مواصفات أوكتافيا الجديدة اللي هتكون في مصر ( من أرتوك )

**inspiron** · 12-03-2013 01:34 AM

المشاركة الأصلية كتبت بواسطة falcon.crest

لا تعليق علي اسلوبك
و فعلا في مصر النلس بتشتري العربيه علشان الاوبشن مش حاجه تانيه

لا تعليق علي وجهة نظرك..مع ألف سلامة

**inspiron** · 12-03-2013 01:37 AM

المشاركة الأصلية كتبت بواسطة hossam_elwani

وهو فيه موتور dsg مانيوال ؟؟!!

المشاركة الأصلية كتبت بواسطة Mohyeldin1974

ممكن حد يوضحلنا موضوع المانيوال ده
انا مسمعتش ان هينزل منها مانيوال فى مصر ...ياريت يبقو حلو المشكله
وممكن حد يأكدلنا نوع البنزبن

موجود يا رجالة طبعاً

https://www.youtube.com/watch?v=wjWY1XlFe-E

**inspiron** · 12-03-2013 02:23 AM

المشاركة الأصلية كتبت بواسطة falcon.crest

طول عمري في المنتدي ده بعلق بشكل مباشر علي المواضيع عمري ما علقت علي اسلوب اشخاص
و مشاركاتي كلها توضح ده
انا رديت بارقام مواتير العربيات الي انت قارنت بيها
و حضرتك مش قدرت ترد غير علي الاوبشن مجبتش سيره قدرات محركات الي هي العامل الاساسي في سعر العربيه و قدرتها
عموما حضرتك الاسكودا التشيكي التي يتم تصنعيها بتكنولوجي الماني و الي هي البراند رقم 3 في مجموعه vw
احسن و اعظم عربيه في العالم
ردك علي مشاركتي زي ما حضرتك رديت علي الدكتور احمد شهدي من 3 ايام في احد المواضيع
يدل علي انك انسان ببناقش بهدوء و منطقيه و قدره علي الاقناع و تقبل الراي الاخر بكل مرونه ما شاءالله عليك
المفروض تعمل مواضيع و ترد فيها علي نفسك علشان قدرتك الغير عاديه علي تقبل الراي الاخر
و مع ملييييييييييييييييييييييي ييون سلامه

هو أنا مستنيك يا بيه تعرفني الفرق بين موتور الفولفو و موتور الأوكتافيا !! ولما سيادتك خطير أوي كده..متعرفش إن تسارع الـ s60 بالـ 180 حصان من 0-100 في 9.1 ثانية..مقابل 8.5 ثانية في الأوكتافيا عشان فرق الوزن !!..الله يسلمك يا فندم وسلم علي الدكتور أحمد شهدي كتير..:) مع تريليوووووووووووووووووووو ن سلامة

**inspiron** · 12-03-2013 02:35 AM

المشاركة الأصلية كتبت بواسطة omar-saad

طيب معرفتش امتى لعربية هاتنزل ؟

إن شاء الله يا باشا علي كلام الوكيل في شهر أبريل هتوصل أول دفعة.

**inspiron** · 12-03-2013 02:44 AM

المشاركة الأصلية كتبت بواسطة dozo

يا جماعه اهدوا الموضوع مش مستاهل والله .
العضو inspiron مشاركاته كلها مفيده و محترمه و الكل هنا فى القسم عارف كده .
و كذلك العضو falcon. Crest مشاركاته محترمه بس هو سوء تفاهم مش اكتر.
هو يمكن قصد مهندس الصيانه ان العربيه نازل فيها option مش موجوده فى عربيات اعلى و هذا سبب غلوها لفئه سعريه اعلى و هذا طبيعى و خصوصا فى مصر لان اى مسمار زياده فى العربيه بيحاسبك عليه كجمرك . الموضوع مالوش دعوه بالمواتير و لا بالصناعه....
مثلا الالنترا الفئه اللى قبل الهاى لاين بقت اغلى من الاسترا الانجوى لمجرد انها اكتر فى الكماليات و هكذا.......
وواضح ان الاوكتافيا الجديده نازله بحجم اكبر و كماليات اكتر فطبيعى انها تتنقل من فئتها لفئه اعلى و بكره الايام توضح اكتر و الموضوع مش محتاج الشده دى كلها .

ينصر دينك وهو ده كل قصدي...أحب بس أضيف جزئية صغيرة..إن الموتور الـ 1400 اللي هينزل في العربية ( من كلام الوكيل )...هيكون 1400 سي سي 140 حصان 250 نيوتن

القديم كان 1400 سي سي 122 حصان 200 نيوتن.

**طارق _عبد السلام** · 12-03-2013 02:48 AM

بس ذكاء من الوكيل انه يوفر 1400 اكثر
لانهم حاسين بكارثه السعه اللتريه المرتقبه
وممكن بردوا ينزلوا منها 1.8
بس فعلا ذكاء انهم يركزوا على الفئه دى
والطيارين بتوع 1.8 سى سى تربوا عادى ممكن الوكيل ينزل لهم طلبهم بس يبقى ينزل طرق مستورده علشان تستحمل المواتير والموتورين بالسرعه

-

-

الموضوع: مواصفات أوكتافيا الجديدة اللي هتكون في مصر ( من أرتوك )

LinkBack

أدوات الموضوع

عرض

-

-

المواضيع المتشابهه

أودي الجديدة، قصدي أوكتافيا الجديدة

سيفيك ولا أوكتافيا الجديدة

البلو تووث في أوكتافيا الجديدة

أرتوك أوتو تطرح "أوكتافيا فانتازيا 2010"

أوكتافيا الجديدة ليست صيني

الكلمات الدلالية لهذا الموضوع

المفضلات

المفضلات

ضوابط المشاركة