الموضوع: الزعيم لصيانة السيارات الألمانية....فتح ورشة جديدة فى صقر قريش

المشاركة الأصلية كتبت بواسطة mahmoud ghanem

مبروك عليك ... وبصراحة موضوع الاسعار اللى فى الطالع دى بقت تنرفز .. الواحد هيلاقيها من فين ولا من فين
حد يصدق ان جلبه الكبلين بــ 55 ج !!!! ينهار ابيض

والله يا ا/ محمد كل حاجة ممكت تتصدق فى الوقت ده ، المشكلة كمان انك لو روحت لنفس التاجر تجيب منه قطعة الغيار النهاردة هيدهالك بسعر ولو روحلته على نفس الحاجة تانى بعدها بالضبط باسبوع هيديلك الحاجة بسعر تانى خالص ، مفارقات الاسعار في طقع الغيار بقت جنان فعلا .

المشاركة الأصلية كتبت بواسطة عبد الرحمن اسامه

ممكن اوديلو ليون ٢٠٠٩ ولا بيشتغل علي الحاجات القديمه بس، ولا اوديها التوكيل أحسن ؟

مين قال انه بيشتغل فى القديم وبس ، يا صديقي اخر حاجة شوفتها عند كان بيسقط مواتير للباسات الـ 2010 ، والــ 2011 وبيسقطلها الفتايس بتاعتها الجديدة ، واوقات لو التصليح بيفنع لمجموعات الفتايس الجيديدة بتاعتها بيصلحها ، والباسات الــ 2012 شوفتها عنده كتير فى صيانات لان لسه ما حدش راحله فيها فى تغيير مواتير ههههههههه وبيشتغل فى الباسات الــ سي سي ، وبيسقط مواتير للفولكس الى هى الكبيرة ده تقريبا اسمها توران وفى ماركة تانية برده كبيرة فى الحجم ، والجيتا والبورا ، وكل فئات الجولف لحد الاخيرة وتعديلات المواتير فى الجولف وتركيب التربو وتعديل الفتايس من عادة لاوتوماتيك تعديلات اوريجنال وتعديل عفشتها ، وكل فئات الجيتا لاخر موديل ، والاودي ، والبورا ، والايبيزا بكل موديلاتها ما عدا الى قبل الــ 94 مش بيشتغل فيهم لانهم ما لهمش قطع غيار ، والكوردبا ، وشوفته عنده كتير عربيات اوكتافيا من اول فئة لحد الاليجانس ، الفابيا والفانتزيا ، دول بصراحه الحاجات الى شوفتها عنده فى من ساعه ما بقيت اتعامل معاه لحد الان ، على فكرة يا شباب والله الناس بتطلع من التوكيل وتتعامل معاه وفى اعلى الفئات والموديلات وده قدام عينى .

حضرتك علشان تبقى عارف قبل ما تروح اتصل بيه واسأله وقولة انا معايا سيان لليون موديل 2009 بتشتغل فيها ولا لأ ؟ ، لو طلع بيشتغل فيهم يبقى بيعمل كل حاجة فيهم ، هيعمل مع حضرتك الواجب جدا جدا جدا .

انا ممكن ابعتلك رقمه على الخاص لو حبيت ؟

تحياتى لحضرتك ،،

المشاركة الأصلية كتبت بواسطة hossamalsadik

اسأله ليك فى الليون وشوف الدنيا فيها أيه

حسام بك ازى حضرتك يا فندم ، وتحياتي لحضرتك على مجهودك ومشاركاتك الفعاله .

+111111111111111111

الله يكرمك ويبارك فيك يا حسام باشا والله ، الكلام ده كتير عليا اوى ، انا ما استحقش كل ده ، اوانا الى لي الشرف انى اكون صديقك وانى بتكلم مع حضرتك ، وليا الشرف بتواجدى فى قسم السيات والمنتدى كله ، والله الواحد بيشعر فعلا انه بين اخواته والله يا جماعه ، الله يبارك فيك يا ا/حسام انت انسان ذوق وخلوق ، متشكر اوى اوى اوى اوى اوى لحضرتك .