الموضوع: أول سنة حياة وظيفية - سيرة ذاتية

كملييييييي يا علاااااااااااا

المشاركة الأصلية كتبت بواسطة Noha-M

لعلمك يا علا فعلا عندك حق مليوون فى المية فى موضوع انك تفصلى شوية ال grammer عن تعليم اللغة نفسها.. انا افتكر زمان والله و انا صغيرة كانت مامتى بتذاكرلنا الانجلش انا و اخويا و لكى ان تتخيلي ان مامتى اصلا كانت مدارس فرنساوى فنطقها كان ضايع :biggrinjester: . و كانت تفضل ماسكة ال grammer دة و تعيد و تزيد فى he is و she is و you بتاخد are :biggrinjester: كان والدي الله يرحمه يفضل يمسكها تريقة على نطقها و طريقة الكتاب اللى بتذاكرلنا بيها و هو اصلا تربية فيكتوريا كولدج فالاكسنت بتاعته british اوى و كان يفضل يقولها يا ستي سيبي القواعد و النحو اللى انتى ماسكة العيال بيه دة !! كان مستغرب موووووت من he بتاخد is دى !!!! :biggrinjester:فعلا افصلي القواعد و ابتدي اتكلمى بعيدا عن اى قواعد و كله هيظبط

بجد برافو عليكي يا علا :)

ربنا يخليلك ماما و يرحم بابا يا رب :)

انا عملت الطريقة دي و قلت أجربها ما دام الناس مش مستجيبة للكتاب و الشريط.. متهيألي لو كنت استمريت فيها كانت هاتجيب نتيجة.. الله أعلم.

متابع و مستني ال-Climax بتاع القصة كلها ....(مزيدا من التشويق)
علا باشا ....يا تري لسه على اتصال بأي حد من الولاد بتوع الحضانة ....أنا لغاية دلوقتي فاكر مدرسين و مدرسات كتير من الفترة ديه و نفسي أقابلهم

المشاركة الأصلية كتبت بواسطة aif

انت تقصد ايه بالظبط يا شيكو ...... انا ملاحظ ان صورة الاولاد بتوع الحضانة فيهم واحد شبهك بالظبط .......لأ يا جماعة مش معقول ... هو مين إمتى فين سنة كام .... دي اكيد تخاريف من الجوع ... هو العشا ايه النهاردة

أحمد باشا يا قمر ....مش بقولك توأمي ..أنا كده برضه لما باجوع ممكن اركب أي قصة في أي حدوتة ....يالا أتعشي بقى بالهنا و الشفا قبل ما علا ترجع و تشوف المشاركات ديه و غالبا فيها رفت اسبوعين لينا احنا الاتنين :biggrinjester:

قصه جامده مشوقه فيها كوميديا عاليا أوووووووووووووي

مستنين الأجزاء الجايه و ربنا يوفق الجميع في شغله يارب ........