ذكريات مؤلمه صحصحتها مواقف مخجله (الحب من ابتدائي)

**AirForces** · 27-12-2012 07:58 PM

اول يوم ليا فى المدرسة العيلة كلها كانت بتحاول تقنعنى اروح وانا طبعا مفيش لأنى كنت فى حضانة قبل المدرسة وخدت عليها بقا وانى اتنقل لمكان جديد كان حاجة مستحيلة .. امى وابويا وعمتى جم معايا وقعدوا يحاولوا يمهدولى الموضوع واحنا هنروح مكان جديد حلو ورحلة هتقعد شوية وهنرجع ناخدك بسرعة وفى لعب وبتاع

بس على مين انا كنت هارش الحوار ومش داخل دماغى الكلام دا وعارف انه بيدبرولى لمكيدة المهم لبسونى لبس جديد حتى مش بتاع مدارس وودونى وانا منتظر مصيرى التعيس وراحوا قعدوا مع الناظرة والمدير لأنهم كانوا معرفة وكلهم جم بربطة المعلم عشان يودونى الفصل بقا .. عرفونى على الميس ونقولى واحد من العيال عرفونى عليه ..

كل دا وانا مش متقبل وعمال اعيط عاوز اروح مش عاوز اقعد هنا .. لكن مفيش فايدة ولا امل .. بصيتلهم نظرة كلكوا عليا ولا إيه :(

واضطريت الجأ لحيلة عملت نفسى خلاص اتغلبت ووافقت واقنعتهم انى خلاص هقعد ولسه هيمشوا روحت فاكك جريت وحظى الحلو المبنى كان بتاع 5 ادوار وكان ليه سلالم من الناحية اليمين وسلالم من الناحية الشمال وهاتك يا جرى فوق وتحت ويمين وشمال وابويا وامى يحلقوا من هنا وعمتى تحلق من هنا والمدير يطلع يجرى عشان يلحقنى فى الدور اللى فوق والناظرة تنزل تستنانى تحت ..

المهم فضلنا على الحال دا كتير لحد ما جابوا اخرهم وتعبوا وتوهتهم كلهم ونزلت تحت .. وقعدت اعيط جت دادة كدا لقتنى بعيط خدتنى وهدتنى وهوبا لقيت ابويا وامى راحت مسلمانى ليهم :(

يا خسارة تعبى بعد الجرى دا كله اضطريت انى ادخل الفصل بس يا دوب ساعة ولقيتهم جايين ياخدونى وفضلت ما اكلمهمش لمدة لأنى كنت حاسس انى اتغدر بيا ودا كان اول يوم ليا فى المدرسة :d

**ganash** · 27-12-2012 08:15 PM

المشاركة الأصلية كتبت بواسطة khaled sabry

اول مره اشوف طفل بيحب فى كتاب دراسى !!!!!!!!
بصراحه احسننننننننننننننننننن

ههههههههههه اه انا d:

المشاركة الأصلية كتبت بواسطة shnory

هههههههههههههههههههههههه
مش عارف ليه افتكرت الاغنيه دي
لما قريت كلامك

‫مين سرق العمود.wmv‬&lrm; - youtube

ههههههههههههههه ايه ياعم ده
اخويا كان لسه داخل الحضانه روحت اوديه مش عاوز يسبنى المدرسه بصتله كده وزعقتله قام طالع على الدرج وقالها هتستتى ولا اطلع لوح امك هههههههههه

**الغزالى** · 27-12-2012 10:34 PM

انا بئى لفيت حضانات القناطر كلها لحد اما رسيت في اولى حضانه فى مدرسه كانت شبه الترب ..
اسمها النموذجيه
المهم فى سنه من السنين
يا 2 ابتدائى او 3
المهم كان عندنا مدرس اسمه يحيى ... كان المسؤل عن أوضه الى فيها الكمبيوترات والبروجكتور ونسيت التليفزيون والدش كان سنه 99 او 98 حاجه جباره ومش موجود عند حد ...
المهم فى مره قالو هنختار اشطر ناس ويخلونا نخش الاوضه دى براحتنا فى الفسحه نتفرج على التلفزيون .. او ايه السبب برضو تحديدا مش فاكر الى خلنا نخش ونحرج براحتنا ...
المهم نقونا انا 2 اصاحبى والباقى بنات بتاع 4 ولا 5 ..
المهم حج يحيى متفهمش فى يوم الشيطان كان وازه ولا كان عامل معاه ديل ايه متعرفش ... ولحظ اهله الاسود ان يجيب قناه ( حسب مفهومى وقتها .. وأنى كنت مؤدب جدا وبتكسف من خيالي .. انها قناه مش محترمه .. )
كان فيها واحد بيبوس واحده ( كانت حته من فلم او اغنيه الله اعلم .. )
كان التلفزيون تجميع تقريبا ونقصلهم السماعات ... ( شغل حكومه بئى )
المهم .. انا زى الاهبل خلص اليوم عادى ورحت للبيت
بحكى لامى الى حصل طول اليوم ... ( كانت حاجه انيل من طابور الذنب للعساكر فى الجيش لازم تقر وتعترف بكل حاجه ... )
المهم يا حاجه حصل كذا وكذا وكذا و استاذ يحيى جابلنا كذا وكذا ... وانا عمال ادلدق زى الاهبل مش فاهم ان امى تقريبا طلعت محضر وسجلت كل أقولى فيه ...
وتانى يوم روحت المدرسه وانا مش فبالى حاجه خالص .. وعلى الحصه التانيه كده لقيت حد من العيال طالع بيناديلى .. انزل تعالى عايزينك فى الشئون الاجتماعيه انا قولت بس جايزه التلميذ المثالى مستنيانى .. تحت وقد كان نزلت لقيت الاغلى من كده ..
لقيت أمى الغاليه تحت ... هههههههههههههههههه ومقلقوش فضحت عم يحيى و وواحد من زمايلى كان معايا فى اليوم ده وأمه فى الشئون سمعت من امى راحت جايبه الواد ابنا هوا كمان وقروا وحصل ولا محصلش ... وبس أجاركم الراجل حولوه من
مدرس كمبيوتر لمدرس دين ... ( ههههههههه عشان يدرس الفضيله والاخلاق )
وكفايه كده عشان طولت أوى عليكم ... :]

**A7MED_PHARMA** · 28-12-2012 01:57 PM

أنا ضربت عيل صغير وأنا في إبتدائي
علشان كانو عاوز يقعد جمب(مياده) البت الي كنت بحبها
ههههههههههههه
والمدرس ورملي إيديا من الضرب

إنضربت بدون إحراج..لإني كنت في نظر نفسي بدافع عن حبي الوحيد

مياده -هي كمان- كانت ملائكية أوي
شعرها الأصفر والعيون الي ماتقدرش تحدد لونها

**الغزالى** · 28-12-2012 03:48 PM

المشاركة الأصلية كتبت بواسطة youssef_u

متقدرش تحدد لونها ؟؟ عندها حول ولا ايه يعني ؟ ههههههههههههههههههههههههه هههههههه

هههههههههههههههههههه

**sha2e** · 29-12-2012 12:25 AM

**حماده المصري** · 29-12-2012 11:29 AM

ههههههههههههههههههههههههه هههه الموضوع ده مميييت من الضحك وفي نفس الوقت رجعلي ذاكرتي بالطفوله وايام ثنوي ااااااااااااااااه على ايام ثنوي

مسخره والله الايام دي

المهم انا من طفولتي موعود ب اوسخ فصل في المدرسه معروف بقله ادبه الشديده وفشله وكلنا عملنا مفاجاات في 2 ثنوي وجبنا اعلى مجاميع في المدرسه كله فوق 90 % برغم قله الادب الشديده

المهم في حصه من دول كنا 8 معروفين جدا بقله ادبنا قاعدين على الشمال كلناااا كنا الثماني المعروف

المهم حد غبي من الناحيه الييمين يعني بعييد عننا جدا بيرمي ورقه على واحد قدام جت في المدرسه في ظهرها المهم ان دي قفشت فحت الا تعرف مين وجابت وكيل المدرسه

اول ما دخل راح مطلعنا احنا التمانيه ياعم الحج يهديك يريضيك احنا مالناش فيه ده المدرسه نفسها قالتلك جت الورقه من ناحيه تانيه غير الي قاعدين فيها

وقعد يطوح فينا الضرب برا طول اليوم واحنا بنمووت من الضحك ونقوله ايه ياعم شغل امن الدوله هو احنا كمان هنلبس غلط غيرنا مش كفايه الي احنا بنعمله

بس كان يوم جميل انا احلى حاجه عبجتي في اليوم ده اني خلعت من الحصص كلها

-

الموضوع: ذكريات مؤلمه صحصحتها مواقف مخجله (الحب من ابتدائي)

LinkBack

أدوات الموضوع

عرض

-

-

-

-

-

-

المواضيع المتشابهه

الحب الحب .. فزاع وبيظوووو

ابني والمدرسة ( اولى ابتدائي)

ذكري مؤلمه ,,,,لون حياتي

ذكريات أول خبطة + ذكريات أجمد خبطة

الحب عطاء (حتي نتذكر ما هو الحب)

الكلمات الدلالية لهذا الموضوع

المفضلات

المفضلات

ضوابط المشاركة