رينو لوجان اوتو ...حقا انها سيارة مقلب!!!!!!!

**walidzakzok** · 30-03-2013 06:02 PM

المشاركة الأصلية كتبت بواسطة shaddadfalcon1

كل جاجه ليها ميزاها وعيوبها ومستحيل في السعر ده تلاقي حاجه فيها كل حاجه انت عايزها ولا محدش هيشتري عربيات غيرها

الحاجه الوحيده اللي مستغرفها وده شيء كويس برده مش وحش ان الناس تبقي بتحب عربياتها بس انا ملاحظ ان الناس بتدافع بشراسه عن اللوجان وفعلا بتقارنها بعربيات تقريبا ضعف سعرها وعمري ماشفت عربيه بيتعمل معاها كده

اه فيه ناس فى قسم اللوجان بتحسسك انها العربية المعجزة واللي انا عايز اوصله انها عربية عادية تتقارن ب اللانوس والفيرنا وتتفوق عليهم في حاجات وهما يتفوقوا فى حاجات

**pharohtemo** · 30-03-2013 06:53 PM

المشاركة الأصلية كتبت بواسطة zoro2

معلش يا أخى وليد انا حكلمك من وجهة نظر عمريه بصفتى اكبر منك سنا فتحمل اخوك موضوعيتك فى محلها انك تذكر عيوب العربية وتسرها حتى يتعظ الأخرون انما زى ماانت ذكرت بالضبط انك بادئ ب 128 وتدرجت فى اقتناء الموديلات لما أنا مثلا ربنا يكرمنى وركبت أول فئة فى ال b m w عمرى ما أفكر أركب أقل منها ويمكن فعلا زى ما انت ذكرت العيوب اللى انت قلتها موجودة فعلا انما واحد زى ما يحسش بيها وكمان لما اقارن مش بس الميزة ان العربية عالية على الأرض دى بس الميزة اللى انت حاسسها ؟؟يا وليد باشا لما تكون احلامك تجيب وليس لديك سوى ثمن اللوجان فيبقى العيب مش فى اللوجان العيب فى احلامك لأن العربية دى زيها زى أى حاجة فى الدنيا معاك جنيه حتشترى بجنيه معاك مليون حتشترى بمليون هما صنعوا العربيه دى بالعيوب دى لأن 80 الف ميجبوش اللى فى بالى وبالك فكرتنى مرة واحد خبطنى بغوشوميه وراكب b m w وهواللى غلطان ونزل يزعق ويهلل وأنا انفعلت جدا لانه غلطان وقليل الأدب كمان واحدة جت جنبى راكبه لانسر قالت لى يا أستاذ أعذره هو انت زعلان انو خبطك تمن ال 4 فرد كاوتش بتوعه بتمن عربتك كلها ههههههههههه وضحكت ومشيت بدون أن أرد عليها إيه السخافة دى يعنى علشان عريته أغلى منى عربيتى 30 ضعف أموت أنا وممشيش فى الشارع ويخبطنى أقوله شكرا وفكرت فى الكلام صح انا عربيتى لو كملت وعلمت عليه بس حيبكى دم انما انا فانوسى اللى اتكسر ب 15 جنيه اللوجان دى هى 128 وقت ما كانت عربيه ليها شنة ورنه متزعلش انا مش بهاجمك ولا رأيك مزعلنى انما فى عوامل اقتصادية ونفسية واسريه تخليك تتمنى تركب طيارة انما معاك تمنها احنا مش زى الحراميه اللى سرقوا البلد ولا المخلوع اللى لو عيال عيال عيال عيال قعدوا يصرفوا فى اللى سرقوا جدهم مش ح يخس مليار دولار واحد فاهمنى يا أبو وليد

تحياتى لحضرتك و كل التقدير و الإحترام لكل كلمة كتبتها ...
نفس شعورى لما غيرت من 128 لسيات إبيزا !!! بالرغم من إن الإبيزا عربية قديمة و بسيطة بس كانت نقلة حضارية بالنسبة لى و الموضوع فى الآخر نسبى بحت ... اللى يعتبر تغيير جذرى فى نوع العربية ممكن يعتبر مقلب أو سقطة بالنسبة للآخرين ... بس مش معنى كده ان الصفقة خسرانه للجميع . أنا مقتنع بالخطوة اللى أخدتها فى الوقت ده و أستمتعت بالعربية حتى لما واحد قاللى هى دى عربية أصلا ؟ :)
ربنا يكرمك بعربيتك و يكرم الأستاذ وليد للى يريحه و يكرمنى انا كمان بعربية كويسة بعد الإبيزا العزيزة :)

**aboulojain** · 30-03-2013 07:09 PM

طيب ممكن نعمل مقارنة بين الفرنا و اللوجان و الافيو و اللانوس و ال byd
عشان يبقى الموضوع منهجي؟

**walidzakzok** · 30-03-2013 07:16 PM

المشاركة الأصلية كتبت بواسطة zoro2

معلش يا أخى وليد انا حكلمك من وجهة نظر عمريه بصفتى اكبر منك سنا فتحمل اخوك موضوعيتك فى محلها انك تذكر عيوب العربية وتسرها حتى يتعظ الأخرون انما زى ماانت ذكرت بالضبط انك بادئ ب 128 وتدرجت فى اقتناء الموديلات لما أنا مثلا ربنا يكرمنى وركبت أول فئة فى ال b m w عمرى ما أفكر أركب أقل منها ويمكن فعلا زى ما انت ذكرت العيوب اللى انت قلتها موجودة فعلا انما واحد زى ما يحسش بيها وكمان لما اقارن مش بس الميزة ان العربية عالية على الأرض دى بس الميزة اللى انت حاسسها ؟؟يا وليد باشا لما تكون احلامك تجيب وليس لديك سوى ثمن اللوجان فيبقى العيب مش فى اللوجان العيب فى احلامك لأن العربية دى زيها زى أى حاجة فى الدنيا معاك جنيه حتشترى بجنيه معاك مليون حتشترى بمليون هما صنعوا العربيه دى بالعيوب دى لأن 80 الف ميجبوش اللى فى بالى وبالك فكرتنى مرة واحد خبطنى بغوشوميه وراكب b m w وهواللى غلطان ونزل يزعق ويهلل وأنا انفعلت جدا لانه غلطان وقليل الأدب كمان واحدة جت جنبى راكبه لانسر قالت لى يا أستاذ أعذره هو انت زعلان انو خبطك تمن ال 4 فرد كاوتش بتوعه بتمن عربتك كلها ههههههههههه وضحكت ومشيت بدون أن أرد عليها إيه السخافة دى يعنى علشان عريته أغلى منى عربيتى 30 ضعف أموت أنا وممشيش فى الشارع ويخبطنى أقوله شكرا وفكرت فى الكلام صح انا عربيتى لو كملت وعلمت عليه بس حيبكى دم انما انا فانوسى اللى اتكسر ب 15 جنيه اللوجان دى هى 128 وقت ما كانت عربيه ليها شنة ورنه متزعلش انا مش بهاجمك ولا رأيك مزعلنى انما فى عوامل اقتصادية ونفسية واسريه تخليك تتمنى تركب طيارة انما معاك تمنها احنا مش زى الحراميه اللى سرقوا البلد ولا المخلوع اللى لو عيال عيال عيال عيال قعدوا يصرفوا فى اللى سرقوا جدهم مش ح يخس مليار دولار واحد فاهمنى يا أبو وليد

كلام موزون فعلا ياريت حضرتك تشارك بقوة اكتر من كدة فى المنتدى

**walidzakzok** · 30-03-2013 07:24 PM

ياريت الناس اللي مش عاجبها كلمة تطبيل تخش على الموضوعات القديمة اللي مصورة العربية على انها السيارة المعجزة

**monamize4** · 30-03-2013 09:03 PM

المشاركة الأصلية كتبت بواسطة ahmed a rahman

والدي اشترى ال duster من 2011 لما رآه من تعامل توكيل راقي وامين وسريع في حل المشكلات على حساب الضمان

الداستر برضه داتشيا برعاية رينو وبتتصنع في المغرب ومش كوكتيل وحش ولا حاجه
والدي بيسوق بقاله اكتر من 30 سنة وهاري العربية في المزرعة مش عايز اقولك بيشيل في العربية معيز وخرفان وبط وبرسيم وكمان اشولة سماد , الداستر تعتبر النسخة ال suv للوجان

محدش قال ان الداستر وحشة , الراجل بيتكلم على اللوجان و بعدين توكيل نيسان مثلا بيبيع صنى بما فيها من مشاكل و بيبيع جوك و قشقاى

جوز اختي اللي قعد سنتين يتريأ علىى عربيتي, السنة اللي فاتت باع عربيته واشتري اللوجان الاوتوماتيك رغم قيادته في الخليج لمعظم السيارات الامريكية بعد قضائه لمدة 20 سنة في الامارات وكان معاه نيسان في مصر ومش حقولك "بيطبل للعربية" ولكنه بيقول انها "صفقة رابحة"

اكيد واحد بقالوا 20 سنه بيسوق امريكى مش اللوجان هى اللى بهرته ,و اكيد الراجل ماكنش مخصص ميزانية 200 الف و بعدين اختار اللوجان , المنطقى انه كان محدد ميزانيه 90 الف مثلا و شاف ان اللوجان هى احلى عربية بالسعر دا بدليل انه بيقول انها صفق رابحة

واخيرا من شهرين:
والدتي باعت اللانسر الخليجي بتاعتها واشتريت ليها السانديرو الاوتوماتيك وتعتبر من احسن العربيات اللي سوقتها

عادى اى حد ممكن يكون معاه passat و يبعها و يشترى سيراتو و دا لا يعنى ابدا ان السيراتو احسن من ال passat
و ياريت تقولنا ايه العربيات اللى انت سوقتها و شايف ان اللوجان احسن منها؟

المشاركة الأصلية كتبت بواسطة nadernabil

انا معايا اوكتافيا a5 و رغم كده مقتنع ان اللوجان صفقة رابحة بكل المقاييس للدرجة اللي وصلتني اشتري المانيوال و الاوتوماتيك منها
ممكن اتفق معاك في بعض العيوب اللي انت ذكرتها بس في الاخر انت بتبص انت دفعت كام و بتاخد ايه قدام اللي دفعته و على اساسه بتحدد اذا كانت الصفقة رابحة ولا لأ....و معايا الصفقة كانت رابحة بكل المقاييس و اعتقد مع الاغلبية من الناس هنا او خارج المنتدى نفس الكلام
كلامي اللي فات كان على اساس الاوتوماتيك لما كانت ب ٨٠٠٠٠...دلوقتي للاسف سعرها بقى مرتفع بشكل مستفز و يخليك تضطر تفكر في بدائل اخرى حتى لو اغلى منها
ارتفاع سعرها الاخير خلاني اتغاضى عن شراء السانديرو الاوتوماتيك لاختي في الاسبوعين اللي فاتوا و اشترينا نيسان صني شكل قديم...
الخلاصة من كلامي....اللوجان كعربية كويسة جدا و مناسبة لاحتياجات الأسرة المتوسطة...لكن بارتفاع سعرها الحالي يخليك تفكر ١٠٠ مرة قبل الإقدام على شرائها

كلام موزون و سليم

**lozaregypt** · 31-03-2013 12:10 AM

للامانه العربية لاتقارن بيفرنا او لانوس او افيو مع احترمنا للجميع ومالكي هذه السيارات لانهم كفاية انهم تجميع محلي وتجميع محلي حط تحتها ميه خط
العربية محترمه وبصراحة مشفتش حد طبلها وراح قارنها حتي باكسنت رب ولا نيسان الشكل الجديد
انا بتفق معاك في سعر العربية المبالغ فية بس علي فكرة كل العربيات المستوردة زادت بسبب ارتفاع السيارت

شكرا ليك وتقبل مروري

**walidzakzok** · 31-03-2013 12:17 AM

المشاركة الأصلية كتبت بواسطة zoro2

اولا انا متشكر على كلامك وذوقك العالى يا وليد وده يدل على نبل أصلك ومنبتك الكريم
والشكر موصول للدكتور الشافعى والأخ pharohtemo وكل الأعضاء المحترمين
وكويس ان فكرتى وصلت لك بإختصار محدش بيقول ان اللوجان ولا غيرها عربية كاملة والكمال لله تصدق يا وليد أنا قررت أشترى اللوجان بعد مشاوارات ومدوالات انا والاصدقاء تارة ومع زوجتى تارة اخرى النصيب
بس فعلا العربية دى بصرف النظر عن كل ما ذكرته وأعتقد انه به شيئ كبير صحيح انما لما تبقى رب اسرة ومصاريف ومدارس الخ الخ حتفكر مليون مرة انك تستفيد بكل قرش بتصرفه انا كنت ناوى بنسبة 100 % اشتر النيسان صنى بس موديل 2012 ودوخت مع اصحاب المعارض علشان اشتريها والمرواغة والكلام كله طلع منهم فشنك للاسف و بس مجرد كلام بالتليفون وقت الجد بيطلعوا يا نصابين يا طماعين لذا بعد ما قرأت بالمنتدى عن اللوجان ومن اصدقاء أثق فى حكمتهم وحكمهم على الامور قررت شراء اللوجان والله المستعان
انا مشارقليل نعم ولكن لظروف خاصة انما اوعدك بالمشاركة طالما فى ناس جدعة زيك كده يا عم وليد
تقبل تحياتى

الشرف ليا يا فندم اني اتعرفت على حضرتك من خلال الموضوع دة .....اللوجان لما كانت ب 79 كانت احسن من الصني القديمة اللي كانت بحوالي 93 الف لان مساحة الصالون في صالح اللوجان ودي نقطة مهمة جدا لاي حد عنده اسرة

انا طبعا لما ركبت التيدا بعد ال 128 حسيت بصدمة حضارية ههههههه وكمان استغربت ان في دول الخليح العربيات المانيوال بتطلب اسبيشيال اوردر!!!! لان مفيش عليها اقبال واحنا هنا في مصر فيه ناس لسة بتقول المانيوال احسن

اللي عايز اوصله لاي حد بيفكر يشتري لوجان اوتوماتيك ان العربية ليها مميزات وعيوب والعيوب دي من وجهة نظري جوهرية ممكن بالنسبة لحد تاني يكون شايفها ثانوية بس انا حبيت انبه وانقل وجهة نظري حتى لو مرضيش عنها اعضاء القسم بس انا شايف ان دة واجبي لان الشريحة اللي بتشتري اللوجان فعلا شريحة تعبانة جدا فى فلوسها.

**kotimg2** · 31-03-2013 10:28 AM

ياجماعة الموضوع باختصار انه اضحك عليكوا ودفعتوا دم قلبكوا فى عربيات زبالة.طب ليه زبالة.عشان اولا جميع الاسعار مبالغ فيها لما قناة mbc تجيب اعلان للدودج وانها ب 100000 ريال و الجيتا ب 67000 ريال يبقا لموائخذة كلوا اضحك عليه.وحسبي الله ونعم الوكيل.

الموضوع: رينو لوجان اوتو ...حقا انها سيارة مقلب!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

لوجان اوتو او صنى 2013 اوتو

★★★_من لا يدرك انها تـويـوتـا فلــــيعرف انها ياريس rs gs النسخة الاكثر رياضية_★★★

لوجان هاي لاين اوتو ولا بي واي دي بلاك لاين اوتو

اختار الافضل من ياريس اوتو او صنى اوتو اواوبترا اوتو

والله محتار(صنى سوبر صالون اوتو)(لآنسر الشكل القديم 1600 اوتو)(اوبترا اوتو)(ياريس....

الكلمات الدلالية لهذا الموضوع

المفضلات

المفضلات

ضوابط المشاركة