الموضوع: اختبار قيادة : تويوتا كورولا 2008 المزودة بعلبة التروس الذكية Mmt

المشاركة الأصلية كتبت بواسطة tutankhamoun

شيكو باشا ............ أهلا بيك......... اخبار الجليد و الثلج أيه ؟؟؟؟
عايزين شوية .......... بعد أذنك ......... 2 كيلو و أتوصا !!!!!!!!!!!!
ياباشا ........ مقلناش حاجة
بس اغلب ملاكها ........... بيشتكوا منها على عكس الكلام المعلن عن فوائده ......... اللي أغلب ملاكها مش حاسين بيه و الله أعلم علشان أنا مجربتش بنفسي و كلها سمع و تجارب ناس تانية
و فعلا عندك حق بالنسبة لموضوع كل واحدة بيشوف الحاجة بطريقة مختلفة .
أنا عن نفسي لا أحبذ الأوتوماتيك إطلاقا و أعشق المانوال
مش عارف ليه لو سوقت أوتوماتيك بحس إني بلعب أتاري !!!


و في النهاية
تحياتي الخالصة لك ............. و لكندا

الله يخليك يا باشا و يكرمك
أولا صدق أو لا تصدق تورونتو حر و رطوبة الأيام ديه ....فين أيام التلج
طبعا الناس حقهم يحبطوا ....شاريين العربية على انها أوتوماتيك و لو زاي حالاتي ما بيحبوش غير الأتوماتيك العادي خالص ....حيلاقوا العربية أقل من مستوى توقعاتهم .....أنا فعلاً مفقوع من استعباط و استهبال التوكيل ....ده ما يمنعش أن التكنولوجية اللي في الفتيس متقدمة ...للي عايزها

ملحوظة جانبية : السمايليز تجنن يا باشا

المشاركة الأصلية كتبت بواسطة فادى

أنا كمان مش بطيق حاجة اسمها اوتوماتيك, فعلا المانيوال لا غنى عنه,
بالنسبة لعلب التروس الذكية, يبدو أن موضوع علبة التروس الخاصة بتويوتا مشكلة عالمية و ليست فى مصر فقط,
انظر الى اللينك التالى :


http://en.wikipedia.org/wiki/Sequent...l_transmission
"
The 3rd generation Toyota MR2 uses Toyota's version, known as the Sequential Manual Transmission or SMT. Although it does not perform as well as the European-designed transmissions, Toyota's is the cheapest system to manufacture, and the MR2 is the least expensive car to possess a true sequential gearbox"

ان علبة التروس الخاصة بتويوتا لا تؤدى مثل علب التروس الاوروبية(يقصد على الأرجح السيلسبيد من الفاروميو-فيات, دى اس جى من فولكس, اس ام تى من بى ام دبليو).
السيارة لا بأس بها لو كانت مانيوال, بالنسبة للتسارع فهذا متوقع من محرك 1600 على وزن كبير نسبيا, لذا فاعتقد أن محرك ال1800 أو ال2000 هيحل المشكلة, انما علبة التروس هى المشكلة الأساسية فى هذه السيارة.

صديقي العزيز فادي باشا ...لولا إختلاف الأذواق يا جميل ....أنا كنت متأكد انك من محبي المانويل

بالنسبة لل-MR2 ديه عربية تانية خالص ....و الرابط بيقول إن مقارنة بالعربيات التانية المتوفرة بخاصية sequential manual transmission هي أرخص الموجود..... فطبيعي أن أدائها أقل من مثيلاتها... انما ما قالش فيها عيوب مثلا

المشاركة الأصلية كتبت بواسطة فادى

علبة التروس تلك هى نفسها المستخدمة فى كل سيارات تويوتا و الام ار 2 هى اول سيارة كانت تستخدمها من تويوتا, و على حسب علمى طورت هذه العلبة بالتعاون مع بورش,
و علبة التروس مفيهاش مشكلة, أنا مقلتش أنو فيها مشاكل هى أدائها سىء فعلا كما يقول الرابط لكن مفيهاش مشكلة يعنى أثناء الاختبار مكنتش بتنط نقلات مثلا أو بتنقل غلط.

متفقين يا صديقي ....و في إنتظار مزيد من التقييمات الجامدة لعربيات تانية إن شاء الله

استاذ فادى واضح حضرتك مش بتحب التويوتا ودا باين جدا فى كلام حضرتك وانا لا اتفق مع حضرتك فى التقرير عموما لا اشعر بميل السياره فى الملفات بل هى اثبت فى الملفات عن اللانسر اللى فيها عفشه رياضيه+ على ذلك حضرتك زكرت انها بطيئه فى السحب وهذه غير صحيح تماما

ايها الاعضاء الموقرين بجد نفسى اعرف ليه اى حد بيسمع حاجه بيفضل يرددها لا وكمان بياكدها طب ربنا ليه ادانا العقل؟ يعنى ازاى اتكلم عن شىء عن مجرد سمع وليس تجربه
الاستاذ الفاضل تقيييمه مفيهوش اساس من الصحه من امور كثيره
العربيه دى نشيطه جدا بجد وسريعه بطريقه بشعه وانا كان معايا اللانسر 1600 اللى تعتبر من اسرع السيارات 1600 الكورولا اللى معايا اسرع منها فين بقا حكايه العربيه تقيله ومش بتسحب
كان معايا صديق ليا معاه ستروين c4 قالى انا عمرى ما شفت عربيه 1600 بالسحب دا لا ما شاء الله
ده كمان ما جربش الثبات بتاعاها كويس وبيحكم عليه
ارجو عدم الحكم على شىء دون التجربه

كلام مبالغ فيه يا استاذ فادي ....

و واضح العداوة جدا مش عارف ليه .انا جربت العربية بنفسي و معروف ان في مشكلة في الفتيس بس كلامك بصراحة مبالغ فيه اوي .

ملاحظة : لو تويوتا كرولا اقبست شكل زي ما بتقول فهي اقتبستوا من نفس اصداراتها و هي تويوتا كامري زي ما بتقول .

و الإختلاف في الرأي لا يفسد للود قضية (:

يا جماعه كل واحد بيحكم على الحاجه زي ماهو شايفها.

بس أكيد واحد جرب عربيه 20 كلم مش زي واحد يملكها و ساقها 8000 كلم

أنا بس عندي سؤال للأستاذ فادي رغم إن الموضوع قديم حبه.. هو ليه مجربش ال (Sport Mode (Es لإنه لو عايز يسوق العربيه بإسلوب رياضي لازم يسوقها بالنظام الرياضى. مينفعش أجيب الEconomic mode و اقول العربية مش بتسحب.. طب ماهما أصلا عاملينه عشان كده العربيه أصلا بتنقل على 2500 :) شئ طبيعي ماتسحبش بس لو في وسط البلد مش محتاج أكتر من كده

و على فكره الموديل Advanced التابلوه و العدادات فيه رائعه. أكيد اللي كان سايقها هيا Professional و دي فعلا تابلوهها تقليدي عادي مش وحش بس عادي قوي

و فعلا أكتر حاجه استغربتلها موضوع الشكل البشع دي :) بس طبعا الحاجات دي أزواق. أنا بقالها عندي 8 شهور و فعلا كل مابشوفها بحس انها حلوة مش عربيتي و خلاص مثلا.

و على فكرة المقالة بتاعة ويكيبيديا بتتكلم عن نوع تانى خالص من الفتيس مش هو اللى عندنا.

عارفين بجد يا جماعة. أنا باروح فنلندا كتير تبع الشغل. البلد دي نضيفه قوي. و كانت ملاحظتى ان أغلب العربيات هناك أوروبي مفيش يابانى خالص.. المرة الأخيره دي لاحظت عربيتين انتشروا بطريقه ملحوظه:
الكورولا الجديده (نفس الفتيس اللى عندنا MMT) و الهيونداي سوناتا الجديده و هيا فعلا عربيه تستحق الإحترام (شكلا على الأقل. انا ماسوقتهاش) و أكيد اللى خلى الكورولا تظهر هناك كده إن المصريين قالو إن فيه مشاكل كتير فى الفتيس بتاعها :) فا الفنلنديين بيعاندونا بقى (دعابه مغرضه. عشان مفيش أي مقارنه بين مصر و فنلندا فى أي حاجه اساسا)