الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة misoalex

ازاى حضرتك يعنى انا داخل مكان محترم ونضيف وفى واحد استقبلنى شكله نضيف بس مش لابس اى ملابس تدل انه شغال هناك وسألنى عاوز ايه وقولتله عاوز ارصص واحط نيترو

قالى ثوانى ودخل جابلى فنى من المكتب جوه وهو قالى الكلام ده
المفروض انى اقوله لا انا عاوز المدير !!!!!!!!!!!
ازاى يعنى انا داخل مكان المفروض ان الى بيستقبل ويرد على العميل هو الـواجـــــــــــــــــــ ـــــــــــــهه للمكان وهو الى بيدينى الانطباع عن المكان كله
ازاى انا بقى اقوله انا عاوز المدير هو المدير مش حيطلع يكلم كل عميل ويقوله انت عاوز ايه ازاى يعنى
وللاسف انا سكتت لانى مبحبش اعمل مشكله او اخلى حد يشتغل غصب عنه

طب انا عاوز الحل دلوقتى اروح الفرع تانى واقولهم انا عاوز ارصص واحط نيترو ولو قالى نفس الكلام اقوله انا عاوز المدير انا على اتم استعداد انى اعمل كده
وعلى اتم استعداد انى اسجل الحوار كله وانت تسمعه وتحكم وانا واثق ان الرد حيكون زى المره الى فاتت اوشبيهه له من نفس الردود المعروفه
حضرتك قولى بالظبط انا اعمل ايه وانا اعمله انا لسه مرصصتش ولا عملت حاجه لانى مبمشيش بالعربيه كتير ومركونه معظم الوقت والعربيه مش زى العربيات الكهنه الى حضرتك بتشوفها عربيه شبابى يعنى مش رايح بمشرحه

الاخ العزيز misoalex ارجو من حضرتك زيارة المعرض مرة اخرى وطلب عمل الخدمة وكذلك طلب الاستاذ محمد عبد الرحمن (مدير الفرع) وذلك لانى ارسلت له شكواك السابقة وهو الذى طلب ان تتوجه اليه حضرتك لمعرفة من هو الفنى الذى قام بالتعامل معك سابقا وبدون اى تسجيل واحب اوضح ان نوع وماركة وموديل وسنة صنع السيارة ليس لها اى علاقة برفض العمل او قبوله فنحن لم نقم بعمل مراكز الخدمة لخدمة نوعيه معينة فقط اوعمر معين فقط من السيارات. نحن نقوم بخدمة للعملاء وسياراتهم.
اشكرك على سعة صدرك

المشاركة الأصلية كتبت بواسطة lion_heart

techno 370 ______13t/70r/175
رحت اسأل عليه النهارده قالولى ان الموديل ده معدش بينزل و ان فى مكانه b250
فهل فعلا الكلام ده مظبوط ؟؟؟؟؟
مع العلم ان الاربع فرد عندى techno 370
فهل لو عاوز اغير فردتين هينفع فردتين techno 370و فردتين b250 ولا اعمل ايه ؟
الكلام ده فى المنصورة

الكلام مضبوط وينفع تركب 2 b250

المشاركة الأصلية كتبت بواسطة lion_heart

م نجاد ايه اخبار المنصورة مع بريدجستون هل سيتم افتتاح فرع هناك ولا لسه بدرى ؟؟؟

لسه شويه

المشاركة الأصلية كتبت بواسطة domain

مهندس نجاد
تحية طيبة ....
ارجو من سيادتكم معرفة اسعار برجيستون 13t/70r/175
بلد الصنع ؟؟؟
اية الفرق بين النقشات
ارجوا الرد

المشاركة الأصلية كتبت بواسطة samaa1

بعد التحيه
برجاء ابداء الرأى بصدد شراء فردتين كاوتش لهونداى اكسنت اليوم
وشكرا

الموجود b250 اندونيسيا 295 جنيه

المشاركة الأصلية كتبت بواسطة ahmed hassan

علشان تصلح اي خرم في الكاوتش مؤقتا على ما تروح لاقرب فرع بريدجستون استعمل اللزق و بلاش الخابور لان الصنايعي بتاع الكاوتش بيوسع الخرم علشان يبقى على قد الخابور.. و بيقطعلك السلك بتاع الكاوتش و يبوظه و وقتها مش بينفع خابور لان الخرم بيكون اصبح كبير.

بالنسبة للخروم الكبيرة القطر للاسف لا يوجد لها حل عندنا فى الوقت الحالى ونحن بصدد ايجاد حل لهذة المشكلة فى القريب العاجل ان شاء الله ويفضل عمل لحام مكواه لسد الخرم من الداخل والخارج

المشاركة الأصلية كتبت بواسطة negad

بالنسبة للخروم الكبيرة القطر للاسف لا يوجد لها حل عندنا فى الوقت الحالى ونحن بصدد ايجاد حل لهذة المشكلة فى القريب العاجل ان شاء الله ويفضل عمل لحام مكواه لسد الخرم من الداخل والخارج

يا ريت يا بشمهندس لغايه ما الحل المثالى يتوفر فى بريدجستون يبقى فيه حل المكواه متاح فى بريدجستون عشان أنا بصراحه فاقد الثقه فى كل ورش الكاوتش لأن معظمهم ( الا من رحم ربى ) ناس مش كويسه

المشاركة الأصلية كتبت بواسطة negad

الاخ العزيز misoalex ارجو من حضرتك زيارة المعرض مرة اخرى وطلب عمل الخدمة وكذلك طلب الاستاذ محمد عبد الرحمن (مدير الفرع) وذلك لانى ارسلت له شكواك السابقة وهو الذى طلب ان تتوجه اليه حضرتك لمعرفة من هو الفنى الذى قام بالتعامل معك سابقا وبدون اى تسجيل واحب اوضح ان نوع وماركة وموديل وسنة صنع السيارة ليس لها اى علاقة برفض العمل او قبوله فنحن لم نقم بعمل مراكز الخدمة لخدمة نوعيه معينة فقط اوعمر معين فقط من السيارات. نحن نقوم بخدمة للعملاء وسياراتهم.
اشكرك على سعة صدرك

الف شكر انا بشكرك بجد على اهتمامك
ولكن انا كنت داخل دلوقتى اقول لحضرتك انا رحت امبارح 22/3 الفرع بتاع سموحه بالرغم من انه مش مشهور اوى ولكن عرفت اوصله
والمعامله هناك كويسه جدا وناس محترمه جدا جدا وفيه موظف فى الاستقبال هناك طلع معايا وقال للعمال يعملو ايه و يارتنى مرحت فرع لوران من الاول
وانا حكيت للمسؤول عن فرع سموحه عن الى حصل فى فرع لوران وقالى معلش اعزرهم هما هناك الضغط عليهم شديد وهما للاسف مبيقدروش يهتمو بكل الناس لكثره الشغل (مع ان والله والله ساعه مروحت مكانش فيه غير عربيه واحده هى الى شغالين فيها فى فرع لوران وكانت عربيه bmw )
انا بجد بشكر حضرتك بشده على الاهتمام

بس انا عندى استفسار هما لما حطو نيتروجين فى العجل مسحبش الهواء من العجل ولكن فرغه وهى واقفه وحط شويه نيتروجين وبعدين فرغها تانى شويه وبعدين ملاها وظبط الضغط
انا مش مقتنع ده صح ولالا بس انا قولتله هو مش لازم تشفط الهوا قالى لا كده عادى
هل ده صح ولا لا

وشكرا مره اخرى

وهل الكاوتش techno 370 و b250 بيكونوا نفس النقشة و لا فى اختلاف ؟