الموضوع: اللى يقول الألنترا عربيه وحشه ... اقوله اصحى :)

المشاركة الأصلية كتبت بواسطة mohab.nabil

و الله هى عربية مش وحشة .. هى حالها زى كل حال العربيات فى الفئة ديه يعنى متزيدش عنهم حاجة و لا تقل عنهم فى حاجة .. ليها مميزاتها و ليها عيوبها .. عموما كل واحد بيختار اللى يناسبه و يحقق اللى محتاجه و ده مش عيب حتى لو جبت عربية قديمة بس بتقدملك اللى انت محتاجه .. بالتوفيق لكل مالكيها ان شاء الله و ربنا يباركلهم فيها

المشاركة الأصلية كتبت بواسطة 2code

ايه يا جماعة اهدوا شويه على ايه كل ده

العبره مش بالماركة مليون مره اقولها اذا عربية عجبتك مميزاتها وسعرها وتوكيلها كويس او حتى يعتبر كويس والعربية مريحاك خلاص يبقى هو ده طلبك

انما مش معنى ان عربية عملتها امريكا او المانيا حتى لو سيئة احنا العرب والمصريين بالاخص هنقول عليها ياسلام رووووووعة كانت فين العربية دي

وده اللي جايبنا ورا :(

ياحضرات العبره بالتجربة العبره بأعجابك بالعربية العبره بأنها هل تناسبك بالسعر والمميزات والجوده هل كل ده يحقق المعادلة الصعبة عندك ؟

ما تعالا للـtoyota اكتر ناس بتسحب عربياتها بسبب عيوب الصناعة صح ولا لأ ؟ واكتب في جوجل وشوف
وغيرها كتير لو بدأنا ندور لان العبره مش بالصناعة او بلد المنشأ او الفئة السعرية وده اللي عايزين نقوله

خلاص خلونا نتحرر بقى من جهلنا ايام زمان ونقول الغالي تمنه فيه والامريكاني والالماني والحاجة الكويتي نضيفه

خلاص ننضف مخنا شويه ونبدأ نقتنع بالحاجة لما نشوفها ونجربها ونقارن بين الاشياء في ادينا بلاش كلام زمان ايام جهلنا احنا عايزين نتغير

وياريت منحولش الموضوع لمضايقات شخصية هي كانت شركات اهالينا ؟ المكسب ليهم والخسارة ليهم المهم انت تاخد جودة ليس الا

والله المستعان

المشاركة الأصلية كتبت بواسطة 3ateef

السادة الاعضاء الكرام, شكرا على الموضوع غير الهادف والردود غير الهادفة والنقاش الطفولى والاراء الخيالية الفاجرة.

دا كلام الناس العاقلين

الالنترا ولا احسن عربيه ولا اوحش عربيه زيها زى غيرها ليها عيوبها ومميزاتها , اللى عاجبه يشترى واللى مش عاجبه براحته , اللى اشترى وبيحب عربيته ربنا يباركله فيها وتبسطه كمان بس مش لازم يحسسنا انها احسن عربيه فى الدنيا , وفى نفس الوقت اللى مش عاجباه مايحسسناش ان اللى اشترى مبيفهمش وبيقلد وسياسة القطيع والكلمتين دول

ياريت نقفل على كدا عشان الكلام مش هايجيب نتيجه