الموضوع: اسف جد اني كنت بنصحكو بالعربية دي

المشاركة الأصلية كتبت بواسطة a.saad

اطلب تقرير منهم عن الصيانة
وخده من الاستقبال او الضمان
واحلى شكاوى فيهم
لو التقرير مش مكتوب فيه تغيير
ولو مكتوب فيه تغيير يبقى غش تجارى وشرحه

التقرير مش مكتوب فيه انها اتغيرت

انا للاسف لسة واخد بالي دلوقتي

المشاركة الأصلية كتبت بواسطة redbull_30

السلام عليكم
بعد ما قريت كل الموضوع بالردود بصراحة مستغربتش ..
اولا هو توكيل مش حاطط في اعتباره التعامل باحترام مع اصحاب العربيات البروتون
ثانيا الفكرة اللي موجودة تقريبا في مصر بس و هي الضمان بس بفلوس زيادة !!
يعني مثلا ظهر مؤخرا في مصر ان فيه عربيات بمواصفات مصرية (ضمان مصري) زي الفانتازيا و الكيا و زيها وانضف منها في المواصفات خليجي بس ارخص , و الناس يا عيني خايفة على عربياتها و بتمشي جمب الحيط و تشتري اللي بالضمان المصري اللي يمكن في مواصفاتها اقل بس اهو بتحطاط و عاوزة حاجتها تبقى مزبوطة علطول .. و تتفاجأ لو حصل حاجة يقولك لا ده سؤ استخدام او اي حجة ترفع ضغط دمك ..
أنا مش هعمل نفسي الفتك اللي مش بيضحك عليه .. بس بصراحة عرفت الحقيقة و هي انك لو حافظت على عربيتك و قريت منوال العربية كويس و شوفتلك مركز صيانة متوسّم ان يكون فيه ناس بتفهم عمرك ما هتحتاج تروح لتوكيل الا في حالات صعبة اووي اعتقد مثلا زي الامور الخاصة بالكهربا ..
بالرغم من كلامي لاحظت انه توكيل بجد على قده لما روحتله والعربية عاملة 5000 كيلو وبشتكي من اتزان وخرجت من عندهم و معملوهاش .. العربية كانت بتحدف يمين بقت بتحدف شمال
بس كنت بجيب من عندهم قطع الغيار لغاية ما عرفت ان فيه محلات بتبيع قطع الغيار دي و اوعى حد يقولي ان قطع غيار التوكيل هي الاصلية لان هقوله ان التوكيل باعلي تيل فرامل بسببه الطنابير مبقتش تنفع ولما روحت للمهندس اللي اغلبيتكم بتحترموه اللي ماسك التوكيل قالي انا عندي التيل الاصلي ب 1300 جنيه و كان الكلام ده سنة 2010 ..
عارفين رده ده ميقدرش يقوله في مكان محترم لانه اذعان بانه بيبيع قطع غيار غير اصلية لما يخيرني بين قطعتين ..
لان انا اخدت التيل منه على اساس انه اصلي وهو في الحقيقي غير اصلي .
عموما الفكر الزبالة ده مش موجود غير في مصر .. و فكر المهندس المحترم و الناس اللي شغالة تحته هو اننا هنقرفهم ب 85 الف اللي اشترينا بيهم العربية
عز العرب مش بيحترم الا اللي معاه بي ام او كرايزلر او اخيرا و انا حزين عليها فولفو .
يا باشا هنا في مصر لو سمعت صوت في عربيتك متروحش التوكيل لانهم ممكن يبظوه زيادة او يبوظو حاجة قريبة منه .
يا باشا لو تعرف و انت بتشتري عربيتك تجيبها رخيصة عن طريق ان ميكونش ليها ضمان يبقى انت اللي فايز لان ببساطة بفرق الفلوس أمّن عليها و كمان لا قدر الله حصل فيها حاجة الفروس الفرق تخليك تعملها وانت حاطط رجل على رجل و حاجتك هتطلع من مخزن قطع الغيار بدون حجز ولا حرق دم .

عندك حق في كل كلمة

المشاركة الأصلية كتبت بواسطة raul_7

ابعتلي نص الرسالة علي الخاص و انا اترجمهالك ان شاء الله.

هكتبها وابعتها .. بس الاول هروح ان شاء الله للمهندس امر واحكيله اللي حصل واشوف رده ايه

المشاركة الأصلية كتبت بواسطة motarjim

بعد إذنك يا باشمهندس سيب لي أنا الطلعة دي...بس عايزه بالإنجليزي ولا الـ malay؟ :)

ربنا يكرمك ياباشا وبجد مش عارف اقولك ايه :)

المشاركة الأصلية كتبت بواسطة nourelmansy

طيب لما فيه اجماع ان العربية مظلومة و التوكيل اللي ظالمها

ليه فاتح موضوع تندم فيه علي انك نصحت الناس بالعربية دي

العربية ملهاش ذنب .. لو فيه مشكلة مع التوكيل فيه ألف طريقة لحلها .. حماية مستهلك و شرشحة و خلافه

لكن التشهير بالعربية مش حيضر التوكيل .. حيضر سمعة العربية ع الفاضي و ملاكها .. وبس

عندك حق

بس اغلب الناس اللي بتدور على عربية بتبص على التوكيل

ولما التوكيل يبقى بمستوى عز العرب الناس بتبعد .. لكن في ناس بتستحمل على اساس انه مش وحش اوي .. بس دلوقتي يبان فعلا النصب والاحتيال والضحك على العميل

انت عندك حق العربية ملهاش اي ذنب

المشاركة الأصلية كتبت بواسطة nistelrooy

معلش يا فيلكس .. اقرفهم لحد ما يعرفوا ان الله حق !

مش هسيبهم والله ياباشا

المشاركة الأصلية كتبت بواسطة a.saad

معاك حاجة تثبت الحاجة لتغييرها فنيا
شوف تقرير دخول العربية

ايوة ياباشا ده بيبقى عندهم وكان مكتوب فيه ان العربية هتغير الطلمبة في الضمان

المشاركة الأصلية كتبت بواسطة smsmsaad

انا بجد مستعد اروح معاك ونعمل احلى شغل زغيق وقلبان وتهزيئ ومش هانمشى غير لما الحاجة تتغير
لان ده غش وكذب
صدقنى دلوقتى مبقاش بينفع غير الوش الخشب

على فكرة انا صادق فى ان انا اجى معاك

ربنا يخليك ياباشا بجد مش عارف اقولك ايه

انا هجرب الحل السلمي الاول ولو منفعش هدخل ازعق واتخانق