الموضوع: رينو لوجان اوتو ...حقا انها سيارة مقلب!!!!!!!

واخر مفاجات اللوجان اكتشفتها النهاردة بافتح الكبوت لقيت الموتور مرشح زيت!!!!!!!
دة غير الرابع ازاز كهرباء بقوا يشخللوا والفرامل ضعفت جدا كل دة والعربية عاملة 8000 كم

وزي ما قولت اي حد عايز يجي يشوف العربية يبعتلي على الخاص وانا اوريه الماساة على الحقيقة

المشاركة الأصلية كتبت بواسطة zoro2

السلام عليكم ورحمة الله وبركاته
لصاحب الموضوع الأخ وليد
بصراحة شديدة انا فعلا متابع كل الأعضاء وبديت أحس بإختناق وضيق كلما رأيت الإسهاب فى موضوعك انت يا وليد خليتنا عاملين زى اللى لابس قميص جديد ومستنى الناس تبارك له عليه
يقوم واحد ؟؟؟؟ يقولك لياقة القميص وسخة أوووى انت شاريه كده ؟؟؟؟
أرجو كل اللى عنده تجربة حلوة او نقاش موضوعى حول موضوع زى ده يفيدنا بعلمه وتجربته دون الدخول إلى النوايا والتعليقات اللى تخلى الواحد يحبط ويصاب بالأكتئاب لمجرد رؤيته عنوان الموضوع
(تعليقك ان عادة البعض انو يلبس غيره فى حاجة لبسها دى ) خلتنى أرجو من أى حد مسئول عن الموقع أو القسم يغلق الموضوع هو إحنا جايين نخدم بعض ونستفيد بأراء بعضنا البعض ولا نضمر الشر والسوء والمقالب ده عيب وغلط ده شغل ناس مش ولاد ناس
وعيب إنى أقولك عيب والمعنى فى بطن الشاعر
أنا مش داخل الموضوع تانى لأنى فعلا بيتحرق دمى من الإسفاف والدرجة اللى وصلنا ليها فى النقاش واستخدام ألفاظ لا تليق لناس المفروض أنهم ناس متعلمة
وأنهى حديثى أسفا على الإطاله بحديث سيد الخلق أشرف ولد أدم سيدنا محمد بن عبد الله بالحديث الشريف

عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .

يا استاذنا انا مش بقولك انت انت اشتريت القميص وخلاص طلع حلو وحش فات الاوان
انا بقول الكلمتين دول للناس اللي بتفكر يبقى عنده فكرة عايز يشتري براحته هو حر!!!!!ِ

انا سيبت الموضوع من غير رد لفترة والناس اللي مش عاجبها الموضوع لغرض فى نفوسها هية اللي بتفتح الموضوع وبعدين يشتكوا انا الحمد لله ماشخصنتش الموضوع وماغلطش فى حد واللي معترض يشتكي للادراة مع كامل الاحترام ليها

الموضوع يتقفل او ما يتقفلش مش مشكلتي انا نقلت صورة للعربية بخبرة محايدة ولاني احد ملاكها انا مش هاكسب والا هاخسر حاجة وحرية الراي من حقي وانا نقلت صورة حقيقية للعربية وراضي ضميري اما موضوع التطبيل الناس سابت العربية ومسكت فيه لان موقفهم ضعيف من الاساس وزي ما قولت اي حد بيفكر يشتري العربية يجيلي وانا افرجه وهو يحكم بنفسه ويشوف هيرمي فلوسه فى ايه