الموضوع: مواصفات أوكتافيا الجديدة اللي هتكون في مصر ( من أرتوك )

المشاركة الأصلية كتبت بواسطة Moratoz

لولا اختلاف الازواق لبارت السلع
كل واحد بشوف حاجه معينه في العربيه ئل عاوز يشتريها مقارنه بالسعر القادر علي دفعه ومعني ان سعرها غلي نتيجه سعر الدولار فأكيد برضه العربيات التانيه هتغلي ايضا لنفس السبب
ومشكور يا أ/ أحمد علي المعلومات التي تخص الأوكتافيا الجديد ( مع العلم مش احنا ئل عملنها )

انا طول عمرى باحلم بانتاج منتجات صناعية مصرية 100% واول حاجة صناعة الماكينات اللى بتصنع الماكينات يعنى قبل ماتفكر تصنع عربية صنع الأول الtools بدء من المفكات والمفاتيح مرورا بالمسامير والمكونات الألكترونية صناعة مصرية 100% بمعنى انتاج وتصميم مصرى اتحدى حد يلاقى شركة مصريه واحدة بتنتج منتجات زى دى بكفائة 50% من الصينى حتى للاسف مفيش !! لكن حكاية انك تجمع عربيات مستورده فى مصر دى صناعة فاشلة وانا صراحة بتحسر على الطاقات اللى اعرفها من شباب المصممين والمهندسين والمبدعين فى مجالات هندسة الكومبيوتر والفيزياء والكيمياء المصريين اللى بيشتغلوا فى مصر تحت القهر والظلم والتحطيم ورغم كل ده انا اتوقع ان الفترة الجاية العالم كله حيفاجئ بطفره فى الأنتاج الصناعى المصرى وده مش بفضل الحكومة ولكن بفكر الشباب المصرى اللى هو احنا انا وانتم علشان منفضلش ناكل فول وننبهر بالتقدم التكنولوجى اللى الأجانب بيحققوه وربنا يوفقنا كل واحد فى مجاله اسف للاطاله بس الواحد بيفضفض من قهرته ؟؟؟!!!!