ثرموستات الكوعة... المفترى عليه

**Ahmender** · 30-09-2014 02:17 AM

المشاركة الأصلية كتبت بواسطة borio1704

ربنا يباركلك في عربيتك :)

علشان نتأكد هسأل حضرتك سؤال تاني..

هو الحرارة بتعلى في وقت قد إيه؟؟ يعني لو العربية باردة تماما زي ما بتشغلها الصبح.. بتاخد كام دقيقة علشان تسخن وتوصل لحد علامة النص؟

...

شكرا لسرعة الرد..
انا اول مره بدورها بتكون الساعه 12 او 1 الظهر يعني فى الحر وانا اصلا بركنها فى الشارع يادوب بينها وبين الشمس الغطا بتاعها.. يعني واقفه فى عز الحر.
الموتور بيبقى عالى لمدة 20 ثانية كده وبعدين بيهدى.. بستنى لحد دقيقتين وبعدين بطلع بيها " بتكون الحرارة لسه ماجبتش اول شرطة".. بمشي على الأول حوالى 300 متر الحرارة بتبقى وصلت للنص. او اقل من النص بحاجه بسيطه جدا.... طول مالجو حر هى بتفضل محافظه على الحرارة فى النص حتى لما باخد الخامس... وانا راجع من الشغل بالليل الحرارة مش بتوصل النص الا بعد مابمشي بيها حوالى كيلو جوه البلد واول مابجري على الخامس بسرعة 80 الى 100 (يعني الموتور مرتاح) الحرارة بتنزل للثلث او الربع زي ماشرحت لحضرتك.
معلش انا طولت فى الاجابه بس حبيت اوضح الصورة كامله.

وعندي عيب تاني مغلبنى جدا جدا جدا وكان هيموتنى من يومين. والصنايعيه سوحوني فيه.. بس مش عاوز اطرحه هنا عشان ماغيرش لحضرتك مسار الموضوع.. هعمل موضوع جديد واتمنى حضرتك ترد فيه

**Ahmender** · 30-09-2014 03:57 AM

ده رابط الموضوع التاني بما ان لحضرتك خبره
http://www.nilemotors.net/Nile/442769-a.html

**borio1704** · 30-09-2014 11:12 AM

المشاركة الأصلية كتبت بواسطة ahmender

شكرا لسرعة الرد..
انا اول مره بدورها بتكون الساعه 12 او 1 الظهر يعني فى الحر وانا اصلا بركنها فى الشارع يادوب بينها وبين الشمس الغطا بتاعها.. يعني واقفه فى عز الحر.
الموتور بيبقى عالى لمدة 20 ثانية كده وبعدين بيهدى.. بستنى لحد دقيقتين وبعدين بطلع بيها " بتكون الحرارة لسه ماجبتش اول شرطة".. بمشي على الأول حوالى 300 متر الحرارة بتبقى وصلت للنص. او اقل من النص بحاجه بسيطه جدا.... طول مالجو حر هى بتفضل محافظه على الحرارة فى النص حتى لما باخد الخامس... وانا راجع من الشغل بالليل الحرارة مش بتوصل النص الا بعد مابمشي بيها حوالى كيلو جوه البلد واول مابجري على الخامس بسرعة 80 الى 100 (يعني الموتور مرتاح) الحرارة بتنزل للثلث او الربع زي ماشرحت لحضرتك.
معلش انا طولت فى الاجابه بس حبيت اوضح الصورة كامله.

وعندي عيب تاني مغلبنى جدا جدا جدا وكان هيموتنى من يومين. والصنايعيه سوحوني فيه.. بس مش عاوز اطرحه هنا عشان ماغيرش لحضرتك مسار الموضوع.. هعمل موضوع جديد واتمنى حضرتك ترد فيه

أتوقع من كلام حضرتك إن فعلا فيه مشكلة في ثرموستات الكوعة، وإنه مش بيقفل كويس

طيب...

مبدئيا.. حضرتك محتاج تغير الثرموستات... ولو بتحط ميه من الحنفية فأتوقع تكون هي السبب في المشكلة دي علشان الثرموستات بدأ "يحجر"

ونصيحة لحضرتك... تسخين العربية مالوش داعي... كل اللي حضرتك محتاجه بعد ما تشغلها إنك تسيب العربية حوالي 10 ثواني وبعدين تتحرك... علشان الموتور يسخن بسرعة

وبمجرد إن المؤشر وصل لعلامة المنتصف (أو قبلها مباشرة) تقدر تقرص على الموتور لو حبيت

...

**amz2011** · 28-10-2014 10:24 PM

موضوع رائع رائع رائع

**احمد واحد** · 07-12-2014 02:26 PM

سيدي الفاضل
السلام عليكم واضح خبرة حضرتك ربنا يبارك فيك وينفعنا بعلمك ويجزيك خير الجزاء على ما نفعت به كل من دخل الى المنتدى عندى استفسار وجازاك الله خيرا مقدما . انا باسال عن نوع الماده المستخدمه عند فك خراطيم الميه واعادة تركيبها بالذات خراطيم الكوعه لانى لما جيت افكها كانت بتتطلع بالعافيه وحسيت ان في ماده معينه كانت بين الخرطوم والكوعه . انا عربيتى سيراتو 2006 موجود في السوق الان سيليكون رمادى يتم استخدامه فما راي حضرتك

**احمد واحد** · 07-12-2014 02:32 PM

على فكره انا فكيت لانى وجدت تسريب في خرطومين اللى جاى من الطلمبه واللى رايح على الرادياتير من تحت وللاسف وجدت الخرطوم اللى جاى من الطلمبه سليم ولكن الماسوره اللى راكب فيها فيها تاكل شديد ومخرمه وعلى الرغم من كده كانت بتسرب خفيف جدا سبحان الله وانا الان هنزل بكره ان شاء الله اشترى كوعه كامله النهارده الاحد فهل لديك حل غير الشراء ؟