ثرموستات الكوعة... المفترى عليه

**MOHAMEDEBAID75** · 02-01-2014 04:06 PM

موضوع رائع ربنا يبارك لك

**ناصر الشافعى** · 08-01-2014 10:09 AM

جزاك الله خيرا

**hossamalsadik** · 11-01-2014 10:53 PM

شرح رائع جزاك الله خيرا

**ghost_hamdi** · 13-01-2014 11:47 AM

السلام عليكم
انا معايا جولف 4 - 1800 سي سي
وعندي مشكله ان العربية في الطريق السريع عداد الحرارة بينزل جامد واول لما ادخل البلد يرجع تاني 90
انا اشتريت العربية كده والميكانيكي لما شافها قال ترموستات الكوعة ملغية وهي اللي بيتعمل كدة
انا دلوقتي عايز اعرف ممكن تتركب تاني؟؟؟
ولو ينفع ايه هيكون النظام في الصيف العربية هاتسخن عن 90 انتو عارفين الالماني بيسخن في الصيف

**borio1704** · 13-01-2014 08:06 PM

المشاركة الأصلية كتبت بواسطة ghost_hamdi

السلام عليكم
انا معايا جولف 4 - 1800 سي سي
وعندي مشكله ان العربية في الطريق السريع عداد الحرارة بينزل جامد واول لما ادخل البلد يرجع تاني 90
انا اشتريت العربية كده والميكانيكي لما شافها قال ترموستات الكوعة ملغية وهي اللي بيتعمل كدة
انا دلوقتي عايز اعرف ممكن تتركب تاني؟؟؟
ولو ينفع ايه هيكون النظام في الصيف العربية هاتسخن عن 90 انتو عارفين الالماني بيسخن في الصيف

فعلا.. كده الثرموستات ملغي

الثرموستات ممكن يتركب بمنتهى السهولة ومفيهوش حاجة صعبة... كل المهم إنك تجيب الثرموستات بتاع العربية الأصلي... لإن بيبقى فيه اختلافات في درجات الحرارة والمقاسات حسب الموتور المستخدم

إن شاء الله لو ركبت الثرموستات العربية حرارتها مش هتزيد عن علامة المنتصف.. بس الكلام ده يستدعي الأول إنك تشيك على الدايرة بالكامل وتتأكد إن مفيش أي تسريب.. وبعدين تعمل غسيل كويس عشان تشيل الرواسب.. وبعدين تركب الثرموستات وتحط ميه رادياتير.. يعني ميه خضرا أو حمرا أو أي نوع موصى عليه في الكتالوج

لو خايف من موضوع الحرارة في الصيف.. لازم كمان تتأكد إن الرادياتير عندك شغال كويس.. ولو كفاءته مش كويسة لازم تغيره بواحد أكبر أو بواحد 3 ماسورة عشان الجو في مصر.

ما تنساش كمان إن المروحة ليها دور مهم جدا.. ويفضل تكون راكبة على قميص بلاستيك زي اللي في الصورة ده

القميص ده له دور أساسي في تحسين كفاءة التبريد.. ﻹنه بيجبر الهوا يعدي من كل الراديادتير ويروح للمروحة

حضرتك ممكن ترجع لبقية المشاركات في الموضوع... فيها إجابات عن أسئلة كتير ممكن تفيدك.

...

**tato2009** · 09-02-2014 09:52 PM

موضوع ممتاز وربنا يبارك فيك
انا امبارح ركبت ترموستات الكوعة بعد ما قريت الموضوع الرائع دة
العربيةبومة 1300 موديل 2007 اوتوماتك
بس لاحظت ان عداد ار بي ام بينزل عن معدلة حد 400 تقريبا لما اهدي او اشيل رجلي من الدواسة
فهل فية ارتباط وهل انتظر ان معدل البنزين ؟ وارجوك اريد ان افهم كيف يتم عمل تنظيف لدورة التبريد بالكامل

**borio1704** · 08-03-2014 11:34 PM

المشاركة الأصلية كتبت بواسطة tato2009

موضوع ممتاز وربنا يبارك فيك
انا امبارح ركبت ترموستات الكوعة بعد ما قريت الموضوع الرائع دة
العربيةبومة 1300 موديل 2007 اوتوماتك
بس لاحظت ان عداد ار بي ام بينزل عن معدلة حد 400 تقريبا لما اهدي او اشيل رجلي من الدواسة
فهل فية ارتباط وهل انتظر ان معدل البنزين ؟ وارجوك اريد ان افهم كيف يتم عمل تنظيف لدورة التبريد بالكامل

أنا آسف على التأخير في الرد.. كنت عايز أرد من زمان بس اتشغلت ونسيت خالص :(

على العموم.. أتوقع إن حساس العادم أو الأيدل محتاج يتنظف

المشكلة إن الحرارة لما بتنزل والموتور يبدأ دورانه يكون صعب .. الكمبيوتر بيعدل في نسبة خليط الهوا والبنزين علشان يرجع الموتور للدوران الصح... طبعاً غير إنه بيزود استهلاك البنزين بشكل كبير .. فكمان بتعمل ترسبات على الحساسات..

ده غير إن برمجة العربية ممكن تكون اتغيرت على حسب ظروف التشغيل..

متهيألي لو الموضوع برمجة وبس.. فالعربية هتتعدل لوحدها على حسب الظروف الجديدة.

...

-

الموضوع: ثرموستات الكوعة... المفترى عليه

LinkBack

أدوات الموضوع

عرض

-

-

-

المواضيع المتشابهه

ثرموستات الكوعة

سؤال : هل توجد ثرموستات الكوعه داخل الكوعة بتاعت الميه ؟

افيدوني في ثرموستات الكوعة افادكم الله

ثرموستات الكوعة لاوبل فيكترا بي

ثرموستات الكوعة

الكلمات الدلالية لهذا الموضوع

المفضلات

المفضلات

ضوابط المشاركة