يلى
*مراجعة المقاسات المتاحة والبديلة للمقاس المركب وهذا من الكتالوج ايضا. ولكن يجب ان نلاحظ ان الاطارات 16 ستكون فى اغلب الظن( اكنز) اقل فى العرض مما يقلل الاتزان والتماسك اثناء السير وفى الملفات ويزيد الحمل على وحدة المساحات مما يؤدى الى تآكل اسرع للاطارات واستهلاك بنزين اعلى... الا اذا كان هناك مقاس بنفس عرض الاطار الـ 17 فلن يحدث ما ذكر.... مع اطيب التمنيات للفريق القومى بالفوز ان شاء الله

المشاركة الأصلية كتبت بواسطة lion_heart

م نجاد مفيش نية ان شاء لفتح مركز خدمة بالمنصورة او خطة مستقبلية لذلك .

المشاركة الأصلية كتبت بواسطة lion_heart

لو مفيش ياريت تحطوها فى اولوياتكم لأن المنصورة بلد كبيرة و يستوعب اكتر من مركز لبريدجستون .

ايه أخبار المنصورة مع بريدجستون ؟؟؟ لسه مفيش نية لفتح مركز خدمة متخصص ؟؟

سبق وطمنتك ان المنصورة ان شاء الله فى الخطة وعلى راس القائمة باذن الله

السلام عليكم
ازيك يابشمهندس
اريد من حضرتك مساعده في الموضع التالي
انا معايا اتوس 2000 من حوالي 7 شهور
كنت الاحظ بعد 100 ك/س في رعشه في الطاره قولت اروح ارصص العجل
مع العلم بان العجل الامامي مقاس 165/70 والخلفي 165/65 اولا انا معرفش المقاس المظبوط للعربية والافضل
لحظت عند الترصيص ان في عجلة من الخلفي عمرها الافتراضي انتهي علي حسب قول الصنايعي وكان واضح انها هتنفجر
المهم عشان مطولش عل حضرتك دلوقتي المفروض اي مقاس المناسب للعربية اجيب الكبير ولا الصغير
واي نوع احسن وايه موصفاته ياريت تساعدني عشان احترت من كتر الانواع واي مقاس افضل للعربية من حيث السرعة والثبات والنعومة والعفشة
وشكرا واسف علي الاطالة

السلام عليكم باشمهندس نجاد

انا كنت عملت ترصيص لل 4 عجلات علشان كان فيه هزة جامدة فى العربية على سرعة 120 وغيرت اماكن الإطارات الأمامية و الخلفية .
بعد كدة لاحظت انى علشان امشى فى خط مستقيم لازم دركسيون العربية يكون حاود لليمين شويه ومبقاش فى المنتصف ذى الأول !
فكنت عاوز اعرف راى حضرتك وهل عند تبديل الإطارات لازم يتعمل ظبط زوايا ؟