كل ما كنا قريبين للمواصفات يبقى أكيد أفضل..
بس لو تقدر تصورلنا صفحة الكتالوج زي الأستاذ michohat يكون أحسن ... يمكن نلاقي فيها مخرج تاني.
...
مفيش داعي للاعتزار عن التأخير حضرتك لان مفيش تأخير حصل ولا حاجه
وربنا فراج الكروب واكثر من الاستغفار
بالنسبة للزيت حاسس ان حضرتك ميال للمعدني
وبالنسبة لي مش هتفرق معايا معدني ولا تخليقي ولا زيت ايه لاني بدور على الحاجه اللي بتدي عمر اطول للموتور و تصونه بغض النظر عن هيا ايه
حاليا متوفر امامي الدرجات 5-30 و 5-40 و 5-50 من التخليقي بالكامل وبدرجات مختلفه لا تقل عن sn or sm
فاخليني معدني زي ما انا 15-50 ولا انقل للتخليقي ولو تخليقي اثبت ع ال5-30؟
فكري اني رايح لل 5-50 علشان بس اظن انه متشابه مع 15-50 اللي كنت بحطه في انه 50
اسف اني بعيد الكلام تاني و بزعجك
حضرتك كنت بتكتب المشاركة معايا في نفس وقت تقريبا... شكرا جزيلا على المعلومات الإضافية
وأحب أضيف أيضا إن الـILSAC هي أحد المنظمات الي بتحط مواصفات الزيت على مستوى العالم...
و ILSAC هي اختصار لـ International Lubricant Standardization and Approval Committee ... بمعنى "اللجنة العالمية لاعتماد وتقييس الزيوت"
وأشهر المنظمات الحالية اللي زيها
الـACEA جمعية مصنعي السيارات الأوروبيين (Association des Constructeurs Européens d'Automobiles)
الـJASO منظمة مواصفات السيارات اليابانية Japanese Automotive Standards Organization
وطبعا... أشهرهم على الإطلاق.. الـAPI ... زي ما ذكرنا في المشاركة الأولى.
___________
بالنسبة لموضوع Mobil 1 والزيوت الأخرى ... فأعتقد إن الفرق يكمن أساسا في نوعية الإضافات الموجودة داخل كل زيت منهم.
الإضافات اللي بقت موجودة كتير في الزيوت الحالية غالبا هتكون:
* إضافات من مركبات الزنك... والهدف منها إزالة الرواسب الموجودة داخل الموتور وتنظيفه باستمرار.
* إضافات التفلون... ودي نفس المادة المستخدمة في أواني الطهي عديمة الالتصاق (تيفال)... وهي نوع من البلاستيك الطري بيساعد في تقليل الصوت ويزود القدرة على مواجهة الأحمال العالية.
غالبا ... موبيل 1 فيه إضافات الزنك أعلى... علشان كده بيسود بسرعة لإنه ببساطة... نظفلك موتورك
لو عايز معلومات أكتر في الموضوع ده ... ممكن تروح على المشاركة رقم 62... فيها كلام أوضح عنه.
...
أنا ميال فعلا للمعدني لسبب أساسي... هو إن العربية عندك بقى عمرها 5 سنين... يعني لما تيجي تحول للتخليقي فيه احتمال كبير إن جوانات وأويلسيلات الموتور تضرب...
عندك استعداد تحط زيت تخليقي وبعد كده تلاقي الموتور جايب زيت من كل حته؟؟ ده غير احتمال انسداد الفلتر لما تيجي تعمل فلش.
لو نويت على التخليقي خلاص... خليك أحسن في الـ5w-30 ... زي الكتالوج ما بيقول.
...
تمام كده
وخصوصا وان في عندي معلومه سابقة بان صاحبها السابق كان بيتأخر عليها ف غيار الزيت (لاني لسه شاريها من قريب)
بس عاوز استفسر عن نقطه احتمال انسداد الفلتر في حاله الفلش
هل المقصود ان الفلتر الجديد اللي هغيره بعد عمل الفلش فيه احتمال انه ينسد؟ من ايه طيب
حسب فهمي ان الفلش بينظف داخل الموتور وبينزل مع الفلش والزيت القديم ولا في بقايا ورواسب بتاخد وقت لحد لما تنزل؟
أعذرني في السؤال الشخصي .. ولكن ما هو نوع الزيت اللى حضرتك بتفضل تستخدمه في سيارتك
هل هو شل أم موبيل أم نوع آخر وهل معدني أم تخليقي .. وهل فعلا قلبك بيطاوعك تسيب الزيت لمدة 20 ألف كيلو على الأقل زي ما حضرتك كتبت في إحدى المشاركات
تسلم ايدك موضوع رائع
أعراض تلف الأويلسيلات بشكل عام هو ظهور رشح زيت حوالين الأويلسيل التالف...
لو كان التسريب بسيط هتلاقي بعد فترة طبقة رقيقة من الأتربة المشبعة بالزيت
ولو كان التسريب شديد.. هنلاقي طبقة الأتربة دي سميكة ومشبعة جدا بالزيت، وممكن توصل إنك تشوف زيت سائل فيها.
في المقابل طبعا.. هتلاقي الزيت بينقص.. معدلات نقص الزيت تختلف حسب شدة التلف
الحاجة المهمة اللي لازم ناخد بالنا منها هو الربط بين تلف الأويلسيل وتغيير الزيت من معدني لتخليقي... لإن تلف الأويلسيل بالصورة دي بيحصل بصورة طبيعية للسيارات القديمة اللي عدى عمرها الـ10 سنوات
...