بدون مجاملة ( برنس )
بدون مجاملة ( برنس )
السلام عليكم
انا اعرف ان تغيير الزيوت للفتيس الاتوماتيك بيبقى حسب توصيات المصنع للفتيس وكل فتيس غير التانى
يعنى على سبيل المثال كان فى الكرولا 2013 الكتالوج بيقول يتم الكشف فقط على زيت الفتيس كل 80 الف كيلو متر فى حاله القياده العاديه والغير الشاقه ( هوا مفسر ايه هيا ظروف القياده الشاقه ) وكاتب انه يتم تغيير الزيت عند 160 الف كيلو
لكن فى التوكيل مش بيعملوا كده وبيغيروا عند 80 الف كيلو للضمان
المشكله بقى مش فى اللى فات المشكله ان فى بعض المصنعيين زى مثلا الكروز والعربيه الاوبل الاسترا بيستخدموا زيت فتيس ديكسرون 6 والمصنع بيقول ان الزيت ده life time يعنى مش محتاج يتغير خااالص
هل ده منطقى ان فعلا الزيوت دى اللى هيا ديكسرون 6 مش بيتغير خواصها مع الزمن ومع المسافات
ارجوا المهندس بوريو يتفضل بالاجابه او اللى عندى خبره فعلا فى الموضوع يججاوبنى
وشكرا مقدما
هوا فين البشمهندس بوريو كل ده ؟؟؟؟
لعل المانع خير
أولا .. أنا آسف جدا للتأخير.. في الحقيقة أنا بقيت مشغول شوية في الفترة دي ودخولي على المنتدى بقى أقل من الأول كتير..
والمشكلة إني أحيانا بشوف المشاركة بس مش بعرف أرد علشان ببقى عايز أرجع للكتالوجات أو أدور في النت على المعلومة المؤكدة... فبضطر أستنى شوية لحد ما أفضى...
سامحني لو أتأخرت.. بس بصراحة كنت عايز أرد وأنا متأكد.
المهم...
أنا عندي كتالوج الكروز 2012 و2014... ومكتوب فيه بوضوح إنها بتستخدم زيت ديكسرون 6....
أما جدول الصيانة في الكتالوج فهو متقسم لجدولين... واحد للاستخدام العادي والتاني للاستخدام الشاق...
في الاستخدام العادي.. مكتوب إنك لازم تغير زيت الفتيس الأوتوماتيك (ديكسرون 6) كل حوالي 156 ألف كيلومتر
أما في الاستخدام الشاق.. جدول الصيانة بيلزمك بالتغيير كل 75 ألف كيلومتر فقط (نصف المسافة تقريبا).
ملخص الكلام...
معظم الزيوت الجديدة بتاعت الفتيس عمرها بين 75-100 ألف كيلومتر في حالات القيادة الشاقة... أما حالات الاستخدام العادي فغالبا بيبقى عمره بين 150-200 ألف كيلومتر...
مع إن بعض الصانعين بيكتبوا فعلا إن الزيت مش محتاج أي صيانة في الحالات العادية... زي هيونداي مثلا..
بس احتمال إنهم بيقولوا إن الزيت "life time" في حالات الاستخدام العادي على أساس إن متوسط عمر العربية مع مالكها الأول (في بلاد العالم الأول) ما بيزيدش عن 6-7 سنوات.. ولو حسبتها بمعدل الاستخدام السنوي (حوالي 15-20 ألف كيلومتر سنويا) يبقى أغلب أصحاب العربيات مش بيشوفوا عداد العربية ماشي أكتر من 150 ألف كيلومتر.
فطبعا كلام حضرتك منطقي جدا ... مفيش زيت عمره life time
تقدر تشوف كتالوج الكروز من هنا...
ده كتالوج الكروز بتاع أمريكا
https://drive.google.com/file/d/0B5R...ew?usp=sharing
ده الكتالوج بتاع الهند
https://drive.google.com/file/d/0B5R...ew?usp=sharing
ويا ريت تقوللي إذا قدرت تشوف الكتالوجات ولا لأ.. علشان اللينكات دي على حساب جوجل بتاعي وعايز أتأكد إنهم شغالين.
...
حساب جوجل شغال كويساقتباس:
ويا ريت تقوللي إذا قدرت تشوف الكتالوجات ولا لأ.. علشان اللينكات دي على حساب جوجل بتاعي وعايز أتأكد إنهم شغالين.
و كمان اللبنك بتاع امبارح على جوجل درابف كان شغال كويس
تحياتى و اعزازى و تقديرى
جزاك الله خيرا يا هندسه
اولا انا عربيتى مش كروز هيا اوبل استرا وفى ناس بتقول انها نفس فتيس الاوبل بس انا اشك فى ذلك لان الكود مختلف وحتى المصنع مختلف
المهم فى الامر ان اللى فهمته ان حتى لو الزيت اللى بستخدمه هوا ديكسرون 6 والمصنع بيقول انه life time يفضل انى اغير كل فترات من 70 الى 80 الف كيلومتر
وان كلمه لايف تايم دى مش مناسبه تقريبا معانا احنا الشرق الاوسط
بالمناسبه هوا ايه الاختلاف الرئيسى بين الديكسرون 3 مثلا والديكسرون 6
هل اللزوجه فقط ام ان ده زيت تخليقى والتانى لا ؟؟؟؟
فين حضرتك يا لشمهندس بوريو
روابط
For those still insisting to use DEXRON III instead of DEXRON VI - LS1GTO.com Forums
For those still insisting to use DEXRON III instead of DEXRON VI - LS1GTO.com Forums
اقتباس:
الاختلاف الرئيسى بين الديكسرون 3 مثلا والديكسرون 6
DEXRON®-VI is an improvement over DEXRON®-III in the following areas:
DEXRON®-VI
Fluid Service Change Interval
For Cars and Light Duty Trucks-
(100,000 mi) 160,000 km
(Severe Use) For Cars and Light Duty-
80,000 km ( 50,000 mi )
Clutch Friction Stability Improved 100%
Clutch Durability Due To Fluid Improved 120%
Oil Film Thickness Increased 20%
Fluid Oxidation Improved 100%
Foam/Aeration Improved 150%
Shear Stability Improved 200%
شكرا جدا لتعبك ومجهودك وربنا يجعله فى ميزان حسناتك
من فضلك اشرح لى كيفية استخدام زيت الفلش لتنظيف الموتور من حيث الكميه ومع الزيت القديم قبل تغييرة او مع الزيت الجديدوالمدة الكافية لتشغيلة وبالوقت ولا بال كم