الموضوع: لمبة AirBag + services بتنور وتطفى

التقرير بعد التركيب
رحت جبت الشريط من الراجل بعد مراجعه جميع التراكات بالافو والراجل معرفش يقولى التكلفه كام لانها اول مرة يعمل طلب زى دة
الراجل تعب فيها اوى اصراحه البتاعه رخمه جداً المهم اديته ٤٠ جنيه قالى تمام
رجعت البيت وحطيط الحاجة قدامى وازبهليت وقلت استحاله اركب البلاوى ديه
والحمد لله ساعه ونص كنت مظبطه ومقفله ومزيته
نخش بقا على العربيه نص ساعه كانت كل حاجه راكبه والله يا جماعه اول مرة فى حياتى افك حاجه فى عربيه بس حسيت ان الموضوع عايز شوية صبر قلت اعمله
بعد التركيب اللمبه نورت تانى قلت اللف يمين وشمال كله تمام مافيش اي صوت
طلعت بالعربيه علشان اجرب المثبت لقيته شغال الحمد لله
ودوست على start شويه علشان اعمل ريسترت للعربيه وبردة لسه اللمبه منورة
انا كنت رحت فرنش موتورز حاطها على الكمبيوتر علشان يطفى اللمبه
انا عايز اعرف الى اتعمل دة تام ولا افك تانى ؟ ولا اروح احطها على كمبيوتر الاول ؟

اللى لاحظته من كلام حضرتك ليا

الشريط متقطعش من مكانه ولسان الشريط اتكسر وزنق كام تراك من التراكات النحاس اللى فى الشريط اللى هما خاصين بالإيرباج ودول عددهم 5 سلوك لو واحد منهم بس فصل اللمبة هتنور

مثبت السرعة ليه تراكينن نحاس فقط فى الشريط ومن الواضح برضه إنه متأثروش عشان كدا مثبت السرعة ما زال شغال

يعنى الراجل اللى عمل لك الشريط ....... اشتغل على أنه يلحم التراكات المقطوعة الخاصة بالأيرباج فقط وليس مثبت السرعة ..... فطبيعى إن يكون مثبت السرعة شغال برضه


بالنسبة للمبة الأيرباج موضوعها غريب شوية وهتعرف لما تروح فرنش موتوزر وتانى مرة متخليش حد يطفيلك لمبة أعطال من الجهاز

لأن فى الوضع الطبيعى لو اللمبة منورة والشريط مقطوع وتم لحام الشريط جيدا المفروض اللمبة تطفى


وزى ما قلت لحضرتك الشريط مقطوع فى منطقة حيوية وعليها تأثير على طول ...... أنا مش متخيل أو مش شايف طريقة اللحام قدامى لحد الوقت دا

أنا حاولت ألحم بنفس الطريقة ووصلت الشريط بالفعل بنظام الكبارى دا وعملته بفن عالى .... ولكن جربت أتنيه كدا وكدا وألفه لقيت إن الأشارة بتيجى وتروح !!!!!!! مرضتش أركبه ,,,, بس أنا كان عندى الشريط مقطوع فى نفس الوقت وسبته فترة طويلة فى العربية ولما أجيت أفك كان خلاص أتدمر خالص


ربنا يوفقك

شكلها كدة عايزة فعلا كمبيوتر علشان اعرف الى اتعمل دة تمام ولا لأ
انا صورتلكوا الشريط قبل اللحام السهم الى فوق دة مكان السان الى اتقطم
والسهم الى تحت دة كان مكان القطع نفسه بعد البلاستكايه متقطعت اتنى جامد من الحته ديه واتقطع

[url=http://imageshack.us/photo/my-images/11/airbagob.jpg/]ImageShack

المشاركة الأصلية كتبت بواسطة mohammedaladel

اللى لاحظته من كلام حضرتك ليا

الشريط متقطعش من مكانه ولسان الشريط اتكسر وزنق كام تراك من التراكات النحاس اللى فى الشريط اللى هما خاصين بالإيرباج ودول عددهم 5 سلوك لو واحد منهم بس فصل اللمبة هتنور

مثبت السرعة ليه تراكينن نحاس فقط فى الشريط ومن الواضح برضه إنه متأثروش عشان كدا مثبت السرعة ما زال شغال

يعنى الراجل اللى عمل لك الشريط ....... اشتغل على أنه يلحم التراكات المقطوعة الخاصة بالأيرباج فقط وليس مثبت السرعة ..... فطبيعى إن يكون مثبت السرعة شغال برضه


بالنسبة للمبة الأيرباج موضوعها غريب شوية وهتعرف لما تروح فرنش موتوزر وتانى مرة متخليش حد يطفيلك لمبة أعطال من الجهاز

لأن فى الوضع الطبيعى لو اللمبة منورة والشريط مقطوع وتم لحام الشريط جيدا المفروض اللمبة تطفى


وزى ما قلت لحضرتك الشريط مقطوع فى منطقة حيوية وعليها تأثير على طول ...... أنا مش متخيل أو مش شايف طريقة اللحام قدامى لحد الوقت دا

أنا حاولت ألحم بنفس الطريقة ووصلت الشريط بالفعل بنظام الكبارى دا وعملته بفن عالى .... ولكن جربت أتنيه كدا وكدا وألفه لقيت إن الأشارة بتيجى وتروح !!!!!!! مرضتش أركبه ,,,, بس أنا كان عندى الشريط مقطوع فى نفس الوقت وسبته فترة طويلة فى العربية ولما أجيت أفك كان خلاص أتدمر خالص


ربنا يوفقك

عندى سؤال يا محمد باشا
ايه علاقه مثبت السرعه بالجاكين بتوع الايرباج الى فى الطارة الاخضر والازرق
انا قبل مافوك كان اصلا مثبت السرعه شغال عندى ولما روحت فرنش موتورز يطفيلى اللمبه شالى الجاكين بتوع الايرباج وقالى علشان متنورش تانى وبعديها المثبت مشتغلش مع العلم كان سايب الجاك بتاع المثبت
لما ركبت امبارح حطيط كل الجاكات فى مكانها بقيت فى نفس حالتى القديمه المثبت شغال واللمبه منورة
هل الدايرة كلها لازم كلها تبقى مقفوله علشان المثبت يشتغل ؟

لأ ملهومش علاقة بمثبت السرعة

الفيشة الخضراء رايحة لكبسولة إيرباج والفيشة الزرقاء رايحة لكبسولة إيرباج ( اللى هى المفجر بتاع الإيرباج )

كل فيشة منهم ليها سلكين مجموعهم 4 سلوك

فيه سلك أسود ليه فيشة لوحده صغيرة دا النيوترال أو الأرضى المشترك زى ما بيسموه الجماعة بتوع الكهرباء

فيه فيشة سودا برضه فيه سلكين ودى فيشة مثبت السرعة

لو شلت الفيشتين بتوع الإيرباج وشلت الإيرباج نفسها من مكانها المفروض إن المثبت يشتغل طالما موصله

بس اللمبة هتنورطبعا

ولو جبت شريط إيرباج 5 طرف فقط وركبته عندك المفروض إن اللمبة تطفى لكن طبعا مثبت السرعة مش هيشتغل لأن مش هيبقى ليه مخرج من السلك وقتها ولا مخرج فى الجاكات

عايزك تبص للجاكين الجاك اللى طالع منه ال 4 فيش هتلاقى فيشة فيها سلك أحمر وسلك أسود اللى هى بتاع المثبت وهتلاقى السلكين بتوعها من على جنب خالص فى الجاك أول سلكين بعدها على طول الفيشة الزرقاء بتاع الإيرباج
بعدها الفيشة السوداء التعادل اللى هى طرف واحد
فى الآخر الفيشة الخضراء

روح للطرف التانى من الجاك اللى هو فيه سنون نحاس طويلة هتلاقى فيه صفين صف فيه 5 سنون للإيرباج والأرضى

وطرف فيه 2 سلك لمثبت السرعة

انا مقتنع بكلامك جدا وشفت كل دة على الهواء مباشرا هههه
بس لما روحت فرنش موتورز كان المثبت شغال وانا رايحله اول مفك الفيشتين بتوع الايرباج المثبت مشتغلش
انا مقتنع ان اكيد فيه علاقه بس مش فاهمها على الواقع

إنت متأكد إنه فك فيشتين الإيرباج بس ؟؟

خد بالك عندنا 4 فيش شوف وإنت بتفك فكيت كام فيشة

وهل مثبت السرعة مشتغلش من الزرار نفسه يعنى لما تدوس على الزرار فى التابلوه لمبته كانت بتنور ؟؟

ولو كانت بتنور والمثبت مش شغال من زراير الدركسيون ... ملهاش غير معنى إنه يا إما فصل سلك المثبت أو الأرضى تقريبا

أو فيه حاجة عملها سوفت وير بالجهاز ..... والله أعلم لأن أنا مفهمش فى حكاية جهاز الأعطال دى