الموضوع: رينو لوجان اوتو ...حقا انها سيارة مقلب!!!!!!!

اللوجان فعلا احسن من اللانوس والفيرنا والساجا كعربية لكن يقابلك مشكلة ارتفاع صيانتها كل الناس اللي خرجت من الضمان محتاسة ومش عارفة تصين فين كان نفسهم يوفروا مصاريف الصيانة الغالية في التوكيل لكن مفيش بديل مناسب

شكرا علي رأيك ... المشكلة ان كل واحد عنده عربية بيدافع عنها باستماتة كانها قريبته مش حتة حديد ... يمكن بيدافع عن قرار الشراء بتاعه

المشاركة الأصلية كتبت بواسطة walidzakzok

بسم الله الرحمن الرحيم

بداية احب اقول ان انا كنت راكب قبل كدة 128 موديل 2006 من الزيرو ونيسان تيدا 2008من الزيرو ونيسان صني مستعملة 2004 وكيا اوبتيما 2002 كلهم اوتوماتك ماعدا ال 128 طبعا

اللوجان اللي معايا موديل 2013 عاملة 8000 كم اوتوماتيك

اولا مميزات اللوجان الاوتوماتيك:
كاوتش 15 عالية عن المطبات صالون واسع سقف عالى سعرها منافس (لما كانت ب 80 الف)

ثانيا عيوب العربية:
للاسف معظم مالكي اللوجان بيبقوا طالعين من عربيات اقل فى التكنولوجيا زي الفيات القديم واللادا اما لو كنت طالع من عربية معقولة هاتحس انك اخدت مقلب تمام اوي فى العربية دي نيجي بقى للعيوب بالتفاصيل

1- ابعاد العربية وخصوصا الشنطة تحسسك انك مش مسيطر على العربية فى الركن لانك تقريبا مش شايف حاجة من ضهر العربية عربيات كتير كده مش اللوجان بس و لو مش قادر تتعود على ابعادها ركب باركنج سنسور
2- دهان العربية ممكن بظافرك تشيله اسوا دهان عربية شوفته فى حياتي دهان شركة النصر بتاع 128 كان احسن 100 مرة طبعا المقولة دي فيها مبالغة كبيرة و انا محستش ان الدهان بتاعها سئ للدرجة دي
3- سحب العربية زفت فى الطلعة لحد الغيار التاني وانا بقارنها ب عربيات 1300 زي اليارس الاوتو تتفوق بمراحل العربية طلعتها بطيئه شوية بس بعد كده سحبها كويس جدا و خصوصا لو قلبتها ستيب ترونيك اللي بالمناسبة مش موجود في عربيات كتير اغلى منها
4- الدركسيون تقل جدا تقريبا كدة كانه مفيش باور فيه والله ال 128 كان دريكسيونها العادي انعم كلامك صح الباور تقيل فعلا
5- الكرسيين اللى قدام ظهرهم بيلعب معاك مع الفرامل واللي مش مصدقني يشوف اي عربية لوجان هيلاقي الظهر بيتحرك ومالهاش حل فى التوكيل محستش بالموضوع ده و الكراسي عندي ثابتة عادي
6- صوت موتور غبي خصوصا فى المطالع والكبس صوت الموتور كان عالي في الاول و بعد كده هدي و بقيت باحب اسمعه باحس انه قوي
7- الكاوتش اللي العربية نازلة بيه لا يستحق تعريفة وممكن يسبب كوارث ودي ممكن تلاقوها فى مواضيع كتير فى المنتدى فعلا كاوتش سئ خشن و صوته عالي عامل زي الماكسيس اللي بينزل في الصني
8- المصيبة الكبرى العربية دي الفتيس بيعمل تنتيش مع الكبس على مزاجك فى الغيار التاني مكرر اللي الناس مش عارفة ايه لزمته ولما تهدي بالعربية تحس بتسليمة كل غيار للى اقل منه محستهاش فى اي عربية اوتوماتيك تانية كانت بتنتش في الاول و دلوقتي قلت اوي مش عارف بقى اتعودت عليه و لا العربية اتلينت
9- سعر قطع الغيار مبالغ فيه جدا على سيارة زي دي قبل ما اشتري دخلت على الموضوع المثبت بتاع قطع الغيار و قارنت اسعارها باسعار التمبرا و الماتركس لقيت اسعارها اغلى سنة بس فيها حاجات ارخص من التمبرا بالرغم من فرق سنة الصنع و اعتقد انها بالنسبة لعربيات تانية كتير حاتبقى في نفس حدود الاسعار
10- العربية من شركة داتشيا الروماني بدعم فني من رينو وبتتجمع فى المغرب يعنى كوكتيل تعبان جدا!! مش فارقة معايا انا شاريها و انا عارف انها مغربي و مقابلنيش مشاكل تقفيل على عكس العربيات المتقفلة في مصر اللي مليانة مشاكل تقفيل

وفى النهاية احب اقول ان دة تقييمي كاحد ملاك العربية اللي انا مستاء منها جدا

واكيد واحد هايقولي انت لشتريتها ليه هاقوله مكانش فيه ليها اي بديل بالسعر دة ومساحة الصالون دي

ونصيحة لاي حد مقدم على شراء العربية دي بلاش وفيه بدايل تانية احسن لان اللوجان هيا التطور الطبيعي للعربية الادارأيك الشخصي و محدش يقدر يحجر عليه

طبعا انا عارف ان فيه بعض الاعضاء هايخشوا يهاجموا علشان صعبان عليهم الفلوس اللي دفعوها او الاقساط اللي عليهم بس انا بوجهلهم رسالة وبقولهم انتوا كنتوا السبب في ان ناس كتير تلبس العربية دي وبلاش دفاع وخلاص وياريت اللي هايخش يدافع يكتب ايه العربيات الاوتوماتيك اللي ساقها قبل كدة وكام الف كيلو يعني مايكونش خد لفة بعربية ويقارنها باللوجان
لو رجع بيا الزمن كنت جبتها برضه و انا حاليا حاسس ان كل قرش اندفع فيها جاي في مكانه ( باتكلم عن السعر القديم طبعا) و الحمد لله ربنا يباركلي فيها
واخيرا كلمة لكل واحد بيفكر فى العربية دي الفرق بينها وبين الصني الجديدة اصبح 10000 جنيه او حتى ال بي واي دي فرق بسيط جدا .....اشتري نفسك واشتري حاجة منهم او خليك فى الفيات او اللادا اللي انت راكبها بدل ما يتخرب بيتك صيانة وسعر اعادة بيع زي الزفت

وبقول للناس اللي بتطبل للعربية دي وهية عارفة انها لاتستحق اتقوا الله وشكرا
طبعا اسلوب الكلام هنا مش كويس و انا يوم ما جيت اشتري سألت الناس هنا عن عيوبها و كلهم افادوني باللي عندهم بالتفصيل لدرجة اني شاري العربية و انا عارف كل مشاكلها و عيوبها و حلولها و متفاجأتش بحاجة
والسلام عليكم ورحمة الله

حاجة اخيرة، انا ملاحظ انك بترد على مشاركات معينة و سايب الباقي، لعل المانع خير و يا ريت يا جماعة اللي يكتب عن عربية انها كويسة او وحشة يكون جربها فعلا