مع احترامي الشديد لخبرة حضرتك... ولكن الزيت المعدني فيه منه أنواع ذات لزوجة منخفضة حسب المنطقة المسوق فيها..
منطقة الشرق الأوسط بشكل عام تعتبر من أكثر المناطق حرارة في العالم... وعلشان كده.. الزيت المسوق هنا غالبا بيكون تقيل مقارنة بزيوت أوروبا... وده مالوش أي علاقة بكون الزيوت في أوروبا ذات كفاءة أعلى من زيوتنا هنا..
على سبيل المثال... الزيوت المعدنية في روسيا (من أبرد الأماكن في العالم) لايمكن تسوق فيها زيوت مثل 20W-50 إطلاقا... إنما غالبا الزيوت هناك بتكون في حدود الـ5W-30 أو أقل.... وزيوت معدنية وليست تخليقية
http://cdn.autofreaks.com/wp-content...l-797x1024.jpg http://www.rameshmarketing.com/image...1000-5W-30.png
أعتقد إن الزيوت التخليقية ممكن تكون أتقل لو اتخصص منها أنواع للشرق الأوسط ... وحضرتك ممكن تفيدنا أكتر في النقطة دي.
بردو أختلف مع حضرتك في نقطة إني أدفع قليل في الزيت... أنا شايف إني أدفع قليل وأحافظ بردو على موتور عربيتي بإني أستخدم الزيت الموصى عليه من المصنع بحد أدنى... بغض النظر عن كونه معدني أو تخليقي... لإن أغلبية كتالوجات السيارات ما بتقولش لحد اشتري تخليقي (إلا بعض السيارات السوبر رياضية).
من وجهة نظري ... أنا ممكن أستخدم الزيت التخليقي لغرض التوفير أساسا... بإني أشتري الزيت وأغيره كل 20 ألف كيلومتر فما فوق... وفي نفس الوقت أحافظ على الموتور... كده يبقى فعلا أدى المطلوب منه بكفاءة عالية جدا.
...