تى إى داتا وعدم إحترام عملائها

**tamohsen** · 06-08-2008 02:56 PM

حد جرب ال Dsl الجديد بتاع فودافون؟

**aliabutaleb** · 06-08-2008 03:49 PM

المشاركة الأصلية كتبت بواسطة birdybirdy

اصلي مركبة DSL بس خط لوحدي وعندي مودم خاص بيا من عندهم ومش مشتركة مع حد من الجيران.
ولما بروح ادفع الفاتورة بدفعا وانا واقفة من غير اي تأخير ومعاملتهم كويسة لحد الأن معانا.
واحب اوضح برده اني لما جيت اقدم عندهم في الاول اصلا قالولي قدامك فترة اسبوعين تقريبا والخدمة تدخلك وفعلا بعد ماشتركت بيومين جالي واحد من الشركة وسلمني المودم وبعدها بإسبوعين او اقل الخدمة اشتغلت عندي وكله تمام بس هما في حتة وقعت منهم انهم مبلغونيش يوم مالخدمة دخلت الا لما انا اتصلت بيهم وكل شهر يبعتولي على الموبايل رسالة يبلغوني بمعاد الدفع بس بقالي شهرين مستلمتش منهم رسايل وبصراحة مش عارفة العيب من عندهم ولا من موبايلي لإنه احيانا بيهيس

ا

انا بالظبط زي بيردي
مشترك في خط لوحدي ومفيش أي تغيير ولا في الباسورد ولا في اعدادات المودم
وفعلاً محصلش أي مشكلة معاهم من ساعة ما اشتركت على فكرة
بالعكس الخدمة ممتازة جداً
اما عن الدفع فانا لقيت إن الاشتراك في خدمة الدفع بالكريديت كارد ممتازة جداً
بتروح مرة واحدة تملا طلب الدفع بالكريديت وكل شهر بيخصموا من الرصيد تلقائياً
كفاية ان الخدمة دي بتوفر على الواحد مشوار وطوابير وتضييع وقت ملهوش لازمة
وبالرغم من كدة الرسالة القصيرة على الموبايل ثابتة في معادها كل شهر عمرها ما اتأخرت معايا

**دموع الثلج** · 06-08-2008 04:11 PM

وانا كمان تى داتا ومحصلش عندى اى تغير فى الباسورد ولا اليوزر

هما كخدمه افضل شركه لكن كخدمه عملاء اسواء شركه من شركات الا نترنت

انا دائما مشاكلى معاهم بتكون اخطاء موظفين التى داتا فى السنترال يعملوا اب ديت للسيستم فى السنترال يروحوا موصلين النت وفاصلين حراره التليفون
طبعا لا يشتغل عندى نت ولا تليفون اروح اشتكى السنترال على العطل
يروح موظفين السنترال موصلين الحراره وفاصلين كل الخدمات اللى على الخط ماهو مش شغلهم يوصلوا نت
وانا بئه اقعد وراهم واحد يفصل وواحد يشغل عاملين ذى القط والفار بس فى الاخر بكلم بتوع خدمه العملاء وبفتح فيهم على الرابع لحد ما يخلصوا المشكله

**Dr Ahmed** · 06-08-2008 04:16 PM

اللى لسه ماغيروش الباس وورد وإسم المستخدم جايز يعرفوا اللى أقصده لما ييجى عليهم الدور ويلاقوا النت فصل فجأة بدون أى مقدمات ولسبب مجهول ولاقوا نفسهم لوحدهم تماما بدون خدمة عملاء ولا حل ، وأكيد هى مناطق مناطق لكن أكيد بنها مكانتش أول مرحلة !!

**mahamedaraby** · 06-08-2008 04:19 PM

اى حد يقبلوا مشاكل مع اى شركه للخدمات المحمول او التليفون الاراضى او شركات النت يتصل بالرقم ده 155 وهما هيساعدوك جامد عن تجربه

**TaoTao** · 06-08-2008 04:57 PM

دي بلطجة وقلة أدب .. يعني ايه يغير الباسوورد الخاص بالراوتر بتاعي؟!!
ع العموم حضرتك ممكن تطلب 155 وده رقم مرفق تنظيم الاتصالات، وتقولهم على كل اللي حصل. بيبحثوا المشاكل وبيتابعوها كويس لغاية ما تتحل.
بالمناسبة .. أنا لاحظت إن خدمة ال DSL في مصر -للأسف- مالهاش أي ضمانات ، يعني مافيش Service Level Agreement يضمن حق العميل في عدم انقطاع الخدمة. وده المخرج الأخير اللي بيلجأوا له لما حد يزنقهم في موضوع التعويض عن انقطاع الخدمة.

**okmijn** · 06-08-2008 05:46 PM

علي فكرة انتة مش اول واحد يشتكي من الشركة دي
جاري كان مشترك في الشركة tedata واشترك معاهم 6 اشهر ودفع مقدما

وعينك ماتشوف الا المشاكل وزي ماقال صاحب الموضوع بالضبط ويمكن اكتر منة كمان

في الاخر ساب الشركة من تاني شهر مع انة دفع مقدما وغلبوة عشان ياخد الكنسلاشن نمبر
وراح شركة تانية

(((((ربنا يهدي ياباشا))))))

**Powert** · 06-08-2008 11:48 PM

المشاركة الأصلية كتبت بواسطة tamohsen

حد جرب ال Dsl الجديد بتاع فودافون؟

* انا جربته وشغال بيه من يوم السبت اللي فات بصراحة خدمة عملاء 100 100 وكمان لو في اي مشكلة بيحلوها على طول

* هما بيدوك سرعة 1 ميجا ب133 جنية كل شهر بحدود تحميل 7 جيجا في الشهر لو خلصت ال 7 جيجا تنزل سرعتك ل 256 وتقضي كده باقي الشهر

* وهما بيخصموا من فاتورتك او تشحن بكارت ويخصموا منه
مش لازم ترحلوهم

* وكمان انت مش بتدفع ولا مليم انت بس بتتصل بيهم من رقم موبايلك على رقم 2828 بس لازم تكون فودافون او من على الموقع بتاعهم

http://www.bewan.fr/produit.php?page...arm1=bwa-e200v

بيجبولك روتر وايرلز ب 4 بورت و2 يو اس بي USB وفاتحة فاير واير

ميزة ال 2 USB انك ممكن توصب هارت او فلاشة وممكن برنتر ويتعمله شير مع باقى المستخدمين
للعلم انا كنت مشترك مع تي اي تاتا وسبتهم من كام شهر علشان عندهم خدمة عملاء عايزة خدمة

وانا في الخدمة لو في اي استفسار