الموضوع: مواصفات أوكتافيا الجديدة اللي هتكون في مصر ( من أرتوك )

المشاركة الأصلية كتبت بواسطة Falcon.Crest

1- حضرتك برده مش رديت هي ازاي تتساوي مع A4 320 N.M 1.8 TFSI
2- حضرتك هي ازاي اعلي من Volvo S80 and Passat CC

Volkswagen Egypt
3- حضرتك ليه دائما مش بتعلق علي تكلفه التشغيل للعربيه و الفتيس الجديد الي هو في نفس الوقت مختلف عن
الاودي ,و اقل اعتماديه من S.Tronic
Direct-Shift Gearbox - Wikipedia, the free encyclopedia

4- المحركات 1.6 تيربو افضل من 1.4 تيربو كعمر هندسي و تكلفه تشغيل و دي نقطه مش في صالحها
دي المحركات الموجوده في c5-508-ds5-316-C180 -S60-S80

5-ايه عيوب العربيه لان مش معقول كلها مميزات
حضرتك العربيه هاتكون معديه 250 الف لازم نتكلم بحياديه علشان اي حد يشوف الكلام ده يقرر يشتري او لا
مش يا حرام يشتري و بعد 25000 الف كيلو العربيه تجيب فتيس لو كانت كويسه
انا في اليوم الي سلمت فيه الجولف للتوكيل يوليو 2012 كان في 3 عربيات تانيه التوكيل بيستلمهم لنفس العيب الفتيس و تم تغييرهم بعد 4 شهور معايه

و انا هاتستخدم هنا تعبير الاستاذ هاني ( و الله كنت بحسد الي معاه اسبيرانزا ) لانه مش خايف تقف

والله إيدي واجعتني من كتر الكتابة ههههههههه،،وحضرتك بردو مصمم تثبت إن العربية لا تقارن بأي حاجة ، وواخدها في الرجلين لمجرد مشكلتك مع الجولف بتاعتك وهي أساسا لسه منزلتش !! وتجاهلت نقطة إن فيه كلام إن مشكلة الفتيس هتتحل خلاص ورديت وشككت وقولت انك غيرت الميكاترونيك من سنة ،، ومش منتظر ان بعد مرور سنة تكون اتحلت!!

وبالنسبة لعدم ردي علي الباسات cc و ال s80 ده مش عشان أنا خايف منهم مثلاً هههههههه،،،الs80 مع مديري في الشغل ومواصفتها زي أي عربية في فئتها ( w211 ، e60 ، ممكن نقول سوبيرب ١.٨ ) ولعلمك ال s80 دي وصلت مصر متأخر جداً ، الشيب ده من ٢٠٠٨ برة مصر !!!!!!!!!!!!!.يعني فات عليها ٥ سنيييييين
بالنسبة بقه للأودي a4 أنا كلامي معاك كان واضح جداً إني مجبتش سيرة ال 1.8 tfsi مع ال 1.4 tsi ،، أنا بس عاوزك تقولي إيه اللي مش موجود في الأوكتافيا من مواصفات وعوامل الأمان وموجود في الأودي a4 !!!! والعكس
ونفس الكلام ده طبقه علي الباسات cc مع الأخذ في الإعتبار بقه يا وحش إنها موجودة من 2009 يعني من 4 سنين،، اللهم عملولها facelift من باب التغيير.
بالنسبة لموضوع العمر الهندسي وتكلفة التشغيل للمحركات ١.٦ أحسن وأعلي من ١.٤ ،،، وربنا مانا رادد بقه،
بس مع فرض إن كلامك ده صح !! ليه مقولتش كده علي الأودي بتاعتك !!!

بالنسبة لموضوع المناقشة بحيادية عشان نساعد الناس في إتخاذ قرار الشراء من عدمه،،فأنا بتكلم بكللللللل حيادية وموضوعية ووجهة نظر مسنودة بأدلة مادية،،،وواضح جداً من كلام حضرتك انك بتساعد الناس في إتخاذ قرار الشراء من عدمه،،صح ولا إيه ! بأمارة التعبير بتاع الأستاذ هاني!

صباح الفل يا باشا وتقبل تحياتي،،وأنا شخصياً مش شايف فيها كلام تاني ممكن يتقال،،حضرتك ليك وجهة نظر وعمرك ما هتقتنع بحرف غيرها،،وانا و كتييييييير زيي لينا وجهة نظر وعمرها ما هتتغير،،فأسلم حل لإرضاء جميع الأطراف هو انتظار وجود السيارة بالسوق المصري ،، وعلي ما ده يحصل ممكن نجتهد بقي و نشوف التقارير الأجنبية وانطباع الأوروبيين عنها أمام باقي فئتها بعد فترة إستخدامها،،،،،،

شكراً ،، بالتوفيق