الموضوع: للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

المشاركة الأصلية كتبت بواسطة Formulator

من الحاجات اللى أكيد كانت هتخلى Earl McPherson نفسه... ينتحر؟!!
عفشة الكورى عموما، والجديد تحديدا؟!!

- أكيد كله ملاحظ قرب الكاليبرات بتاع الفرامل من الجنط؟؟!!! فـ السيراتو والريو والإلنترا؟!!



الحقيقة أنا فـ الأول كنت مستغرب جدا من المنظر ده؟؟؟!!!!!! وكنت عايز أعرف السبب!
أكيـــــــــــد عيب فـ التصميم؟!! ههههههههههههههههههه
دا الجنط هيخبط فـ كاليبر الفرامل؟!! lol

- لقيت ان الجنوط الـ17" بتاع الكورى.. آخرها يركب عليها كاوتش 195-205؟!! عشان عرضها 6.0-6.5J قليل؟!! (بالمعادلة الشهيرة بتاع تعديل الـrims/wheels).

طبعا كل الكيا-هونضاى اللى بجنط 17 الكاوتش 215..
(أصلا كنت بقول ليه مش 225 >>> أكيد عشان كورى = form over function شكل مش أداء)!! هههههههههههه

- العربيات الألمانى-الأوروبى الجنوط الـ16" بيبقى عرضها 7J وكاوتش 205-215
والجنوط الـ17-18 فـ الألمانى عرضها 7.0-7.5 إنش والكاوتش 225 أقل واجب!

الأفكس بقى: الـOff Set بتاع إلانترا-سيراتو بيلعب فـ أرقام positive أوى: ET 50 وحاجات كده -مابيقلش عن 42-45؟!!
Eehhhhh؟؟!!! دا العربيات التانية آخرها 31-35 وكلام كده!!
هو ليه العجل داخل لجوا أوى كده؟! أكثر من الطبيعى بتاع العربيات الـFWD؟

كده إتأكدت ان فيه مصيبة -- عاملها فـ design العفشة؟!! lol هههههههههههههههههههه

بس يامعلم.. شوية search:
وهتلاقى انه بيحاول يعوض تأثير الـtrack-width السلبى على العفشة قدام (أنا بتكلم قدام ياجدعاااااااااااااااان)!! هار أسود!

عشان مايضطرش يعمل very positive camber
وعشان يعمل الـscrub-radius بالـnegative (مهم للهاندلينج وسهولة التوجيه ومنع الـTorque-steer فـ عربيات الكبالن fwd)
فـ بيركب جنوط بـoffset عالى أوى كده؟!!!
رغم كل الشقلبة والعك ده؟!!
(آه هما مش عارفين الكلام ده -- للى هيسأل يعنى: الكوريين ممكن يبقوا عارفينه بس مش عارفين ينفذوه، أوى تكلفته عالية عليهم)! هههههههه

still
1- العفشة قدام بتعمل kickback (الدركسيون بينط من النقر والحفر والمطبات).. وعشان المكفرسون قدام مابيمتصش الصدمات كويس >>> بلالين!
2- الدركسيون ثقيل.. مفيش الدقة والـdirect-steering feel عشان حته الـscrub-radius دى!!
3- ولما تقرص عليها من سرعة صغيرة >>> بتعمل Torque-Steer بتحدف طبعا؟!! lol
+ ان الأداء فـ الـcornering الملفات سيئة جدا -ودى متفق عليها؟!!

طبعا الـwheel-spacers الفلانشات هتحل جزء من المشكلة، لكن هتغير تماما فـ الـsuspension-geometry والـhandling/stability، ومش هنتكلم عـ التحميل على بلى العجل! lol

أمال كان بيعمل دا كلوا ليــــــــــــــــــه؟؟ Epic Fail بصراحة! هههههههههههههه

اللى عايز أقوله من الآخر:
- العربيات دى إتعملت عشان يركب عليها جنوط 15 وكاوتش رفيع -- 185؟!!
- العربيات دى ماتعملتش للعب والتعديل فـ العفشة (ولا فـ الموتور أكيد) لأن أساسياتها -الهندسية- ماتستحملش (مش معمولة لكدا)؟؟!!

إضافة أخيرة
حتى الكوب الـ2400cc أكبر موتور بينزل عليها: حجم الباور اللى بيطلعها (170+ حصان) مش الرقم الـimpressive اللى يخليه يراجع العفشة عشان يحسن الـdriving-characteristics بتاع العربيات دى!!

- وأعتقد الضفدعة المتربة والـpro'ceed مش هيفرقوا كتير! هههههههههههههههه
عـ الأقل العفشة قدام زى ماهى (يعنى الملتى-لينك ورا مش هيحل المشكلة يافكيك)!!
الموضوع أكبر من كدا

إلى اللقاء فـ المشاركة القادمة: الإفتكاس الكورى الـweird فـ الـfront/rear track والإختلاف الشاسع عن مقاييس الألمانى!! lol
بدون زعل! هما ضايعين فـ الحتة دى.. الشاسيه والعفشة بخخخخخخخخخ!!

Rgds،

كلامك مش مظبوط اوى .. الجنط الـ 17 بتاع الريو مش زى السيراتو
السيراتو 7.0J من 6.5

مش عارف الـ scrub-radius بتاع السيراتو كام .. بس لو بالـ Negative مش حاجة وحشة لان دا كدا هيسهل التحكم فى الدريكسيون وبعدين معظم العربيات الجديدة الـ scrub-radius بتاعها بالـ negative

وبعدين ايه المشكلة لما يكون الـ clearance بين الكاليبر والجنط قليل !! .. فى شركات بتنصح ان الclearance بين الكاليبرات بتاعتها وبين الجنط اقل حاجة تكون 2 ملى .. يعنى لا شئ تقريبا

بالنسبة للـ offset عندك الـ 330 مثلا بتنزل 47+

وموضوع انهم مش هيعرفوا يعملوا عفشة فا الكلام دا مش مظبوط .. اركب الـ gensis الكوبيه الاول وبعدين اتكلم فى الموضوع دا