الموضوع: ذكريات مؤلمه صحصحتها مواقف مخجله (الحب من ابتدائي)

المشاركة الأصلية كتبت بواسطة 3mr farrag

بس المدرسه الصراحه كنت بتخنق منها
روتين ممل كل يوم لازم تعمله...
غير حاسس ان الواحد وهو صغير الصحيان بدري من بعد الفجر و النزول في عز البرد...كان متعب جداااا
واحساس الواحد رايح السجن واحساسه و هو طالع من السجن
ايام كان فيه الحلو اللي هي مش شايل مسؤليه حاجه و مش فارق معاك حاجه
بس شايل هم المدرسه و المذاكره و الواجبات

ده احساس الجيل كله بقه ههههههههههه :b4_039:

المشاركة الأصلية كتبت بواسطة amr.elsayed

اههههههه كانت ايام حلوة طبعا يا شنورى ححكيلك على حوار
مرة فقعت مُدرسة الانجليزى فقعة تمام علشان مش بعمل الواجب بتاع الانجليزى مع انى كنت شاطر جدا فيه فهى كانت مخنوقة منى
وفى مرة عملتلى كارت ارهاب انها حتمدنى امام الفصل وطبعا انا اترعب رعب السنين من هول التصريح
حتمد على رجلى من واحدة ست !!!! وكمان امام الفصل !!! يا فضيحتك يا رينجو
المهم بنت واحدة صاحبة الحاجة كانت معايا فى نفس الفصل الله يباركلها عملت معايا واجب و اعطت لى كراسة الواجب انقل منها
خلصت الواجب وتمام التمام وعلمت الكراسة كلها بالاحمر ونقلت نفس الامضاء بتاعت المدرسة وعملت احلى كراسة واجب
بس كان جوايا حقد وغل من ناحية الاستاذة اللى كانت بتخوفنى من الواجب الفاشل بتاعها دة .. روحت رايح لابويا عملتلوا فلم هندى
احم احم بابا فيه واحدة بتضربنى وحتموتنى وعقدتنى وووو بتقول ان انا مش بعمل الواجب و خليته يشوف الكراسة متعلمة ومتظبطة والمُدرسة ذات نفسها عملالى نجوم هههه
ابويا ازبهل من اللى بيحصل وتانى يوم جالى المدرسة .. وبعتوا جابونى من الفصل عند المدير .. دخلت لاقيت ابويا ماسح بمدير المدرسة الارض
(ما يعرفش انه مفقوع معاهم) ههههه
و المُدرسة عند المدير بتعيط وقاعدة بتكلم نفسها و المدير حولها للتحقيق ههههه .... طبعا انا الموضوع دة كان حاجة مريبة بالنسبة لى
لان انا لو اتكشفت ابويا حيعلقنى على باب البيت وحكون عبرة لمن لا يعتبر ههههههههه ولحد دلوقتى ابويا مش مصدق ان انا اشتغلتوا هو والمدير والمُدرسة ههههههه
سامحنى يا رب

ايه ياعم الشر ده كله ده انت ولا المليجى فى زمانه ههههههههههه

المشاركة الأصلية كتبت بواسطة mostafa.mahran

اجمل اللحظات كانت بعد اخر امتحان و خلاص هناخد اجازة اخر السنة

وفجاءه تصحى الصبح تلاقيها خلصت وتزعل اوى

المشاركة الأصلية كتبت بواسطة friendship7897

أنا فاكرة مواقف كتيرة منها عادية ومنها عاطفية
1) نبدأ بالعادية لما كنت في رابعة أبتدائي - ميس الدين قالت لنا : يلا نتوضى علشان الصلاة ، وأنا بتوضى وقع مني الخاتم في الحوض - قاعدت أعييط - أعييط لاغية لما الميس جت وأنا بعيييط ، لاغية لما وكيلة المدرسة جت ، وأنا بعييط لاغية ما ناظر المدرسة جه ( علشان مدرستنا كانت مشتركة حتى الثانوية العامة ) فكان الناظر راجل ، وأضطروا يطلبوا سباك بسرعة علشان يفكوا الحوض ويلحقوا الخاتم ، والحمد لله تم العثور على الخاتم في كوع الحوض ، راحت المدرسة والوكيلة والناظر بصوا لي حتة دين بصة - فقلت لهم أيه ؟ :copy of new: أصل كان الخاتم أكسسوار مش دهب :pointiy2[2]: .
فاصل ونعود للمواقف العاطفية :copy of makeup:

هههههه ده مقلب جامد