الموضوع: نسبة الانضغاط للمحركات الموجودة بالسوق و البنزين المناسب

المشاركة الأصلية كتبت بواسطة horas3000

طمنت قلبي الهي يطمن قلبك
و انا بصراحه ناوي اكمل مع ال 95 حتي لو غلي
و اديك بتقول انه هيغلي حاجه بسيطه و ده شيئ كويس
الواحد بس حب يطمن لو الدنيا زنقت و اضطريت احط ال 92

الموتور اللى أكبر من موتورك اللى هو V6 3800cc بيطلع 250 حصان تقريبا..
هو ده اللى لااااااااااااااازم وأساااااااااااسى 95 أقل حاجة!!
وأعتقد بينزل فـ الخليج بس، عشان عندهم premium و super-plus الـ97-98

طب طالما هيرفعوا الدعم عن ال 95 بقي و هيبقي سعره عالمي
ميكملوا جميلهم و ينزلوا ال 98 و اهو عالمي بعالمي بقي
و اهو يبقي بنزين الطبقه الفوق مترفه و الناس تلاقي فئه جديده تنق عليها ههههه

هههههههههههههههههههههه
98 فـ مصر؟؟!!!
طب ياريت، مش عشان أحطه على طول .. بس أهو الواحد يجربه مرة من نفسه؟!!
- مواتير الفيات-أبارث T-JET الـ150 حصان، بيقولك: 155 حصان مع 98RON
- ومواتير الفولكس-TSI الـ158 حصان، بيقولك 163 حصان ببنزين 98RON برضه
دا غير فروق العزم مش فاكرها (بس كبيرة)!!

المشاركة الأصلية كتبت بواسطة hellboy

حمد الله ع السلامه يا فورملاتور...
انا موتوري نسبه انضغاطه 10,5
سنجل كام -اس بي اي
بمون علطول 92 ,
جربت مره تفويله 95
العربيه جالها اسهال جريييي

الله يسلمك يا فادى باشا،
هو الـSingle-point injection والـSOHC هيخلى الموتور أقل حساسية للأوكتان.
يعنى 92 زى الفل،
شوف: كل ما التعقيد زاد (DOHC 16v) و VVT و Dual-VVT ووو...etc، كل ما تطلب هاى-أوكتان.

وعربيتك بتجرى مع الـ95 طبعا عشان الموتور بيقدر يستفيد من الـCompression ratio العالية 10.5:1
- اللى ما بيحققهاش مع 92 للأسف!

المشاركة الأصلية كتبت بواسطة 1.8Tee

على فكرة كذا واحد يقولى نفس ردك....لما تحط توربينة اكبر..
لية منستخدموش مع مواتير stock ؟ انا مش عاوز tune/map تبقى aggressive و يبقى فى فرق hp جامد والكلام دة.
انا بقكر عشان استخدمة مع ال 92 بدل ال 95 .....

ماهو كله هيقولك كده عشان دى Rule of Thumb فـ تيون المواتير!!
دلوقتى:
إحنا بنحقن MW50 ليـــــــــــــــه؟؟
- مواتير Super/Turbocharged بـ Aggressive Tune زى مانت بتقول،
عشان يقدر يرفع الـCompression-Ratio بأمان من غير حدوث detonation/knock

يعنى: كأنه حاطط Race-gas الأوكتان بتاعه 110-116

- صديقى التيونر الجريكى الشهير -بجد مش أرسطو- ههههههههههههههه (ومعدل عربيات هنا فـ مصر على فكرة)

أنا ماشوفتوش عاملها إلا فـ عربيتين، والإثنين Heavily-Tuned ومغيرين internals!!
واحدة جراند-بونتو Abarth موتورها T-JET مطلعة 350 bhp
والثانية جولف6 GTI موتورها TFSI مطلعة 400+ حصان - 360 whp تقريبا..!

تعالى انت بقى.. أنا فاهم فكرتك: هترفع RON الـ92 بنفس الطريقة، ونظريا.. هيبقى أحسن من الـ95.. تمام
لكن عشان يبقى الكلام ده Cost-Effective، وتستفيد منه.. لازم موتورك (الستوك) يبقى:
- الـCompression-Ratio فوق الـ11.0:1 مثلا
- أو Turbocharged مشحون بضغط جامد؛ فاتح بوست 16-20 psi مثلا..؟!!!

(وده مابيحصلش؛ معظم العربيات الستوك أقل من 11.0:1 والتربو الستوك من 0.6-1.3 بار وفـ الـOverboost-mode كمان)
وتقدر تراجع كل العربيات التربو الموجودة فـ مصر: الشيروكو والبرافو 150 والـ118i والـC250 CGi.

غير كده يامعلم:
دا انت ممكن يحصل حاجة أسوأ لو حقنت Water/Meth فـ موتور مش مستاهل:
أصلا هيعمل تبريد جامد جدا للـintake-charge، وممكن يقلل كفاة الحريق جامد..
ويخلى الـcombustion process مش Efficient وعربيتك هتـrun-rich وترمى بنزين بغباء

- من الآخر: لازم موتور Heavily-loaded مضغوط بـ شحن توربينى عالى أو بيـrun بـCompression-ratio عالية عشان يستفيد من MW50-injection

لو مش كده يبقى هدر فلوس فـ الأرض
(إسأل كده عند حماده غزى أو عادل وجدى على سعر الكيت، وشوف التانك الـ1/2 جالون بيتملى بكام)؟!!

المشاركة الأصلية كتبت بواسطة formulator

الموتور اللى أكبر من موتورك اللى هو v6 3800cc بيطلع 250 حصان تقريبا..
هو ده اللى لااااااااااااااازم وأساااااااااااسى 95 أقل حاجة!!
وأعتقد بينزل فـ الخليج بس، عشان عندهم premium و super-plus الـ97-98

ياااااااا نهااااااار ابيض
و هو انت كل ده بتتكلم عن ال 3.5

انا متوري ال 3.8 يا ريس

كده الكتالوج صح الصح
و راحت الامال اللي حطيطها
و i am stuck كده لل 95 و امري لله




هههههههههههههههههههههه
98 فـ مصر؟؟!!!
طب ياريت، مش عشان أحطه على طول .. بس أهو الواحد يجربه مرة من نفسه؟!!
- مواتير الفيات-أبارث t-jet الـ150 حصان، بيقولك: 155 حصان مع 98ron
- ومواتير الفولكس-tsi الـ158 حصان، بيقولك 163 حصان ببنزين 98ron برضه
دا غير فروق العزم مش فاكرها (بس كبيرة)!!

ال 98 ده محكيلكش عليه حاجه لوز العنب
مكنتش بحط غيره في الكايين و ال s
و يوم ما اوفر و احط ال 95 احس العربيه هتشتمني