الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة hobiko

طيب يا فندم ماتعرفش حد في اسكندرية بيملا نتروجين بالطريقة الصح و أكون شاكر ليك جداً ؟

بص انا مجربتش حد بالاخص لكن انت شوف اى حد بيعمل الموضوع ده واسأله الاول بيسحب الهوا ولالا
بس انا اعرف صادق الى فى دوران محمد نجيب فى شارع جمال عبد الناصر ده عنده نيترو وبشوف عربيات جااااااااامده جدا بتقف عنده اكيد بيظبط كويس ولا الناس دى مكانتش وقفت عنده

المهندس نجاد بقاله كتير مش بيرد
أن شاء الله يكون المانع خير

المهندس نجاد بقاله كتير مش بيرد
أن شاء الله يكون المانع خير

فعلا يارب المانع خير

سكوووووووووووووووووووت تام

شكرااا للموضوع الهام
ربنا يوفق

المشاركة الأصلية كتبت بواسطة thefirst2005

61 خابور للاربع كاوتشات فى سيارة ماتيريا ... فى ساعة واحدة

عاجل الى المهندس نجاد (جزاك الله عنا كل خير)ز

السلام عليكم

حصلت معايا مشكلة بايخة جدا وانا هكتبها عشان الناس تاخد بالها ما يحصلهاش اللى حصل معايا.
اتناء رجوعى الى المنزل مع زوجتى من المستشفى حيث انها كانت مريضة وكنت انا وهى فى غاية الارهاق نتيجة ما حدث لها، حدث الاتى:
1-بعدى على مطب فى الشارع ، فؤجت بواحد بيقولى العجلة نايمة فهديت عند اول محطة بنزين قابلتها عشان فيها ورشة كاوتش، وطلبت منة فحص الكاوتش من غير ما انزل من السيارة من كثرة الارهاق والضيق لما حدث لزوجتى. ([OVERLINE] بعد كدة عرفت ان الراجل اللى قالى العجلة نايمة تابع لورشة الكاوتش).[/OVERLINE]

العضو العزيز.. ردا على السؤال الاول هذا ما تم نشره سابقا أرسل أصلا بواسطة MoToRiZeR
استاذ نجاد كنت عايز أعرف ايه هي خطورة عمل ما يسمي بالخابور إذا دخل مسمار في العجلة و هل هو كويس ولا لأ .. و هل اللحام العادي الداخلي اللي بيتلزق ده أمن ولا لأ .. و لو الواحد عنده عجلة أو أكثر ملحومين و فيهم خوابير يقدر يعمل فيهم إيه ؟ فيه طريقة لتصليحهم إذا كان هذا النوع من المعالجة غير فعال و أمن ؟

بالنسبة للخابور السريع كما يسمونه فى مصرنا الحبيبة والذى يستغله الاسطى بلية بشكل احترافى فى النصب على المصريين وايهامهم بوجود اكثر من خرم ومن الممكن ان يصل عدد الاخرام الى 14 وزياده حسب سرعة وخفة يد بلية فى تخريم الاطار وادعاؤه بوجود زجاج نتيجة حادث هو الذى سبب الخروم وربنا يكون فى عوننا عليهم، فانا من هنا انصح جميع رواد المنتدى ان فى حالة حدوث اى انخفاض فى ضغط اى اطار يقوم بتزويده فقط بالهواء أو بتركيب الاستبن ثم التوجه لاقرب فرع FIT&FIX بريدجستون للكشف واصلاح الاطار بشكل سليم وصحيح... ولنعود للموضوع الاصلى الخابور السريع ما هو الا اصلاح مؤقت وليس دائم وهو يستخدم لاصلاح منطقة المداس فقط وليس كما يدعى بلية بانه اصلاح دائم وفى اى مكان من الاطار، اما بالنسبة للاصقة (البطشة) او الرقعة الداخلية فيجب العلم ان هناك نوعية منها مخصصة لاصلاح الداخلى فقط (الشنبر) وهناك نوعية مخصصة لاصلاح الاطار التيوبلس الخارجى وهى بالطبع اقوى من الاولى وللاسف الشديد يقوم بلية باستخدام الاولى فى الاصلاح للاطارات لرخص ثمنها وممكن لجهله بوجود الثانية. على العموم اصلاح الاطارات يجب ان يتم فى مكان تثق فيه ومجهز تجهيز جيد والفنيين به مدربين جيدا. بالنسبة لاصلاح القطوعات فى جانب الاطار فللاسف الطرق المطروحة حاليا ليست جيدة وغير آمنه ونحن لا نقوم باصلاح القطوعات بجانب الاطارات بفروعنا ولكن نقوم باصلاح الثقوب او الخروم الناتجه عن المسامير او الاشياء الحادة فى منطقة المداس فقط بتكنولوجيا المانية لشركة متخصصة فى تصنيع كل ما هو متعلق باصلاح الاطارات من ادوات ومواد وما نستعمله يسمونه مينى كومبى وهو عبارة عن توليفة من الرقعة (البطشة) والخابور وهو مصنع من المطاط بالكامل ويتم تركيبة من داخل الاطار للخارج ويقوم بسد الثقب من الداخل بقاعدته التى تشبه الرقعة وجذعه يقوم بسد الثقب الحادث من المسمار بمداس الاطار فبذلك نضمن ان الثقب سد من الداخل ومن الخارج ولا مجال لدخول اى شئ من الخارج لداخل الاطار وكذلك يقوم ضغط الهواء بالضغط على القاعدة فيحكم غلق الثقب من الداخل ويمنع تسرب الهواء من الاطار عكس ما يمكن ان يحدث فى حالة الاصلاح بالخابور. ويوجد من هذا المينى كومبى مقاسات حسب قطر الثقب من 3مم الى 6مم لاطارات الملاكى. واذا كان لديك اطار به خوابير يفضل تبديلها بالمينى كومبى حسب تعليمات الشركة الالمانية فكما اتفقنا ان الخابورالسريع حل مؤقت لحين استخدام الوسيلة الدائمة فى الاصلاح باذن الله
العضو العزيز هذا الرد كان فى الصفحة رقم 20 من هذ الموضوع ....... وللأسف أن الإطارات فى سيارتك وقبل المذبحة التى قام بها الاسطى بلية كانت سليمة ولا تعانى من اى مشكلة والدليل على ذلك استعمالك لها لمسافة 16000 كم بدون اى شكوى. فالنصيحة لحضرتك الا تتراجع عن حقك فى اربع اطارات بريدجستون وهى النوعية المركبة على السيارة على حساب صاحب المحطة او مستاجر الورشة ولا تقبل باى ماركة غيرها ولا تاخذك الشفقة والرحمة بهذا النصاب والذى خرب لك الاطارات الربع وهو متاكد انها سليمة وليس بها اى عيب وسعادتك لم تدوس على زجاج ولا اى شئ من هذا القبيل بل هى نصبة واشتغاله من بليه بالتفاق مع مستاجر الورشة !!!!!!!!!
لا تقوم بتغيير المقاس الا بعد الرجوع لكتالوج السيارة لو سمحت

المشاركة الأصلية كتبت بواسطة misoalex

مهندس نجاد اود شكر حضرتك على مجهودك ومساعدتك للاعضاء شكرا ليك
انا عندى سؤال هو الرصاص بالزق الى هو الداخلى ممكن يخلص من عندكم من احدى الفروع
ولنفرض انه خلص مش هو بيجبوه فى اسرع وقت ولا بتقولو للعميل منعرفش حيجى امتى والحاجات دى عقبال متيجى بتاخد اسابيع
اصل حصل معايا الموقف ده من بريدجستون انهارده الى فى اسكندريه على البحر
والجنوط يعتبر جديد والكاوتش معملش 100 كيلو يعنى مش رايحلهم بمشرحه ولا كاوتش ممسوح
انا بصراحه مقتنعتش ومتكلمتش معاهم وسبتهم ومشيت
اه وانا قولتلهم انا عاوز ارصص واحط نيترو والعامل اتكلم على الرصاص ومجابش سيره النيترو ولا قالى اتفضل اعملهولك ولا اى معامله تدل انه عاوز يشتغل فى العربيه
فياريت توضحلى بالظبط هل الانطباع الى اختده من الكلام الى سمعته ده صح ولالا
وشكرا ليك جدا

العضو العزيز misoalex يؤسفنى ما حدث معك فى فرع لوران ولكن هناك شئ واحد انا باستغرب له الا وهو ان حضرتك لم تجرى اى محاولة لكى تاخذ رد على استفساراتك من مدير المعرض او مشرف الصيانة المتواجد بالفرع واكتفيت بالرد من الفنى (العامل كما ذكرت) !!!!!!!!!!!!!!!!!!!!!!!!!!
الاعضاء الاعزاء ارجو منكم جميعا عند زيارتكم لاحد فروعنا ان يكون اتصالك مباشر مع مدير المكان او مشرف الصيانة وليس الفنى مع تحياتى للجميع