للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

**buddha** · 06-03-2013 10:22 PM

دى حاجة بردة لتركيب ال ANTI ROLL BAR
اعتقد انها ممكنة جدا

بس طبعا ثبت البار فى الدنجل بتعديل

بس ممكن الاستغناء عن الحركة دى

افيز عادى

والجوينات المستخدمة موجودة

دة منظر الجوينت

الراجل فى السيت ال عمل الشغل دة كلفة وقت 50 دقيقة فقط

**gebreel** · 06-03-2013 11:07 PM

طيب و الشدادات؟

**Ahmod** · 07-03-2013 12:17 AM

طبعا موضوع ممتاز والحلول مافيش كلام انها لو اتطبقت هتحسن ثبات السيراتو بشكل كبير جدا !!!

لكن انت اهملت ال Cost benefit ratio !! ؟

هتدفع كام وهتاخد في المقابل ايه !! ؟ اه هتاخد في المقابل ثبات جامد جدا جدا !! لكن هل انت محتاجه ؟

اللى بيعدل العفشة وبيصرف عليها المصاريف دي لازم يكون مسقط مكنة قوية عشان يقدر يوصل للثبات المطلوب مقارنة بقوة الماتور

انا من وجهة نظري شايف ان السيراتو مش محتاجة اكتر من نوع كاوتش رياضي

قدامك اما ال Ecsta SPT او لو فيه ميزانية للادرينالين

وبكدة هتاخد ثبات مرضي جدا جدا ومناسب بالنسبة لقوة الماتور !!

انا عن نفسي الياريس غير ان تصميم العفشة Torsion beam برضوا !! لا دي كمان عالية عن الارض

بس بعد التجنيط وتركيب كاوتش محترم Ecsta جنط 16 مع عرض 195 قدام و205 ورا

الثبات اتحسن بنسبة كبيرة جدا جدا وحاليا بفكر في تركيب ال Stabilizer bar واعتقد كدة الثبات هيبقى مرضي جدا جدا بالنسبة ليا

**speed_magnum** · 07-03-2013 12:25 AM

ايوه كده
هو ده الشغل العالي
بس يا ريت تجيب تجارب عمليه

**Dr'AhmZZong** · 07-03-2013 12:34 AM

أنا شايف إن احسن حاجةهتـفيد في الموضوع ده : العفشة ال سوبرت ..

لازم العربية تكون تكاد تلمس الأرض يعني مش اكتر من 5 سنتي مثلا ..

و طبعا مفيش عربية هتستحمل الموضوع ده و خصوصا في مصر .. و هتصرف كتييييييير !

أنا عندي صني 2010 : العربية من ورا على دنجل بس مش ثابت كده لأ واخد معاه حاجة كده زي z link بس مش 100% لأ ! و معاه كده زي 2 link في كل ناحية على الجنب 90 degree على الدنجل معرفش فيدتهم ايه بصراحة ؟؟ ..

المساعد عندي جو السوستة و واخد ميلة كده على الدنجل حوالي 60 degree و ده مساعد كده في موضوع العومان ده ..

العربية عندي نشفة جدا من ورا لدرجة الرخامة هههههه بس الحق يتقال لما تيجي العربية يجيلها فرصة إنها تعوم بتكلبش في الأرض بتريقة غريبة !!!!

بس الدنجل عندي تقيل جدا و كمان مفيهوش حتة بلاستيك و كمان عريض حوالي 10 ل 15 سنتي مقستوش ..

اتمني إني اكون أفدت ..

تحياتي ..

**moha4tec** · 07-03-2013 01:35 AM

المشاركة الأصلية كتبت بواسطة buddha

watts link
فعلا تعديل ينفع على التورشن بيم
بس فية بار هيحتاج يتعملة شغل فى الشاسية السفلى على ما اعتقد عشان يتثبت علية

+11111111111111 معاك حق فى دى فعلا معدلين فى كفة السوسته و فى حته من الشاسيه

وكمان فى اماكن فى الدشمة بتاعة الطنبورة هتبقى ناقصة
لا دى مش محتاجه تعديل هى جاهزه و ليها حل

مش عارف كدة صعب اوى بس بالتوفيق لو ينفع ومتابع يا باشا معاك

ربنا يكرمك و مشكور على تعبك و منور الموضوع

**moha4tec** · 07-03-2013 01:36 AM

المشاركة الأصلية كتبت بواسطة محمد بدر

برنس والله
موضوع أكثر من ممتاز وكلمة ممتاز كمان قليلة جدا عليه ومجهود جبار وبحث رائع وعرض سهل ولذيذ وأنا شخصيا بهرنى هذا الموضوع

بارك الله لك
انا للأسف الشديد مقدرش أتكلم أو أضيف معلومة لموضوعك هذا فالموضوع ده محتاج لخبرات كثيرة فى هذا المجال وأنا لم يحدث لى وقمت بتعديل عفشة سيارة من قبل
ولاكن لى وجهة نظر وهى فى أعتقادى ان جميع السيارات المنتجة من قبل المصانع والشركات المختلفة تمر بتجارب ليس بالقليلة حتى تصل بها إلى أفضل النتائج الممكنة
ولذلك موضوع التعديل أكيد بيكون على حساب أشياء أخرى لا أعلمها وإلا كانت نفذت من قبل الشركات المصنعة
فأرجو من حضرتك ان تصحح لى إن كنت مخطئ فى هذا الطرح
وعلى قدر سعادتى بهذا الموضوع وطريقة سرده
على قدر سعادتى بقسمنا هذا والذى أصبح من أنشط الأقسام فى هذه الأيام
من الواضح جدا ان الصقور رجعين لزمن الماضى الجميل

منتظرين وبالتوفيق يا صقور كيا الغاليين

+111111111111111111
كلامك مظبوط و فعلاف ى تجارب اتعملت و اتجربت على تعديل العفشه الخلفيه للسيراتو
و اخير تم التوصل ليها هى و الالنترا و الفلوستر

**Hmatchy** · 07-03-2013 03:55 AM

موضوع جميل وجهود تشكر عليه
انا مش عايز احبطك بس المصاريف دى حرام تصرفها فى سيراتو او النترا انا اسف
لسببين اولهم ان مش العفشة بس اللى عليها عامل الثبات ولكن تصميم جسم العربية زات نفسوا عليه عامل كبير بانو اما يرفع الهوا من فوق العربية او يسحبو تحتها ولو قولنا العلاج باننا نوطى العربية هو حل للمشكلة الثبات لو هتستخدم العربية على الدائرى وطرق السفر بس لكن متفكرش تدخل بيها جوا اى مدينة
احنا لو حسبناها
120 الف جنيه تمن العربية+ فى حدود 30 الف جنيه كل التعديلات ( من غير تسقيط متور محترم) = 150 الف جنيه
اروح اجيب بى ام 98 مثلا و اعدلها ام 3 بالكامل ومتور جامد مفتكرش انها هتعدى المبلغ ده وهيبقى اسكى راكب بى ام واى مليليم هحطو فيها هيرجعلى
لكن لو صرفت مهما سرفت على السيراتو او الالنترا لما تيجى تبيع هتبيع بنفس تمن الاستوك لان معروف انها عربيات عائليه
لكن لو بتتكلم من الناحية العلمية البحتة اظن حلين او 3 من اللى ذكرتهم هيدوك ثبات هايل

-

مشاهدة نتائج الإستطلاع: من رايك اى حل من الاتى .يزيد ثبات السيارات المذكوره.

الموضوع: للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

LinkBack

أدوات الموضوع

عرض

-

-

-

-

-

-

المواضيع المتشابهه

احلي لون للوجان من وجهة نظرك انت بس

من 180 الى 300 قولى الأفضل من وجهة نظرك !!

ايهما افضل من وجهة نظرك

اية افضل شركة من وجهة نظرك

الكلمات الدلالية لهذا الموضوع

المفضلات

المفضلات

ضوابط المشاركة