السلام عليكم و رحمة الله و بركاته
أولاً ألف شكر للمهندس نجاد على وقته الثمين.
ثانياً انا عندى شكوى من فرع بريدج ستون شرم الشيخ تتلخص فى :
انا ساكن فى دهب يعنى لما بحب أعمل اى حاجة فى الكاوتش بروح شرم الشيخ 100 كيلو رايح جاى المهم كنت فى شرم من حوالى شهر و قلت لما اعدى على التوكيل ابص على العجلة الشمال اللى قدام لأنها بقالها يومين بتريح و لما بمشى بيها بترجع كويسة تانى
المهم الفنى كشف عليها أول مرة و قالى سليمة مفيهاش أى حاجة قلت له مستحيل فكشف عليها تانى المهم وجد عدد 2 خرم صغيريين جداً
فقالى الفردة دى منملة و عايزة تتغير (40000 كيلو ) و النقشة دى مش عندى فلازم تحط لها داخلى فقلت له حطلى فردة داخلى فرد عليا و قالى مش موجودة روح هات من محطة البنزين اللى جمب التوكيل و فعلاً روحت اشتريتها ب 75 جنيه و ركبها و قالى حط الفردة دى استبن و خد الأستبن الجديد و حطه فى الفردة الشمال ورا و حط الشمال ورا قدام شمال.....
المهم رجعت دهب و خليت بتاع الكاوتش بتاعى يرجع كل حاجة لأصلها و لحم الفردة المنملة بلحام عادى ( و اديته الداخلى هدية ) و رجعت الاستبن مكانه
و الحمد لله الفردة تمام و نزلت بيها القاهرة يومين و رجعت تانى و الحمد لله مفيش مشكلة .
غير كده انا كل مرة بشحن فيها نيتروجين عمرى ما قام ساحب الهوا اللى فى الفردة؟؟؟
ثالثاً أسف على الإطالة
و انا كل اللى طالبه ان الخدمة تتحسن شوية لأن أنا ماليش بديل غير لما انزل اجازة القاهرة ( بعد 600 كيلو )
المفضلات