الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة shockoprinz

السلام عليكم أولآ

كنت عايز أسأل الباشمهندس نجاد سؤال أنا كنت بظبط زوايا وقلت بالمرة أبدل العجل الآمامي بالخلفي علي العلم أني مشيت بيهم 8000 ك فقط ولكن فوجئت أن الأسطي بيقولي مش هينفع علشان النقشة ورا أعرض من قدام وكدا هتعوم منب العربية فأية رأي سيادتك في الموضوع ده

العضو العزيز ... كل عام وجميع اعضاء المنتدى بخير ... بالنسبة لسؤالك اذا كان كلام الاسطى مضبوط يبقى حضرتك مش حتقدر تبدل الاطارات على المحورين الامامى والخلفى سويا ولكن حتبدل كل اطار من الجهة اليمنى لليسرى والبعكس

المشاركة الأصلية كتبت بواسطة albasha

السلام عليكم م / نجاد

أنا عندي جنط نزلت في مطب جامد واتكسر المهم لحمته ( بصراحه اللحام كويس جداً مفهوش مشكله وبقاله معايا كتير )

المهم من فتره كل ما أزود الكاوتش يقعد في حدود 3 أيام وبعد كده تقل كمية الهواء وبالتالي بحتاج أزوده كتير وده مش طبيعي

سؤالي هل في ماده معينه تقدر تسد أي خرم أو مكان مش مظبوط في الجنط أو في أي مكان ممكن يكون بيصلح الجنط
( مع العلم إني كشفت علي الفرده ديه 3 مرات ولم أجد أي تسريب بها وده كان علي ضغط هواء 30 تقريباً )
او في حل تاني من وجهة نظرك
وشكراُ لتعبك معانا

عزيزى الباشا... من الممكن ان الجنط حدث به شرخ بسيط نتيجة للمطبات الجميلة والكثيرة فى طرقنا وده احتمال كبير اذا انت كشفت على الاطار 3 مرات ولا يوجد بها تسريب ... اما موضوع المادة فلا ينصح باستخدامها من قبل بريدجستون نهائيا..
واذا انت حابب تشرفنى فى عباس العقاد نكشف على الجنط ده تنورنا من 10صباحا الى 10 مساء... وفى رمضان ان شاء الله ستكون المواعيد من 11 ص وحتى 4 م ثم من 8:30 م وحتى 12:30 بعد منتصف الليل... وكل عام والجميع بخير

المشاركة الأصلية كتبت بواسطة ahmed1981

يا ترى يابشمهندس هذا المقاس تم توفيره الآن ؟؟

وشكراً على مجهودك

للاسف ليس متوفر حاليا وهناك اطارات ستصل للمعارض خلال هذا الاسبوع ان شاء الله

المشاركة الأصلية كتبت بواسطة Medo007

السلام عليكم
لو سمحت مهندس نجاد
انا عندي عجل بريللى تقريبا معدي 20 الف الى الان
والمشكلة من كتر الخوابير
بلية اما كشف على العجل لقيته بيقولى فيه تنميلة وفعلا فيه لقيت خروم صغيرة اوى ى ى
قالى من كتر الخوابير بيخلى العجلة كده
طب ايه الحل دلوقتي لان كل تلات ايام بينقص الضغط
مع العلم ان العجل لسة بخير والنقشة متكلتش خالص
وشكرا

العضو العزيز ميدو ... برجاء التكرم بالتوجه لاقرب معرض Fit&Fix وذلك للكشف الدقيق على الاطارات وتقييم وضعها اذا كان لابد من تغييرها من عدمه

المشاركة الأصلية كتبت بواسطة bassemforever

كنت عايز يا مهندس نيجاد نظرا ان العربية بتاعتى جنط 16 العفشة عندى بتدب لما اعمل الكاوتش على 30 هوا الكتلوج بيقول 32 بس حتى مخلتها 30 بتدب دلوقتى عاملة على 28 الدب بيقل لكن موجود الرزغة الى متاخد عين قط او مطبات صغيرة بتزعجبنى جدا المهم سبتها فترة لقيت الاصوات راحت وكله بقى تمام وبقت ناعمة جدا قولت اشوف الكاوتش لقيته على 24 مشيت بيها شوية وقلت اخليه كدة خصوصا وهوا مش باين انه مهوى خالص عادى شكله طبيعى جدا والعربية بقت ناعمة بس خفت الكواتش يبوظ ورجعته 28 رجعت تدب تانى سؤالى هنا هل ممكن افضل ماشى مثلا على 25 او 26 وهل لو عملت كدة ممكن مثلا ابدل الكاوتش بدل كل 50 الف مثلا يبقى 40 مثلا و هل ماجى ابدله فى انواع من الكاوتش معين بتبقى طرية ولا لا و علما بان الكاوتش ارتفاعه 55 و نوعه نيكسن و حاطط نيتروجين اتمنى منك الرد وشكرا جزيلا

• العضو العزيز باسم للابد... موضوع ضغط الاطارات للاسف عندنا فى مصر احنا مش فهمينه مضبوط ودى فرصة ان نحاول نوضح لجميع الاعضاء الموضوع من الاول .... نعرف الاطار : هو وعاء يحتوى الهواء (او النيتروجين) ولكى يحمل هذا الاطار وزن معين يجب ان يتم شحنة بضغط معين... بمعنى اخر اذا لم يتم شحن الاطار بالضغط المطلوب لن يستطع ان يحمل الوزن المطلوب ... والذى يحدد الضغط هو مُصَنع السيارة... لذا يجب الحفاظ على ضغط الاطارات حسب نصيحة المصنع والا سنجد مشاكل كثيرة ستظهر فى الاطارات منها فى حالة ضغط الهواء الضعيف او اقل من المطلوب
• تآكل غير منتظم بكتفى المداس
• تشققات بجانب الاطار فى شكل حلقة موازية للجنط مباشرة
• صعوبة فى توجيه الاطارات وعدم استجابة السيارة فى الملفات
• انفصال بين طبقات المطاط نتيجة لارتفاع درجة حرارة الاطار
• ارتفاع استهلاك البنزين
• لا قدر الله ممكن ينفجر الاطار اذا واصلنا السير عليه لمسافات طويلة وبسرعة عاليه
• تشققات بين نقشة المداس وانفصال اجزاء من النقشة
• تآكل سريع بنقشة المداس
• وغيرها كثير....

لذا انصح حضرتك بالتاكد من مقاس الضغط الذى يتم استخدامه فى فحص ضغط الاطارات وان يكون سليم ولا يكون به مشاكل تؤدى الى قراءة غير صحيحة للضغط.
وكذلك التاكد من ان نسب النيتروجين مضبوطة ..
واخيرا ارجو توضيح المدة التى تركت الاطارات فيها حتى نزل الضغط الى 24 هل هى ايام ام اسابيع ؟؟؟
اشكرك وفى انتظار ردك

ايه سبب ان الكاوتش بتاع العربيه يمسح من الداخل يعني الي ناحية العربه من الداخل
وللعلم هما الفردتين الي في الامام فقط فكرت وبدلتهم بالخلفيتين وبرده ظهرت نفس المشكله العيب في ايه مع العلم ان الي قال لي علي هذا الموضوع هو بتاع ضبط الزوايا وقال لي قبل ما تغير الفرد اكشف علي العربيه علشان ما يمسحش تاني

بشمهندس نجاد كل سنة وانت طيب_معايا فيات ١٣١ عايز اعرف ايه هو المقاس المناسب وسعره في بريدجيستون بحيث يكون الاطار مالوش صوت؟

انت فين

المشاركة الأصلية كتبت بواسطة bassemforever

انا معاك فى كل ال قلته وعارف انه بياثر وانا فى عربيتى القديمة كنت عادى بخلية 30 زى الكتلوج لكن العربية دى للاسف مع انها جديدة عفشتها رياضية وناشفة و انا عارف ان الصح انى امشي حسب الكتالوج 32 بس انا عارف من الناس بتوع العربيات النقل انهم ميكونوا محملين بيعملوا ضغط عالى ميكونوا مفيش حمل زى حلاتى كدة شاب ومش متجوز :) بيهوا الكاوتش على اقل شوية لان مفيش حمل فانا كنت عايز اعرف اقل ضغط ممكن يتمشى علية من غير مياثر جامد على الاطار او يبوظه انا فاهم انى غلط بس العربية بتاعتى حالة خاصة بتبقى مزعجة جدا يعنى عايز اقولك انت لو فى عربية مثلا لانسر بومة وعامل الكاوتش على 35 مش هتوصل للصوت الى عندى انا 28 وصوت رزعة مع ان العفشة سليمة فكنت عايز اعرف ان الضغط الموصى به 32 فى الكتالوج لو انا خليته 26 هيبوظ جامد ولا بس هيقلل عمر الافترضى بنسبة بسيطة و مش فارق معايا يستهلك بنزين والثبات لانها ثابته جدا علشان العفشة ناشفة

الاستاذ باسم بعد التحية اذا انت عاوز نغير الضغط او تنزله اقل من المنصوح به يبقى لازم حضرتك تعرف ما يلى :-
1- وزن السيارة 2- وزن الركاب 3- الضغط المطلوب للاطار لحمل هذة الاوزان مجتمعة

المشاركة الأصلية كتبت بواسطة hasbalah

ايه سبب ان الكاوتش بتاع العربيه يمسح من الداخل يعني الي ناحية العربه من الداخل
وللعلم هما الفردتين الي في الامام فقط فكرت وبدلتهم بالخلفيتين وبرده ظهرت نفس المشكله العيب في ايه مع العلم ان الي قال لي علي هذا الموضوع هو بتاع ضبط الزوايا وقال لي قبل ما تغير الفرد اكشف علي العربيه علشان ما يمسحش تاني

العضو العزيز يجب مراجعة الزوايا اولا

المشاركة الأصلية كتبت بواسطة a.saad;38719605[size=2

- [/size]09]باشمهندس نجاد
كل عام وانت بخير
انا ان شاء الله هشترى جنط حديد وعندى مقاسه فى الكتالوج
ممكن اعرف المقاس بيكون مكتوب فين على الجنط
وازاى اعرف انه جديد او مستعمل

مقاس الجنط بيكون محفور عليه فى الخلف اما موضوع قديم او جديد يجب ان تتعامل مع مكان تثق فيه ويكون مشهود له بالنزاهة والامانة

المشاركة الأصلية كتبت بواسطة tabeb

بشمهندس نجاد كل سنة وانت طيب_معايا فيات ١٣١ عايز اعرف ايه هو المقاس المناسب وسعره في بريدجيستون بحيث يكون الاطار مالوش صوت؟

المقاس اما 165ار13 او 185/70ار13 والسعر 281 و 330جنية على التوالى