الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة Lion_Heart

وهل الكاوتش techno 370 و b250 بيكونوا نفس النقشة و لا فى اختلاف ؟

فى اختلاف وال B250 افضل

المشاركة الأصلية كتبت بواسطة ali_amr

الأخ الفاضل / مهندس نجاد
تحياتي
كنت بأسال على ضغط هواء الكاوتش ...بريدجستون b 250 ... 15/185/65... انا عملته نيترو الاربع عجلات على 30 ... وبعدين عرفت انه مكتوب على الاستيكر اللى جانب باب السائق فبصيت لاقيته قدام 33 والخلفى 30 ...
السؤال بقى هل فيه مشكلة لو فضلت على 30 قدام وورا ؟؟ وسؤال كمان ايه الفكرة فى كده ان يبقى قدام 33 وورا 30 هتفرق فى ايه ؟ وهل ده يؤثر على الكاوتش او على العفشة مع العلم انى مستريح على الوضع الحالى (كله 30) لكن هل له تاثير ضار؟؟
وآسف على الاطالة وجزاكم الله خيرا

الاخ العزيز على.. سبق الرد على سؤال مشابه ولكن لكى لا اطيل عليك يجب اولا ان نضع فى اعتبارنا ان الشركة المصنعة للسيارة هى الوحيدة التى لها الحق فى تحديد مقاس وضغط الاطارات للسيارة التى صممتها وصنعتها.. وتحدبد الضغط يكون حسب دراسة الاحمال والاوزان الواقعة على كل اطار ولذا يكون فى الامام اعلى من الخلف فى حالة معينة وعند اختلاف الاحمال ممكن ان يرتفع الضغط الخلفى ليزيد عن الامامى مثلا. وطبعا اذا كنت مستريح فى وضع معين قد تكون الاطارات غير مستريحة لأن فى الأساس أن الإطارات هى عبارة عن وعاء يحتوى الهواء ويحتمل اوزان معينة عند تزويده بضغط معين وفى حالة انخفاض الضغط عن الرقم المنصوح به قد لا تستطيع الاطارات حمل الأوزان مما يؤدى الى انهيارها وحدوث تآكل غير منتظم وارتفاع فى درجة حرارة الاطار مما يؤدى لانفصال بين طبقات المطاط ومقاومة اعلى للدوران مما يؤدى لاستهلاك وقود اعلى ومناورة ضعيفة جدا... وبالعربى كده ضمار شامل للاطارات

المشاركة الأصلية كتبت بواسطة ahms10

السلام عليكم
استفسار من مهندس نجاد هل اى نوع بريدج استون يبانى هوا gr80 ام لا
لانى تاجر زميل عارض عليا بريدج استون بسعر كويس اوى وقالى انوا يبانى بس هوا مش عارف هل هوا gr80 ولا لا وانا عارف انى gr80 مقاس 14-185-65 بسعر 480 للفردة
رجاء اخبارى للتاكد لانى سمعت انوا الكاوتش دا ممتاز ويا ريت راى حضرتك فى الكاوتش دا بالمقاس دا لعربية لانسر 1300 بومة

النقشة GR80 مصنعة فى اليابان وهى ممتازة وارجو مراجعة راى فى هذه النقشة فى ردود سابقة

المشاركة الأصلية كتبت بواسطة yaserbasha2000

مهندس نجاد الف شكر علي الموضوع الرائع

انا هاغير طقم الكاوتش في عربيه كرولا 97 المقاس اللي راكب بالعربيه 175/70R13
ايه الانواع المتاحه من بريدجستون و اسعارها وياريت لو ياباني وترشح اي نوع انا اغلب الوقت داخل المدينه و في السفر اخري 110 km/h

برجاء مراجعة الرابط
http://www.nilemotors.net/Nile/31221...post3872485477

المشاركة الأصلية كتبت بواسطة sh23

الأخ الفاضل / مهندس نجاد
تحياتي...
عند مطالعة بعض المواقع المتخصصة في المقارنة بين أنواع الإطارات المختلفة
توجد بعض الرموز التي إستطعت فهم بعضها مثل رموز السرعة ؛ ورموز الحمولة ؛ والأرقام الدالة علي مقاس الإطار والجنط
........ أما ما لم أستطع فهمه فهو رمز (utqg) ؛ فعن ماذا يعبر هذا الرمز ........
ولك خالص التحية والتقدير

الاخ العزيز .. آسف لتأخرى فى الرد على سؤالك ولكن هذا الموضوع محتاج قليل من التركيز حتى استطيع شرحه... ولنبدأ بتعريف UTQGS Uniform tire Quality Grading System ومعناه نظام الدرجات المتوازن لتحديد جودة الاطار وهو يطبق على الاطارات المصدرة للولايات الامريكية وهو يتكون من ثلاث معايير او مؤشرات
1- Treadwear تآكل المداس وهو بحدد معدل تآكل الاطار فى المعمل مفارنة باطار آخر
2- Traction التماسك وهو قياس نسبى للتماسك على الطرق فى حالة الفرامل على الطرق المستقيمة والمبتلة واعلى تقدير AA ثم A ثم B والادنى C.
3- Temprature درجة الحرارة وهو قياس نسبى لمدى مقاومة الاطار لتولد الحرارة واشعاعها بالقياس فى ظروف معمليه خاصة و تكون الدرجة الاعلى A ثم B ثم الادنى C.

وجميع الدرجات المذكورة فى التقييم اعلاه مقبولة فى الولايات المتحدة
أرجو ان اكون استطعت الايضاح وشكرا

باشمهندس نجاد
انا سالت النهارده عند محل كاوتش في المحله علي مقاس 175-70-13 لقيت بريجستون اندونيسي b250 انتاج يوليو 2007 قالي ب 265 الفرده

هو ده مخزون ولا كويس و اجيب لحد تاريخ انتاج امتي

الكاوتش ده متخزن ياباشا بقاله اكتر من 2ونص سنة لو تاخده ب1/2 سعره الطبيعي يبقي ماشي....غير كدة نصيحتي ماتاخدوش....ونسمع راي المهندس نجاد.

المشاركة الأصلية كتبت بواسطة yaserbasha2000

باشمهندس نجاد
انا سالت النهارده عند محل كاوتش في المحله علي مقاس 175-70-13 لقيت بريجستون اندونيسي b250 انتاج يوليو 2007 قالي ب 265 الفرده

هو ده مخزون ولا كويس و اجيب لحد تاريخ انتاج امتي

اسف اقصدي يوليو 2009

اه كده يعتبر مش قديم قوي.....لغاية 6 شهور ممتاز وكل مابعدت كل ماقل عمر الكاوتش الافتراضي الي هايعيشه الكاوتش معاك ده غير كفاءته....انا رديت في الاول علشان التاريخ الي كنت كاتبه مايختلفش عليه 2 انه متخزن وده رايح من عمره وكفائته.... مهما اتقلك متخزن كويس.